Илназ Баһ улларының туган көненә ничә сум акча түккән?

Май ае җырчы Илназ Баһ гаиләсе өчен аеруча истәлекле ай: олы уллары Камилгә - 6, төпчекләре Марсельгә 1 яшь тулды. Бу уңайдан Баһлар Казанның бер бистәсендә өй арендалап зур бәйрәм үткәрде.


Илназ белән Гүзәл туган көнгә туганнарын һәм якын дусларын чакырган. Балалар белән бергә барлыгы 60лап кеше булды. Артистлардан Лилия Муллагалиева, Айгөл һәм Ришат Шәйхетдиновлар, Илсур һәм Гөлназ Шәрипҗановлар, Замирә Рәҗәпова, Лилия Сибгатова-Борһанова бар иде. Балалар бәйрәме булгач, алар өчен төрле күңел ачу чаралары оештырылды. Өйдә балаларны аниматор Пират уйнатса, урамда караңгы төшкәнче батутта сикерделәр.  

 


Илназ белән Гүзәл кунакларны казанда пешкән пылау һәм тәмле шашлык белән сыйлады. Артистлар җыелган җирдә җырсыз буламени? Илназ башлаган "эстафетаны" башка артистлар дәвам итте. Мәҗлесләр алып барып шомарып беткән Илназ шаян мәзәкләре һәм баянда уйнавы белән халык күңелен күрде. Камил, Рамил, Марсель фотосы белән ясалган җиләк-җимешле торт телне йотарлык иде! Аны балалар гына түгел, әти-әниләр дә "сыпыртты"!

 


Тәнәфес вакытында өч бала әтисе Илназ белән малай кешене ничек тәрбияләргә дигән темага аралашып алдык. "Беренчедән, малай кешене йомшак, чүпрәк итеп түгел, ә чын ир-ат итеп тәрбияләргә кирәк. Икенчедән, аның саран түгел, ә юмарт булуы шарт. Олыларны хөрмәт итә белергә, туганнар белән җылы мөнәсәбәттә, әби-бабасына рәхим-шәфкатьле булырга тиеш. Өченчедән, малайларны спортка тартырга, төрле түгәрәкләргә йөртергә кирәк", - диде Илназ.

 


Әңгәмәгә Илназның тормыш иптәше, җырчы Гүзәл Идрисова да кушылды. "Күп кеше улын аш-су өлкәсенә якын җибәрми. Ләкин ир кеше ашарга пешерә, керләрен юа белергә тиеш. Хәзер хатын-кызлар ир эшен эшли, машинасын да йөртә, утынын да кисә, гаиләсен дә тәэмин итә. Шуңа күрә бу - ир, тегесе - хатын-кыз эше, дигән әйбер юк хәзер. Аш-су әзерләгәндә, улларымны да өйрәтәм", - ди Гүзәл.

 


"Туган көн үткәрү ничә сумга төшә?" дигән четерекле сорауга Гүзәл: "100 мең сум тирәсе", - дип җавап бирде. "Мин өйдә утыргач, сирәк эшләгәч, акчаны кысып тотарга яратам. Ә Илназ я кызганмаска, я бөтенләй берни дә үткәрмәскә, дигән фикердә. Бәйрәм оештырганда, аның истә калырлык, онытылмаслык булуын телибез. Һәр оештырылган чара үзен аклый, ләкин анысы мөһим түгел. Иң әһәмиятлесе - якыннар белән җыелышу, бер күрешү - бер гомер!"

 

 

 


чыганак: http://intertat.ru/tt
 

Татар хатын-кызлары өчен кызыклы язмаларны Сөембикә Telegram-каналында укыгыз


Ошый
Поделиться:
Комментарийлар (0)
Cимвол калды:
Хәзер укыйлар
  • Балдаклар, туй күлмәге калды, ә мин... Сүземне ерактанрак башлыйм әле. Әти үлгәндә мин әле тумаган да булганмын – әни 7 айлык корсаклы килеш калган. Аңа бу вакытта нибары 21 яшь булган...
    6348
    1
    45
  • Ялгыз канат Ире чит хатынга чыгып китсә дә, йөрәк болай әрнемәс иде. Хыянәтен кичерә алмый, мендәр кочаклап елар да, мәхәббәтне нәфрәткә әйләндереп яшәр иде. Ә ул хатынына гына түгел, балаларына, әти-әниләренә, диненә, үзенә хыянәт итте. Миләүшә яшь көе ирсез калды.
    7303
    0
    34
  • Рәхмәт, әнием! Аның ирен үтереп ташладылар. Дөресрәге, үләр дәрәҗәгә җиткәнче кыйнап ыргыттылар... Аңсыз гәүдәсен өйләреннән ике йөз метрлар чамасы җирдә, барак кебек шыксыз йортларның пычрак ишегалдыннан таптылар...
    3900
    0
    31
  • Бар җылымны сиңа бирәм, әни... Әнигә бар җылыңны да, назыңны да, яратуыңны да бирәсең, чөнки ул әни, һәм башкача уйлау, яшәү мөмкин түгелдер... Ә үз әниең булмаса?! Кемгә бүләк итәргә? Сине ничек бар шулай кабул итә торган кем бар тагын?! Әни бар! Иремнең әнисе!
    1975
    0
    28
  • Менә шулай... Чәй кайнар суга эләгү белән куе булып чыга башлый. Буяу бит инде. Шайтан алгыры!..
    2103
    0
    18
Реклама
Соңгы комментарийлар
Реклама
«Татар мамык шәле» бренды нәрсә ул?
«Татар гаиләсе / үрнәк алыгыз»
«Азат хатын» күргәзмәсе – Кабан күле буенда
«Сөембикә»нең яңа саны һәм... балчык
Әлфия Миңнуллина: «Әни Казанга яланаяклы кыз булып килгән иде, яланаяк мәңгелеккә китеп бара...»
Фарфор буенча рәссам Римма Газалиеваның шәхси күргәзмәсе
Укучыга таба яңа адым: «Сөембикә»нең февраль санын тәкъдим иттек 
Венера Ганиеваның ире, тавыш режиссеры Камил Фәйзрахмановны соңгы юлга озату
Беренче дулкын. Өмет, курку, хисләр
Татарстан журналистикасы тарихы – фотоларда