МӘСКӘҮДӘ ТАТАРЧА СӨЙЛӘШЕП...

1986 ел. «Ялкын»  журналында пионер тормышы бүлеге редакторы булып эшләп йөргән чакларым. Күптән түгел генә безгә баш редактор итеп билгеләнгән Роза апа Туфитуллова мине Мәскәүгә, ВЛКСМ Үзәк Комитеты каршындагы Югары комсомол мәктәбенә (ВКШ) укырга җибәрде. СССРда нәшер ителүче  балалар  журналларының барысыннан да вәкилләр килгән иде! Украина, Белоруссия, Кавказ, Урта Азия республикаларыннан... Ригадан килгән латыш журналистлары Лиена Суна Һәм Илзе Бригадере белән тулай торакта бер бүлмәдә яшәдек. Алар үзара латышча гына сөйләшәләр, литвалар белән дә үзләренчә аңлашалар, минем белән рус телендә аралашалар. Лекцияләрдә утырабыз, комсомол-пионер журналларында мастер-класслар үтәбез. «Пионерская правда» редакциясеннән кайтып барганда,  Казакъстанның «Балдырган» журналыннан килгән коллегалар миңа казакъча эндәштеләр – аңламыйм. Шуннан татарчага күчтеләр. Казан, татарлар турында сорашалар. Казакъстанда да татарлар күп яши, диләр. Шаккаттым: менә дигән итеп сөйлиләр татарча!

Чуашиянең «Хатер пул!» (безнең телгә  «Әзер бул!» дип тәрҗемә ителә, пионерлар өчен чыга) журналында әдәбият бүлеге редакторы чуаш егете Анатолий Смолин да минем белән рәхәтләнеп татарча сөйләшә! ГУМнан тиз генә ЦУМ, «Детский мир»ларга сугылмакчы идем, адашып калдым. Бәхеткә, Анатолий очрады. Лекциядән соң  ул да шул универмагларга килгән булып чыкты. «Эльмира, бу өч универмаг – Мәскәүнең «Казан», Ленинград», «Ярославль» вокзаллары кебек – янәшә генә тора», – дип аңлата миңа. Татарча аңлата!

Мариларның шул еллардагы «Пионер йук» журналы баш редакторы Алексей Юзыкайн турында шагыйрь буларак ишеткәнем бар иде инде. Мәскәүдә аның белән татар телендә аралашырбыз дип башыма да китермәдем мәгәр.

Ярар, казакъ, чуаш телләре төрки телләр инде, ә мари теле бит фин-угор төркеменә карый!

Башка милләт вәкилләренең безнең телгә шулай хөрмәт белән каравы, татарча сөйләшә алуы күңелдә әйтеп бетергесез канәгатьлек, горурлык хисләре тудырган иде. Казанда булса, бер хәл. Мәскәүдә татарча сөйләште бит алар!
                               
фото: https://pixabay.com                                   
             

 

Татар хатын-кызлары өчен кызыклы язмаларны Сөембикә Telegram-каналында укыгыз


Ошый
Поделиться:
Комментарийлар (0)
Cимвол калды:
Хәзер укыйлар
  • Балдаклар, туй күлмәге калды, ә мин... Сүземне ерактанрак башлыйм әле. Әти үлгәндә мин әле тумаган да булганмын – әни 7 айлык корсаклы килеш калган. Аңа бу вакытта нибары 21 яшь булган...
    7475
    2
    51
  • Рәхмәт, әнием! Аның ирен үтереп ташладылар. Дөресрәге, үләр дәрәҗәгә җиткәнче кыйнап ыргыттылар... Аңсыз гәүдәсен өйләреннән ике йөз метрлар чамасы җирдә, барак кебек шыксыз йортларның пычрак ишегалдыннан таптылар...
    4341
    0
    34
  • Бар җылымны сиңа бирәм, әни... Әнигә бар җылыңны да, назыңны да, яратуыңны да бирәсең, чөнки ул әни, һәм башкача уйлау, яшәү мөмкин түгелдер... Ә үз әниең булмаса?! Кемгә бүләк итәргә? Сине ничек бар шулай кабул итә торган кем бар тагын?! Әни бар! Иремнең әнисе!
    2254
    0
    33
  • Синнән башка беркем кирәкми Нурзидә белән Рәдиснең балалары юк. Күп еллар юк инде. Нурзидә моның белән күптән килеште. Рәдис тә килешкән кебек булган иде... 
    3043
    1
    31
  • Бергә булырга язмаган безгә... Хәзер аңлыйм: мин бик тырыш, яхшы укучы бала булганмын. Һәм шуның өстенә соң өлгергәнмен. Мәктәптә кайберәүләр бишенче класстан ук егетләр белән аралашып, егет сөйгәнгә исләрем китеп карый идем. Артык хисләнеп тормыйча гына дөньяны җигелеп тартучы әти-әни үрнәге дә шул булгандыр. Алар артык мәхәббәт маҗараларыннан башка гына, димләп өйләнешкән кешеләр иде. Егет сөю бер оят эш төсле тоелган миңа.
    2555
    0
    16
Реклама
Соңгы комментарийлар
Реклама
«Татар мамык шәле» бренды нәрсә ул?
«Татар гаиләсе / үрнәк алыгыз»
«Азат хатын» күргәзмәсе – Кабан күле буенда
«Сөембикә»нең яңа саны һәм... балчык
Әлфия Миңнуллина: «Әни Казанга яланаяклы кыз булып килгән иде, яланаяк мәңгелеккә китеп бара...»
Фарфор буенча рәссам Римма Газалиеваның шәхси күргәзмәсе
Укучыга таба яңа адым: «Сөембикә»нең февраль санын тәкъдим иттек 
Венера Ганиеваның ире, тавыш режиссеры Камил Фәйзрахмановны соңгы юлга озату
Беренче дулкын. Өмет, курку, хисләр
Татарстан журналистикасы тарихы – фотоларда