Флорида Исмәгыйлева: Артист борын чөйсә, халыктан ерагая

Башкортстанда яшәп иҗат итүче җырчы Флорида Исмәгыйлева бөтерчек кебек кечкенә, тиктормас, шулкадәр ачык, киң күңелле ханым! Сәхнәдә нинди гади булса, тормышта да шундый икән ул! "Йолдыз чире"нең, икейөзлелекнең әсәре дә юк анда.
Башкортстанның атказанган артисты Флорида Исмәгыйлева белән Уфага баргач таныштык. Дөресен генә әйткәндә, Флорида ханым бөтенләй башка төрле кеше итеп күз алдыма килә иде. "Йолдыз чире"нең, икейөзлелекнең әсәре дә юк анда. Безнең кыска гына әңгәмәбез вакытында Флорида ханым сорауларга чын күңелдән тулы итеп җавап бирде.

 

- Флорида ханым, кайда туып үстегез? Әти-әниегез кемнәр?

- Мин Башкортстанның Туймазы районы Азнагол авылында туып үстем. Күрше Татар-Олкан авылында укыдым. "Отличница", бик тырыш, барлык үткәрелгән чараларда катнаша торган җитез кыз идем. Уфа сәнгать училищесын кызыл дипломга тәмамлап, укуымны Уфа сәнгать институтында (бүген Сәнгать Академиясе) дәвам иттем. Шуннан бирле җырлыйм да җырлыйм инде. Әтием гомер буе колхозда эшләде, ә әнием почтальон иде. Кечкенә чакта әле укый белмәсәм дә, әнигә ярдәм итәм дип, күрше-тирәгә почта таратырга чыгып китә идем. Әтием дә, әнием дә җырларга яраттылар, бик матур күнелле кешеләр иде. Урыннары җәннәттә булсын.

- Артист юлын сайлавыгызга үкенмисезме?

- Үземне белгәннән бирле гел артист булам дидем. Шулчаклы хыялландым бу профессия белән, хәтта 10нчы сыйныфны тәмамламыйча (мин укыганда, 10 сыйныф кына иде), 8 сыйныфны укып бетергәннәр белән Уфа сәнгать училищесына имтиханнар биреп укырга кердем. Бик тырышып укырга туры килде. Әти-әни инде хаклы ялга чыкканнар иде бу вакытта. Мине алар олыгаеп гаиләбездә дүртенче бала итеп алып кайтканнар. Акчаны инде мин 6нчы сыйныфтан соң ук җәйге ял вакытында әнием урынына почта таратучы булып эшләп таба башлаган идем. Бик модница булырга тырышудан иде ул. Артисткага киез итек яки бурки киеп йөрү килешми бит инде. Бурки - калын тукымадан тегелгән аяк киеме ул. Ә миңа күн итек кирәк иде! Эшләдем, күн итек алып кидем, һәр елны шулай эшли башладым. Уфага килеп җырчылыкка укырга кергәч тә, әниемнәрдән берни сорарга тырышмадым. Идән юып, дәваханәләрдә төнге санитар булып эшләп көн күрдем. Ул вакытларда ояла идем эшләвемнән, ә хәзер горурланам... Тормыш булгач, төрле хәлләр була, дип җырлыйбыз бит. Төрлечә инде ул язмышлар. Узган юллар әлегә бик үк озын булмаса да, хәтсез генә кичерелгән...

- Флорида ханым, миңа шунысы кызык: ни өчен сез Татарстанга килмәдегез? Сәхнәгә аяк баскан елларда ук Татарстанга килсәгез, бүгенге көндә ике республиканың да атаклы җырчысы булыр идегез...

- Миңа да кызык... Куркудыр дип уйлыйм. Монда Уфада дусларым, танышларым күп иде. Уфаны өзелеп яраттым. Уфа мине яратты микән? Бик күпне үтәргә туры килде... Ничек барысын да ташлап китәсең? Әнием Татарстанга китүемне бик теләгән иде. Әниләрне тыңларга кирәк...

- Башкортстан артистлары шунысы белән шаккатырды: алар ихлас, гади, борыннарын югары чөеп йөрми. Ни өчен шулай икән ул?

- Башкортстан артистларының күпчелеге бик гади. Сез хәтта "наивныйлар" дип язган идегез. Монда инде психолог кирәк. Күз алдына китерегез: ике бала, беренчесен бик яратып, башыннан сыйпап, теләгән уенчыкларын кулына тоттырып, "син иң матуры, иң уңганы" дип үстерәләр. Ә икенчесен читкә тибеп, иркәләмичә, "син сантый, акылсыз, уңмаган, пешмәгән" дип җәберләп, суккалап үстерәләр. Аңлыйсызмы җавапны каян эзләргә икәнен?.. Мин икенчесе инде аның. Калган коллегаларым хакында язмыйм. Мин үзем хакында гына сөйлим, башкаларга тимим. Кеше тормышның әчесен-төчесен күбрәк күрсә, гадирәк була бит. Шуңа да безнең артистлар очынмыйлардыр дип уйлыйм. Очындырмыйлар безне. Бәлки шулай дөрестер дә. Артист халык өчен эшли, ә борын чөйсә, халыктан ерагая бит.



- Гел гастрольдә йөргәч, кайбер артистлар өйдә ашарга пешерә белми яисә пешерергә яратмый. Өйдә нинди хуҗабикә сез?

