ОЗЫНБОРЫННАН САКЛАНАБЫЗ!

Яңгырлар туктаганга сөенергә өлгермәдек, озынборын һәм черки бирә кирәкне! Кичен урамга чыгам димә, җиләккә исә баштан-аяк төренеп, спрей сиптереп баруның да файдасы юк. Бер тешли башласа, тегүче кебек “тегә”.

Дөрес, төне буе су буенда утыручылар бар, алар янына черки дә, озынборын да якын килми. Сәбәбе нидә соң? Баксаң, бөҗәкләрнең яраткан кешеләре була икән.

Кан төркеме мөһим роль уйный

Тикшеренүләр күрсәткәнчә, беренче кан төркеменә ия булучыларны, башкаларга караганда, озынборыннар ике тапкыр күбрәк ярата. Икенче урында – өченче кан төркемле кешеләр.

Тирләү
Тир белән бергә бүленүче сөт һәм бәвел кислотасы, аммиак һәм башка матдәләр дә озынборын игътибарын җәлеп итә.

Тән температурасы
Ул югарырак булган саен, озынборыннар да күбрәк ярата.

Физик күнегүләр
Спорт белән даими шөгыльләнгән (бу вакытта тән температурасы күтәрелә һәм сөт кислотасы җыела) кешеләрнең канын да озынборын тәмләп эчә.

Сыра эчсәң – бетте
Ярты литр сыра эчкән кеше дә озынборыннан качып котыла алмый.

Йөкле хатыннар
Бәби көтүче гүзәл затлар шулай ук озынборын һөҗүменә ике тапкырга ешрак эләгә. Бу төп ике фактор белән аңлатыла: алар углекислый газны ешрак чыгара һәм аларның тән температурасы югарырак була.

Кара һәм кызыл төсле киемнәр кимәгез
Озынборыннар корбаннарын ис һәм төс ягыннан сайлый. Шуңа күрә урамга чыкканда кара, куе зәңгәр, кызыл төсле киемнәр кимәскә тырышыгыз. Ә менә сары төсне алар яратмый, ди.

 

Черки помидор сабагы һәм тәмәке исен яратмый

Озынборыннан саклануның махсус рецепты юк. Әмма аның ачуын чыгара торган нәрсәләр дә бар. Әйтик, ул базилик, эвкалипт, канәфер һәм әнис исен яратмый. Бу үсемлекләрнең согын сыгып, тәнегезнең ачык урыннарына сөртсәгез, озынборын турында онытсагыз да була.

Черкиләр кереп тулган бүлмәгә яңа өзелгән базилик яки шомырт яфраклары куярга мөмкин.

Тәмәке исен дә яратмый озынборын. Кеше тәмәке тартканда ул аның янына килми, әмма тәмәкесен ташлау белән сырып ала. Ә менә валериан исе аны якын китерми.

Өйгә озынборын кермәсен дисәгез, тәрәз каршына помидор яки аю баланы (бузина) утыртырга кирәк. Аның яфрагын шулай ук өйгә алып керергә дә мөмкин.

Бакчада эшләгәндә озынборыннар һөҗүменә чыдап булмаса, сарут (пырей) өзеп, шуның согын тәннең ачык урыннарына сөртегез.

 

Ризат Рамазанов: “Дегет сабыны – иң яхшысы”

–Яңа фатирга күчү шатлыгыннан, тәрәзәләргә москит челтәрләр куярга онытканбыз. Озынборын кереп тула башлагач, кичә барып алып кайттым. Бишенче катка, тышкы ягыннан борып куеп, көне буе мәш килдем. Кызыбыз Айгизә черки-озынборын тешләүне авыр кичерә,  аның аллергия китә.

Озынборыннан саклануның бер ысулын беләм. Себердә шулай эшлиләр. Дегет сабынын (дегтярное мыло) тәннең ачык урыннарына сөртсәң, яныңа бер чебен дә, озынборын да якын килми. Бердәнбер минусы – исе сасы.

 

Илдар Кыямов: “Звездочка” бальзамының файдасын күрәм”

–Нинди генә спрей-крем сөртсәң дә, усал озынборын барыбер тешли дип уйлыйм мин. Шуңа күрә аның азуына юл куймаска кирәк. Үзем бу җәһәттән “Звездочка” бальзамын кулай күрәм. Юлга чыкканда да үземнән калдырмыйм, балалар авылга яки табигатькә сәяхәткә китсә дә, шул бальзамны алырга кушам. Озынборын тешләвен сизәсең икән, шундук тидереп куйсаң, кычытуы басыла, бер эзе дә калмый.

