Миллениум күпере астындагы йолдызлар аллеясына тавыш бирү - Хәния Фәрхи беренче урында!

Казанда - Миллениум күпере астында дөньякүләм танылган йолдызлар аллеясы барлыкка килергә мөмкин.  Социаль челтәрдә шушы идеяне шәһәр җитәкчелегенә җиткерү идеясен яклаган төркем оештырылган. Һәркем музыка дөньясындагы кумиры өчен тавыш бирә ала. Тавыш бирүдә беренче урында - Хәния Фәрхи. 

Иҗтимагый активист Марат Газизуллин бу идеяне шәһәр мэры Илсур Метшинга һәм Татарстан Президенты ярдәмчесе Наталия Фишманга җиткергән инде. Җитәкчеләр аны хуплаган.

- Әлеге идея дустым белән Казансу елгасы яр буенда йөргәндә туды. Уйлап карасаң, Казаныбызда йолдызларга багышланган бер генә ял итү урыны да юк. Ә "Милленеум" күпере астын рэперлар инде күптәннән үз итеп өлгерде һәм еш кына шунда ял итә, җыелышып җырлый. Соры баганаларны төрле портретлар белән бизәсәң, күпкә әйбәтрәк булыр иде, - ди Марат Газизуллин.

Күпер астында 14 багана бар. Идея авторлары анда дөньядан киткән 28 йолдыз рәсемнәрен  арт стилендә ясарга тәкъдим итә. 

Төркемдә барлыгы 263 йолдызның исеме тәкъдим ителгән. Уитни Хьюстон, Фредди Меркьюри, Луи Армстронг кебек дөньякүләм танылган җырчылар арасында  җыелган тавышлар буенча Хәния Фәрхинең беренче урында баруы күңелне сөендерә. 

Алай гына да түгел, тавышка куелган исемнәр арасында Гали Ильясов, Гөлсем Сөләйманова, Мөнирә Булатова, Габдулла Рәхимкулов, Вафирә Гыйззатуллина, Нияз Даутов, Нәҗип Җиһанов, Әлфия Авзалова, Әнвәр Бакиров һ.б. татар шәхесләре бар.

"Йолдызлар" аллеясында үзегезнең яраткан җырчыгызның рәсемен күрергә телисез икән, моның өчен "Вконтакте"дагы  "Аллея известных музыкантов под мостом Миллениум" төркеменә кереп,  әлеге шәхескә тавыш бирергә тәкъдим итәргә генә кирәк.

- Идея кайчан тормышка ашачагын әлегә төгәл генә әйтә алмый. Чөнки бу эшне башкару өчен тәҗрибәле рәссам кирәк. 30 метрлы баганаларга менеп рәсем ясау һәркемнең дә кулыннан килми, - ди Марат.

Димәк, башкалабыздагы яңа аллеяда татар музыка дөньясы йолдызлары рәсемнәре күбрәк булсын өчен аларга тавыш бирү мөмкинлеге бар дигән сүз. Татар музыка сәнгате өчен зур өлеш керткән шәхесләребезнең  исемнәрен бергәләп мәңгеләштерик! 

Исемлектәге кайбер йолдызлар:

Виктор Цой

Әлфия Авзалова

Майкл Джексон

Андрей Миронов

Рөстәм Яхин

чыганак: http://intertat.ru

Татар хатын-кызлары өчен кызыклы язмаларны Сөембикә Telegram-каналында укыгыз


Ошый
Поделиться:
Комментарийлар (0)
Cимвол калды:
Хәзер укыйлар
Реклама
Соңгы комментарийлар
  • 18 гыйнвар 2021 - 18:58
    Без имени
    Анвэрне ул яратмаган дус кына итеп Кабул иткэн бергэ булсалар да Тора алмаслар иде
    Тиң ярым һәрвакыт янымда булган 
  • 18 гыйнвар 2021 - 11:14
    Без имени
    АВЫР КАЙГЫГЫЗНЫ УРТАКЛАШАМ'МИНЕМ БАШТАН УТТЕ БИК АВЫР ЯКЫННАРНЫ АМИНЮГАЛТУ..УРЫННАРЫ ОЖМАХТА БУЛСЫН!УЗЕГЕЗГЭ ТУЗЕМЛЕК ХЭМ САБЫРЛЫК!🙏🙏АМИН!!
    Әнвәр Нургалиев гаиләсендә зур кайгы
  • 18 гыйнвар 2021 - 12:44
    Без имени
    Бик гыйбрәтле, җиңел укыла торган, уйлата торган хикәя. Рәхмәт авторга
    Ник ашыктың?
  • 18 гыйнвар 2021 - 12:58
    Без имени
    Сөембикә журналына рәхмәтлемен .Хикәямне чыгарган өчен . Журнал редакциясенә уңышлар телим ! Язылучыларыгыз саны . көннән көн артсын !!!
    Ник ашыктың?
  • 18 гыйнвар 2021 - 14:56
    Без имени
    Бик мэгьнэле язылган...
    Ник ашыктың?
Реклама
Венера Ганиеваның ире, тавыш режиссеры Камил Фәйзрахмановны соңгы юлга озату
Беренче дулкын. Өмет, курку, хисләр
Татарстан журналистикасы тарихы – фотоларда
Бу – безнең уртак тарихыбыз
Журналыбыз архивыннан
«Объективта – әни»
Кешелек хакында фәлсәфи уйланулар, робот София һәм ипи
Балачак – уйнар чак...