"Мулла" спектакле: героиня роле Әтнә театры артисткасына бирелде

Туфан Миңнуллин пьесасы нигезендә төшерелгән "Мулла" фильмында бик күп актрисалар, шул исәптән, танылган эстрада җырчысы Илсөя Бәдретдинова да кастинг узган иде. Кичә фильмның төп героинясы – чая авыл кызы Налимә роленә Г.Тукай исемендәге Әтнә дәүләт театры артисткасы Гүзәл Гафарова расланганы билгеле булды.

Искәртеп узабыз, кичә Татарстанның Әтнә районында "Мулла" фильмы төшерелә башлады. Беренче күренешләр Күәм авылында – Әнис Галләмовның авылда буш торган йортында – танылган Россия киноактеры Марат Бәшәров катнашында төшерелде. Марат төп герой Әсфәндияр мулланың элеккеге дусты ролен башкара.

“Беренче таләп – геронияның характеры буенча сайлыйбыз. Гүзәлнең сыйфатлары туры килә. Кастингта күп кешене караганнан соң, Гүзәлгә тукталдык, – диде фильмның генераль продюсеры Миләүшә Айтуганова. – Шикләнүләр бар иде – Мулла янында Гүзәл бик яшь күренә. Кинога төшү өчен Гүзәлне бераз картайтырбыз инде – картайту проблема түгел бит ул, яшәртү проблема”.

Гүзәл Гафаровага Налимә роле яхшы таныш – ул әлеге рольне Әтнә театрында беренче уйнаган актрисаларның берсе. Чөнки “Мулла” пьесасы буенча спектакль Әтнә театрында ул әле халык театры булган вакытта ук Рамил Фазлыев тарафыннан куелган иде. Театр белгечләре аны әлеге пьесаның иң яхшы куелышы дип таный. Хәзер бу спектакль Әтнә театры репертуарыннан алынган.

Таныш роленә кабат расланса да, Гүзәл үзенең сайлануын белгәч югалып калган, калтырана башлаган. “Бик җаваплы роль. Әмма мин аны уйнаганым булгач, башкарып чыгармын дип уйлыйм”, – ди Гүзәл.

Гүзәл Марат Бәшәров белән бер кинода уйнавына да сөенүен белдерде. Дөрес, аларның геройлары кисешми. Марат Бәшәров белән бер күренештә уйнау бәхете Әсфәндияр ролен башкарган Рамил Фазлыевка һәм Чаллы театры артисты Гөлүсә Гайнетдиновага гына тиде.

чыганак: http://tatar-inform.tatar/news/2017/08/06/145828/

Татар хатын-кызлары өчен кызыклы язмаларны Сөембикә Telegram-каналында укыгыз


Ошый
Поделиться:
Комментарийлар (0)
Cимвол калды:
Хәзер укыйлар
  • Син минем балам! – Нихәл, улым! – Айдар Фидаилевич ак биләүдәге бәбине күтәреп, битенә үк терәде. Үз гомерендәге иң шатлыклы көне бүген аның! – Рәхмәт сезгә, Ләйлә! Бу бәхетне бүләк иткәнегез өчен. – Ир баланы күтәргән килеш Ләйләгә борылды. Хатын елый иде. Башта яшерен генә тамган күз яшьләре тора-бара тоташ үксүгә әверелде.  – Ай-дар... Фи-даи-левич... ба-ла-ны бир-мим... Бирә... ал-мыйм... – Ләйләнең бу сүзләре иңрәү булып чыкты. 
    9889
    5
    125
  • Бозым Сихерчеләр, имчеләрне никтер картаеп-бирчәеп беткән карчыклар кыяфәтендә генә күзаллый иде моңарчы Галия. Аларның яшәгән йорты да каядыр бер читтә, аулакта булырга тиеш иде кебек. Ул йорт үзе үк күңелдә шик уятырга, шом кертергә тиеш...  Ачык йөзле, ак яулыклы апа каршы алды аларны.
    5735
    1
    77
  • 6861
    2
    48
  • Ялгыш очрашу Инде ничә ел үткән, әмма аны күргән саен, атлап барган җирдән адымнарын әкренәйтә, йөзенә иңгән гаепле елмаюын махсус җыерылган кашлары астына яшерергә тели. Оныта алмый бугай шул...
    7984
    1
    44
Реклама
Соңгы комментарийлар
  • 18 сентябрь 2020 - 10:15
    Без имени
    Бик матур хикэя !!! Укыйсы да бик кунелле булды !!! Эйдэ бергэлэшеп устерсеннэр инде сабыйларын .... Лэйлэ узе дэ югалтуны кичергэн бит !!!Бэхет елмайган димэк .... Бэхетлэре булсын барча балаларнын да .... Кеше бэхет очен туа,бэхетле булсын hэркем ....
    Син минем балам!
  • 18 сентябрь 2020 - 14:00
    Без имени
    Бик яхшы эсэр,бик азлар гына анлый шул язмышнын кисэтуен.Яшь чагымда ирем бн ачуланышкач,сойлэшмим дип уземэ-узем суз биреп,ярты кон сойлэшмэсэм,ике улымнын берсе нык итеп авырый башлый иделэр,температуралар бн.Шуннан сойлэшэ башлыйсын инде,уртак борчу килгэч.Купме сынадым,гел шулай була иде,аннары тэкэбберлегемне читкэ куеп,элэгешсэк тэ,сойлэшмичэ йормэдем,мин хаклы булсам,ярар,Аннан минем Бер жирем жэ кимеми дип,уземне тынычландыра идем.Бер тирэ,аерылыйм микэн эллэ дигэн уйлар да кергэлэде,аннары уйладым,этилэре балаларга минем шикелле ук якын,бигрэк тэ ир балага,этилэреннэн аерып алсам,барыбер мине гаеплэрлэр,алар да бит ир кешелэр,алга таба узем генэ доес тэрбия бирэ алырмынмы дип,барысын уйлап торып калдым.Аллага шокер,хэзер шуна соенеп бетэ алмыйм,инде 45-ел яшибез.Балалар да гаилэле,аларга гел тигезлектэ уз балаларын узлэренэ устерулэрен телим.Балалар бэхете эти-энидэн тора.
    Бала хакы
  • 18 сентябрь 2020 - 14:47
    Без имени
    Шуннан ни булды?
    Яңгыр 
  • 18 сентябрь 2020 - 15:05
    Без имени
    Фото, фото, купме хатирэ саклый. Ойгэ кайткач, экрен генэ фотоальбом алып, карап утырырга яратам. Менэ балачак, менэ усмер чак, менэ мин инде усеп житкэнмен. Бу ваеыт аралыгында ни генэ булмады, ни генэ тормышта алышынмады. Сагынып искэ аласын. Тагын бер кайтыр идем дип эченнэн генэ хыялланасын.
    Фотолар дәвалый? 
  • 17 сентябрь 2020 - 09:00
    Без имени
    БИК шэп кинэшлэр.Истэ калдырырга кирэк эле.
    Әни кешенең өйләнгән улына киңәшләре
Реклама
Татарстан журналистикасы тарихы – фотоларда
Бу – безнең уртак тарихыбыз
Журналыбыз архивыннан
«Объективта – әни»
Кешелек хакында фәлсәфи уйланулар, робот София һәм ипи
Балачак – уйнар чак...