 

Зөлфәт Зиннуров: “Табигатьтә учак коткара”

–Табигатькә ял итәргә чыксак, учак тергезеп җибәрәбез. Аның исе чыннан да чебен-черкине, озынборынны куркыта. Ә менә учакка шомырт ботаклары да салсаң, тәэсир көче арта. Кедр белән артышның эфир маен бер генә тамчы тамызсаң да, чебен-черки бу территориягә килми диләр. Әмма табигатькә җыенганда эфир мае искә керә димени әле ул? Барып җиткәч, “эх” диясең инде. Әйтәм бит, мондый вакытта шомырт ботаклары да ярап куя. Озынборын тешләп китсә, юеш сода тидерергә кушалар, анысын да беләм.

1,8 айлык Тимерханның әнисе Алинә Сабирова: “Детский крем”га ванилин кушам”

– Элек табигатькә чыкканда яки бакчада эшләгәндә озынборын тимәсен өчен төрле спрейлар сиптерсәк, хәзер җайлы һәм файдалы ысулын таптым. Моны миңа үзебезнең участок табибы әйтте. Ванилин исен яратмый икән озынборын. Бер пакет тәмләткечне 1 л суга салып, пульверизатор аша сиптерергә була. Ә мин исә аны тагын да җайлаштырдым. “Детский крем” га ванилин кушам да, шуны урамга чыкканда, улымның да, үземнең дә, әтиебезнең дә ачык тәненә сөртәм. Җиңү паркына элек якын да килә алмый идек, хәзер рәхәтләнеп йөрибез, озынборыннар тими.
 

“Репеллентлар вакытлыча гына тәэсир итә”

 

Гөлназ Кәримова, Казан шәһәре 12нче санлы хастаханәнең терапия бүлеге шәфкать туташы:

–Озынборыннарга каршы репеллент-спрейларны тәннең ачык өлешләренә сиптерергә ярамый. Иң яхшысы - аны киемгә яки чәчкә сибәргә кирәк. Әгәр кызынырга уйлыйсыз икән, бу вариант отышлы түгел. Бу очракта репеллент-крем яки лосьоннарга тукталырга була. Шулай да аны тәнгә ышкырга тырышмагыз, бары тик җиңелчә генә сөртергә кирәк. Репеллентлар ике-өч сәгать кенә тәэсир итә, тиешле вакыт узгач, аны кабат сиптерергә кирәк.

Әгәр дә инде озынборын тешләсә, бик кычытса да ул урынны кашымаска тырышыгыз. Кул астында “Ла-Кри”, “Фенистил” кебек кремнар булса әйбәт. Тиз арада сөртеп куегыз. Озынборын тешләгән урын кызара, күпереп торырга мөмкин. Әгәр бу реакция озак тормаса, ул нормаль санала. Гадәттә, берничә сәгатьтән ул бетә, ә кычыну өч көнгә кадәр саклана. Ә менә тешләнгән урынның кызаруы кимемәсә яки “крапивница”га охшаш аллергия китсә, антигистамин препаратлар (супрастин) эчеп куегыз.

Аллерген тәэсир итүне кайбер кеше авыр кичерә, хәтта анафилактик шок булырга мөмкин. Аның билгеләре: сулыш алу кыенлашу, баш әйләнү, борын тыгылу, кайбер очракта эч авырту. Бу вакытта табиб чакыртырга кирәк.