- Мин алама хуҗабикә түгел. Өемне бик яратам, чисталыкта, стиль дигәнне күзаллап яшим. Ризык темасына килгәндә, ашар өчен түгел, яшәр өчен ашарга кирәктер дип уйлыйм. Фитнес-клубларга бик күп йөрдем. Хәзер күбрәк өйдә шөгыльләнәм. Йога яратам. Агачлар арасында йөреп ял итәм, арыганнарымны чыгарам. Дөрес уйлар йөртергә кирәк дип табам.

чыганак: http://intertat.ru

Татар хатын-кызлары өчен кызыклы язмаларны Сөембикә Telegram-каналында укыгыз


Ошый
Поделиться:
Комментарийлар (0)
Cимвол калды:
Хәзер укыйлар
  •  Гомерем усал кайнана, исерек ир белән үтте 5 Бер көнне иртән торып бәлеш пешерергә уйладым. Бәрәңге турадым, суган әрчедем, камыр бастым. Духовкада кургаш кәгазь астында ике сәгать ярым эчендә бәлешем изелеп пеште. Ләкин хуш исе урамга кадәр чыккан итле бәлешемне ашарга насыйп булмады.
    13173
    4
    112
  •  Исерек ир, усал кайнана белән гомерем узды 3 Рәфис белән 3 ел очрашып йөрсәк тә, мәхәббәтебез үбешүдән ары узмаган иде. Беренче зөфаф төнебезне мин куркып, дулкынланып көттем.
    12010
    5
    80
  • Исерек ир, усал кайнана белән гомерем узды 2 Рәфискә кияүгә чыгарга җыенуымны әнием ошатмады, ул мине кабаттан үгетләргә кереште: «Кызым, тагын бер тапкыр уйлап кара әле! Габдулла белән Сания авылда иң усал гаилә булып санала, Санияне тиккә генә «юха елан» дип йөртмиләр. Алай гынамы, бу гаиләдә эшнең бетәсе юк: 50 сутый бакчалары, абзарларында өч сыер, кырыкка якын сарык...
    9701
    1
    55
  • Юлда кем очрамас... Кичә яшүсмер кызым эштән кайтты да, «Әни, син хәзер мине ачуланачаксың», – ди. Сагайдым. Ачуланасымны алдан ук белеп торгач, нинди ярамаган эш эшләде икән? 
    9019
    1
    55
  • Уеннан уймак Барысы да бәхәсләшүдән башланды. Хатын-кызлар, бигрәк тә йөрәкләре янып торган яшь кызлар бәхәсләшмәсен икән ул. Аларның яшьлек дәрте егетләрне үзләренә карату гына түгел, дөньяны әйләндереп бастыра ала... 
    4544
    0
    49
Реклама
Соңгы комментарийлар
  • 17 август 2022 - 08:30
    Без имени
    Гел дорес сузлэр генэ сойлисен
    Илсөя Бәдретдинова әйтсә, каты әйтә!
  • 16 август 2022 - 17:54
    Без имени
    Мин сезнең өчен бик шатмын, бер-берегезне кабат тапкансыз.
    Ике туй – бер ир
  • 15 август 2022 - 20:31
    Без имени
    Уземнең телем сынып бетте моны укыганда.
    Баланы сөйләшергә өйрәтәбез! 
  • 14 август 2022 - 12:38
    Без имени
    Менә болай яшәү сабырлык дип аталмый,куркаклык,хакларыңны өйрәнмиче таптату дип атала Гөмер бер генә,тазалык бер генә,бала хакы бер генә яшәү хакы бер генә бирелә.тормышыңда авырлыкны да,җиңеллекне дә только кеше үзе сайлый,славыйлыгын күрсәткән килмиче,кемнедер гаеп итеп күрсәтә, ә башы бары үзендә дөрес сайламаган өчен ,болар барысыда ТҮЛӘҮле АЛЛАһ каршында котылгысыз хакларны таптаткан өчен.Акыл алырдай хәлләр дә, гыйлемен (психология)дә биреп тора,гел шулай тормоз да торучыларны куатләп иии мескенем,түз инде,нишлатәсең язмышыңдыр диеп,чыгыш юлы барлыгын күрсәтмичә тилмереп үлүен көтеп торган кебек.Хатыннар исегезгә төшерәм тиран авыру, ирләр б н тору катгый тыела КОРЬӘНдә.Талак сүрәсен АЛЛАһ,бу хәлләр буласын белеп, кешеларне кисәтү өчен җибарде.Бу темага китеп язып була,язганнардан да мәгьнә эзләп гыйбрәт алып бик була.
     Исерек ир, усал кайнана белән гомерем узды 3
  • 13 август 2022 - 23:40
    Без имени
    Искиткеч. Үземнең әтием күз алдыма килеп басты. Бик сагынам әтиемне
    Әткәем
Реклама
«Татар мамык шәле» бренды нәрсә ул?
«Татар гаиләсе / үрнәк алыгыз»
«Азат хатын» күргәзмәсе – Кабан күле буенда
«Сөембикә»нең яңа саны һәм... балчык
Әлфия Миңнуллина: «Әни Казанга яланаяклы кыз булып килгән иде, яланаяк мәңгелеккә китеп бара...»
Фарфор буенча рәссам Римма Газалиеваның шәхси күргәзмәсе
Укучыга таба яңа адым: «Сөембикә»нең февраль санын тәкъдим иттек 
Венера Ганиеваның ире, тавыш режиссеры Камил Фәйзрахмановны соңгы юлга озату
Беренче дулкын. Өмет, курку, хисләр
Татарстан журналистикасы тарихы – фотоларда