РИШАТ ФАЗЛЫЙӘХМӘТОВ АЕРЫЛЫШУЫНЫҢ СЕРЕН АЧТЫ

Талантлы җырчы Ришат Фазлыйәхмәтов турында нинди генә имеш-мимешләр ишетелмәде. Ниһаять, Ришат гайбәтләргә нокта куярга булды.
Аны хатыныннан аерылган, эчүгә сабышкан дип тә сөйләделәр. Артистның тормышында, чынлап та, зур үзгәрешләр булган.- Ришат, тормыш иптәшең белән аерылышуыгыз дөресме?
- Әйе. Бер ел элек аерылыштык.
- Сәбәбе нидә?
- Артист кеше булгач, гастрольләргә китәргә туры килә. Кайвакыт мәҗлесләрдә чыгыш ясап, соң гына өйгә кайтам. Хатыным соң кайтуымны яратмады.
- Белүемчә, улыгыз Искәндәр әнисе белән яши. Улыңны еш күрәсеңме?
- Кызганычка каршы, әнисе улым белән күрештерми. Суд юлын таптарга мәҗбүрмен. Улыма хәзер 2 яшь 3 ай. Бик сагынам үзен. Искәндәр миңа охшаган, кечкенә чагымдагы фотосурәтләр белән чагыштырсаң, нәкъ мин!
- Алимент түлисеңме?
- Әйе.
- Хатыныңның хәлле гаиләдән икәнен белә идек. Никахны да Төркиягә барып укыттыгыз, аннан соң Чаллыда зурлап никах туе үткәрдегез. Төрле социаль катламнан булу мөнәсәбәтләргә тәэсир итәме?
- Тәэсир итә. Мин моны хәзер аңладым. Парыңны үз тирәңнән эзләргә кирәк икән ул.
- Ришат, сине бик каты эчә, дип сөйләделәр.
- "Бик каты" дигәне дөреслеккә туры килми. Авыр чакларымда кабып карадым. Ләкин хәзер бу хакта уйлаганым да юк, теләмим дә.
- Сез бик матур пар идегез. Әллә күз тидеме икән?
- Кайвакыт үзем дә шикләнәм. Гаиләбез таркалганнан соң, үземдә үзгәрешләр сиздем. Кулымнан бер эш килмәде. Ләкин боларның барысы да артта калды. Мин хәзер яңа тормыш башлыйм, Алла теләсә!

- Димәк, син яңа мөнәсәбәтләргә әзер?
- Ир кешегә ялгыз булырга ярамый. Янәшәмдә мине аңлый торган, өйдә тәмле ризыклар пешереп көтеп торучы кеше булсын иде.
- Хәзер кайда яшисең?
- Әлегә Казанның бер бистәсендә туганнарда.
- Авылдагы (Мари Эл, Бәрәңге районы) өеңне дә тәрбияләп карап торасың дип беләм.
- Әйе, өебез ялт иткән, Аллага шөкер! Йорт тирәбез чиста, пөхтә. Кеше яшәмәсә дә, тәрәзә төпләрендә гөлләр үсеп утыра. Аларга авылда яшәүче җизни кереп су сибә. Бертуган абыйларым Мари Элда үз гаиләләре белән яши.
- Ришат, тамашачы синең яңа җырларыңа сусады. Синнән яңа хитлар, клиплар, концертлар көтә.
- Шәхси тормышымны гына түгел, иҗатымны да яңа баскычтан башларга телим. Хәзерге вакытта яңа җырлар яздыру белән шөгыльләнәм. Тиздән яраткан тамашачым яңа Ришат Фазлыйәхмәтовны күрәчәк!
чыганак: http://intertat.ru
Татар хатын-кызлары өчен кызыклы язмаларны Сөембикә Telegram-каналында укыгыз
Хәзер укыйлар
-
Гомеркәйләр бик кыска (хикәя)
-
Галош язмышымны хәл итте Балачактан ук әкиятләр яратмыйм. Ышанмыйм да. Әмма тормышың әкият сценариесе ,буенча баргач, ышанмый хәл юк икән...
-
Җандагы төер Мәрйәм кебек быел зарыгып кыш килгәнен көткән кеше бар микән? Юктыр!
-
Ирем ярым түгел... Ашыгып кияүгә чыкканыма иманым камил иде. Иремә барысын да әйтәм дә, аерылам...
Соңгы комментарийлар
-
16 гыйнвар 2021 - 17:16Без имениЭнвэр бик вакытлы гаилэ корган. Кулдан кулга йоргэн хатын-кыз ана иш булмас иде дип уйлыйм.Тиң ярым һәрвакыт янымда булган
-
16 гыйнвар 2021 - 19:14Без имениБик эчтэлекле язма бу,Аллаhынын рэхмэте яусын.Гел безнен эбекэй турында язылган диярсен.Мин Ютазы районы Димтамак авылыннан.Безнен эбекэебез бик тыйнак, булган, йомшак кунелле кеше иде.Урыны ожмахта булсын!Якын ерак әбекәем
-
16 гыйнвар 2021 - 19:38Без имениБездэ Дэ Башкортостан да эбекэй Хэм бабыкай дия идек инэки б/ н этки диеп эйтэ идек.Балалар энием хэм этием дилэр,оныклар дэу эни хэм дэу эти дилэр.Якын ерак әбекәем
-
16 гыйнвар 2021 - 19:20Без имениЗ тапкыр укып чыктым. Бик ошады. Авторга зур рэхмэт!Якын ерак әбекәем
-
17 гыйнвар 2021 - 09:03Без имениКуп хатын-кызнын башыннан утәдер андый вакытлыча мавыгулар.Тик кочле йөрәклеләре генә гаиләсен таркатмыйча яши беләләр.Ирем ярым түгел...
-
Ханбикәләребез Кем ул ханбикә? Дөресен әйтик, бәгъзеләребез аны көнгә биш-алты күлмәк алыштыручы көяз хатын, ефәк тотканнан да кулы кабаручы назлы җан итеп күз алдына китерә. Әлбәттә инде, иркә, тәкәббер вә кыланчык..
-
Кадерле Мәрьям апа Шундый язмышлы кешеләр була, күзгә-башка әллә ни чалынмыйча, тыйнак, гади генә яшиләр дә тыныч кына китеп тә баралар.
-
Сугыш өзгән хыял Сәхнәдә В. Асафьевның «Бахчасарай фонтаны» балеты бара. Уланованың Мариясе шулкадәр табигый, чын, ышандырырлык итеп үлә – ирексездән күзләргә яшь тула.
-
Шәфкать иясе Шәфика Сәнгать күгендә кыска гына вакыт балкып янган Шәфика Котдусованы атылган йолдызга тиңлиләр.