Комсомол, яшьлек, хыял бәйрәме

Бу көннәрдә ил буенча бәйрәм тантаналары гөрли. ВЛКСМ сафларында тәрбияләнгән миллионнарның бәйрәме бүген!

Коммунистик Яшьләр Союзының романтика, хыяллар, фидакарьлек, батырлык белән язылган биографиясен бүген дә горурлану катыш соклану белән искә төшерәбез. Данлы комсомол традицияләрен бүген дә сакларга тырышабыз. Патриотизм, батырлык, дуслык, энтузиазм, чын оештыру мәктәбе булган данлы оешмабыз әллә никадәр эшләргә илһамландырган, бөек башлангычларга юл ачкан!
Комсомоллар – Бөек Ватан сугышы геройлары, комсомоллар – чирәм җирләрне үзләштерүчеләр, комсомоллар – космонавтлар... Бөтенсоюз комсомол төзелешләре БАМ, КамАЗлар, төзелеш отрядлары, Бөтендөнья Яшьләр һәм студентлар фестивальләре... Һәм, әлбәттә, җырларыбыз!  «Комсомольцы-добровольцы», «Любовь, комсомол и весна», «Главное, ребята, сердцем не стареть!..», «Мой адрес – Советский Союз»лар...

...Миңа ВЛКСМның 100 еллыгына багышланган тантаналарда катнашу бәхете дә елмайды! Узган атнада М. Җәлил исемендәге опера һәм балет театрында Татарстан комсомолы җыелган иде. 800 гә якын кеше! Кемнәр генә юк арада!.. Комсомол, пионер ветераннары, районнарның комсомол оешмалары җитәкчеләре, КамАЗ төзүчеләре, студентларның төзелеш отрядлары вәкилләре, «Кар десанты» сугышчылары, комсомол съездлары делегатлары, Татарстан комсомолының Муса Җәлил премиясе лауреатлары... Залда Александра Пахмутова җырлары яңгырый... Пионер речёвкалары комсомол конференцияләрен искә төшерә...  

Бәйрәм «Корстон»да дәвам итте. Кызыл галстуклы егетләр-кызлар (пионервожатый ролендәге вуз студентларына галстуклар ничек килешә икән, янып торалар!) кунакларны каршылап, табынга дәшеп йөри. Сәхнәдә – Ренат Ибраһимов, залда без биибез («Королева красоты», «Эта песня, дружище, твоя и моя», «Не расстанусь с комсомолом, буду вечно молодым!» җырлары ритмына). Ә табында хәтта консерв банкасында томатлы кильки һәм пачкалы «Дружба» сыры да бар иде. Бәйрәмнең фишкасы итеп махсус куйганнар өстәлләргә! Шул чорны, 80 нче елларны искә төшерү, сагыну өчен...
Бар да ихлас: елмаялар, бер-берсен кочаклыйлар, бергә эшләгән елларны сагыналар. Урамда – көз: сары яфраклар оча. Ә күңелдә – яз! Мәхәббәт,  Комсомол, Яшьлек бәйрәме романтика канатында күкләргә, йолдызларга очыра безне! Җырдагыча, мәңге яшь каласы килә!     

Комсомол туган көн белән котлыйм, дуслар!

фото: https://www.culture.ru/events/355317/beseda-komsomolcy-dobrovolcy

Татар хатын-кызлары өчен кызыклы язмаларны Сөембикә Telegram-каналында укыгыз


Ошый
Поделиться:
Комментарийлар (0)
Cимвол калды:
Хәзер укыйлар
Реклама
Соңгы комментарийлар
  • 24 сентябрь 2021 - 14:54
    Без имени
    бик. матур. хикея. ошады. ахыры да. яхшы. тэмамланды. рэхмэт
    Тормышымны үзгәрткән борылыш
  • 24 сентябрь 2021 - 09:19
    Без имени
    Бу хәлләр ир-ат тарафыннан азгынлык кына. Әгәр дә үзегезнең хатыныгызга да шундый ук игътибарлы булсагыз, хатыныгызны бер кемгә дә алыштырмас идегез
    Авырлы хатынны ташлап китү – ир эшеме?
  • 23 сентябрь 2021 - 18:10
    Без имени
    Монда әйтелгән фикерләр белән килешәм. Соңгысы гына күңелгә ятмый. Кияүгә ни өчен чыгалар, белмәдеңмени? Сине көчләп бирмәгәннәр бит!!! Малаең үз әтисе белән үсәргә тиеш, балаңны яратсаң...Җитәр, уйнап алгансың!!!
    Ирем булмаса, бәхетле яшәр идем...
  • 22 сентябрь 2021 - 22:45
    Без имени
    Оятсыз йэштэр! Иномарка, ял итеу хэзэр проблема тугел. Хаман Ата инэ елкэхендэ йэшэргэ оят бит хезгэ. Узегез генэ елкэ кимереу етмэйме ни, тыумаган балагызга урын Таба алмай ятахыгыз
    Тумаган килеш балама урын юк
  • 23 сентябрь 2021 - 06:38
    Без имени
    Башка кешегез булгач, ник хатыныгыз белән дә йокладыгыз соң? Баланы җил ясамагандыр бит?
    Авырлы хатынны ташлап китү – ир эшеме?
Реклама
«Азат хатын» күргәзмәсе – Кабан күле буенда
«Сөембикә»нең яңа саны һәм... балчык
Әлфия Миңнуллина: «Әни Казанга яланаяклы кыз булып килгән иде, яланаяк мәңгелеккә китеп бара...»
Фарфор буенча рәссам Римма Газалиеваның шәхси күргәзмәсе
Укучыга таба яңа адым: «Сөембикә»нең февраль санын тәкъдим иттек 
Венера Ганиеваның ире, тавыш режиссеры Камил Фәйзрахмановны соңгы юлга озату
Беренче дулкын. Өмет, курку, хисләр
Татарстан журналистикасы тарихы – фотоларда
Бу – безнең уртак тарихыбыз
Журналыбыз архивыннан