чыганак: http://intertat.ru

Татар хатын-кызлары өчен кызыклы язмаларны Сөембикә Telegram-каналында укыгыз


Ошый
Поделиться:
Комментарийлар (0)
Cимвол калды:
Хәзер укыйлар
  • «Мин синең иреңне бәхетле итәм...» Тормышның яңа борылышында үзебезне нәрсә көткәнен без беркайчан белмибез. Уйламаган җирдән аякка уралган ниндидер борчулармы, әллә бөтенләй көтмәгән сөенечләрме? Тормыш борылышлары безне күкләрдән җиргә төшерә ала. Ә кайчак – киресенчә: бәхетсезлегең бәхет юлына бер адым гына булуын аңлата. Чүпрәле районының «Туган як» газетасы баш мөхәррире Резидә Җамалтдинова һәм аның ире Рамилнең очрашу, танышу, кавышу тарихы – шуңа бер мисал. Ачыктан-ачык сөйләшәбез.
    7075
    7
    65
  • «Хатының кайда – син шунда бул, тормышны бергә тартыгыз» «Тәгәри китте йомгагым, күрмәдегезме, агайлар», – ди Гөлчәчәк татар халык әкиятендә. Гомер йомгагын сүтә-сүтә, көннәр, айлар, еллар үтә... Адәм баласы әллә кайда – офыклар артында көтеп торган бәхетне эзләп бара да бара... Үткәнебезне – бар иткән, киләчәгебезгә нигез салган бүгенгебезне сизми дә калабыз. Мин бүгенгем белән бәхетле!
    4425
    0
    43
  • Өмет белән алга карап яшәргә әнкәйдән өйрәндем 1981 ел. Булачак кайнанам белән мин Казан тимер юл вокзалында таныштым. Төнге сәгать 11 дә! «Төнлә белән беренче тапкыр кайнанаң белән кайнатаңны күрергә вокзалга төшәчәксең», – дисәләр, һич ышанмас идем.
    2893
    4
    36
  • Үтмә, гомер, заяга! Хатынын һәр баганага көнләвенең урынсыз гына түгел, ә тормышларын җимерүче, бер-берсеннән читләтүче гамәл икәнлеген, кызганыч, Гамил һич кенә дә аңларга теләми...
    9528
    6
    35
  • Гомер бер генә килә  Балалары икәү булса да, әниләре янына килергә ашыкмыйлар, эшләре бик тыгыз, ахры. Рафига апа ике учын янәшә куеп гел дога укый, Аллаhы Тәгаләдән җиңел үлем сорап ялвара.  Ул Галиягә үз тормышын сөйләп бирде инде: «Балаларым минем үлемемне телиләр инде. Мин киткәч, алар арасында фатир өчен тавыш-гауга чыгар инде. Карт кеше кемгә кирәк».
    4571
    0
    33
Реклама
Соңгы комментарийлар
  • 1 декабрь 2022 - 21:27
    Без имени
    Баланын этисе бардыр бит? Этисе дэ алгаласын бакчадан, уйнатсын, саф хавалар суларга алып чыксын. Ник эни тиеш дип белэсез? Ул узенекен устереп, кеше иткэн инде, житэр ана. Олы яшьтэ, башны кутэрмичэ, бала карап булмый да эле, арыта да. Узегез тапкансыз, узегез устерегез! Алла сабырлык хэм ярдэмен бирсен. Бала устеру жинел дигэн кеше юк эле, аны бит уйнатып, ашату, юындыру гына тугел, тэрбия бирергэ дэ кирэк.
    Әни шәхси тормышын төзи, мин җәфаланам
  • 1 декабрь 2022 - 21:15
    Без имени
    Белмим, мин дэ баланы берузем тарбиялим, эни эти икенче шэхэрдэ торалар, Бер булышучым да юк, куршедэн башка, элдэ Аллага шокер ул бар, баланы иртэн торып мэктэпкэ озата (1класс), мин эшкэ БИК иртэ китэм, дэрес беткэч подъездда каршы алып квартирага кертеп, ашарга жылытып бирэ. Свидание га йорергэ уемда да юк, даже не представляю как это. Куршемэ озын гомер сэлэмэтлек телим, элдэ ул бар. Бала усэ ул, Гомер буе бэлэкэй булмый, Шуна элеге вакытта баланы карау минем очен важнее всяких свиданий и личной жизни.
    Әни шәхси тормышын төзи, мин җәфаланам
  • 1 декабрь 2022 - 16:39
    Без имени
    Баштан утте, килмэгэн туганы калды микэн, торыргада. Йэ эйтмичэ килеп керэлэр иде. Аннары зарланганнарын ишеттемдэ. Берегезнедэ чакырып китермэдем, уземнен сезгэ барып торганым юк дидем. Мэжбури тотмыйм узегез килэсез дидем. Тоже бер булмэле иде. Хэзер килэсэлэрдэ китэлэр. Эле аларча булырга тиеш. Булмый гына торсын эле.
    Иремнең туганнары...
  • 1 декабрь 2022 - 10:43
    Без имени
    Котлыйбыз! Яшьлэр безнен килэчэгебез
    «Яңа йолдыз»да яңа җиңүче!
  • 1 декабрь 2022 - 09:35
    Без имени
    Бик кызыклы ,эчтелекле язма.
    Тау артында таулар бар
Реклама
«Татар мамык шәле» бренды нәрсә ул?
«Татар гаиләсе / үрнәк алыгыз»
«Азат хатын» күргәзмәсе – Кабан күле буенда
«Сөембикә»нең яңа саны һәм... балчык
Әлфия Миңнуллина: «Әни Казанга яланаяклы кыз булып килгән иде, яланаяк мәңгелеккә китеп бара...»
Фарфор буенча рәссам Римма Газалиеваның шәхси күргәзмәсе
Укучыга таба яңа адым: «Сөембикә»нең февраль санын тәкъдим иттек 
Венера Ганиеваның ире, тавыш режиссеры Камил Фәйзрахмановны соңгы юлга озату
Беренче дулкын. Өмет, курку, хисләр
Татарстан журналистикасы тарихы – фотоларда