«Бодипозитив» хәрәкәте турында ишеткәнегез бармы?


Дус кызым белән гадәттәгечә хыялдагы идеаль фигура, үзебездәге кимчелекләр
турында сөйләшә башлагач, ул миннән: «Бодипозитив» хәрәкәте турында
ишеткәнең бармы?» – дип сорап куйды. Сүзләрен куәтләп, инстаграмнан әлеге
хәрәкәт тарафдарларын эзләргә кереште. Экраннан миңа бөтенләй дә идеаль
булмаган фигуралы бәхетле ханымнар елмая иде. Аларның тарихы да кызык
кына. Мәсәлән, әнә берсе спорт белән шөгыльләнә, ләкин туклануын җайга сала
алмый. Әмма көннәрдән бер көнне зур эченнән, буй-сыныннан күңеле кайткан,
кәефе төшеп йөргән хатын «кимчелекләрен» кабул итә алу стадиясе күчә. Ул үз
гәүдәсен ярата башлый, башкаларга күрсәтүдән дә оялмый. Аккаунтында
йөзләгән фото, кыенсыну турында бер генә җөмлә дә юк. Һәм шуңа охшаш
башка-башка мисаллар да җитәрлек. Кызык булып китте. Бу хәрәкәт турында
оныта да башлаган идем инде. Бер ай чамасы узгач, журналда бер чит ил
йолдызының фотосына тап булдым. Абау... Култык аслары бигрәк ямьсез!
Әлеге хәрәкәткә сылтама да куелган.
Нәрсә соң ул бодипозитив?
Мин тагын интернетка кереп чумдым. Исеменнән үк күренгәнчә,
«бодипозитив» хәрәкәте Көнбатышта туган. Сүзен сүзгә тәрҗемә итсәң,
«тәнеңә позитив караш» дигән мәгънә килеп чыга. Бездә ул турыда әле күптән
түгел генә сөйли башладылар, ә аларда инде бу хәрәкәт оешканга шактый вакыт
узган. Май катламнарын күрсәтеп, үз тәнеңне ничек бар шулай кабул итү генә
түгел инде бу. Сүз зуррак әйберләр турында бара. Трагедия аркасында кулсыз,
аяксыз калучылар бар; кислота түгелүдән тиресе белән проблемалар килеп
чыгучылар шактый... Аларның девизы: «Минем тәнем – минем эш ул».
Тәннең физиологик үзенчәлекләрен башкача күрсәткән кешеләр дә очрый.
Каралмаган аяклар, култык төпләре, юылмаган чәчләр, шәхси гигиена
әйберләре (Наталья Водянованы шаккаттырган күренешләр) – шулай ук
«бодипозитив» дип йөртелә икән.
Мондый төр бодипозитив күренешләрендә феминизм чаткылары ярылып ята
инде. Көн саен кабатлана торган матурлык ритуалыннан арыган хатын-кызлар
уйлап тапкан. Менә шундый протест килеп чыккан!
Бу хәрәкәткә карата төрле фикерләр бар. Бер яктан, әлеге хәрәкәт үзеңне ничек
бар шулай кабул итәргә өйрәтә – шулай булуы яхшы да. Икенче яктан, негатив
уята: каралмаган, тәрбияләнмәгән гәүдә, тәнне күрсәтеп йөрү бер дә килешми
инде. Йолдызларга да!
Шулай да, ни генә әйтсәң дә, бодипозитив безгә, хатын-кызларга үз тәненнән
оялмаска, аны яратырга, кимчелекләребезгә елмаеп карарга, шәхесне ниндидер
физик җитешсезлекләрдән өстен куярга өйрәтә.
Көзге каршына килеп басам да, үземне һәрьяктан җентекләп карап чыкканнан
соң: «Ярар ла, фигурам модель үк була алмаганнан ни булган. Хәзер менә
шоколад белән чәй эчәм. Шкафта тагын берсе запаска тора әле», – дип уйлап
куям.

фото: www.pexels.com/

Татар хатын-кызлары өчен кызыклы язмаларны Сөембикә Telegram-каналында укыгыз


Ошый
Поделиться:
Комментарийлар (0)
Cимвол калды:
Хәзер укыйлар
  • Үги әнкәйнең җылы йөрәге «...Үги ананың бик әйбәтләре була. Гадәттә, алар турында гел яман сөйлиләр, ләкин алар турында юньле сүзне күбрәк сөйләргә кирәк. Чит канга ана булырга тырыша бит ул. Мәҗбүри яратып булмый бит. Ә ул рольгә кереп «уйнарга» тиеш. Бала исә рольгә керми, «уйнамый». Ике артистның берсе уйнап, икенчесе уйнамаса, спектакль туа алмый. Үги аналы гаиләдә әнә шуңа күрә җылы, уңай тормыш коруы бик кыен. Үги аналарны кызганырга, ихтирам итәргә кирәк...» Мөхәммәт Мәһдиев «Мәңгелек яз» әсәрендә үги әниләр турында әнә шундый уйлануларын язып калдырган. Үги тормышны үз башына төшкәннәр генә аңлыйдыр, мөгаен. Үги ананың да, үги баланың да үз хәле... Әмма гомер уртасына җиткән ир балачагын искә алганда «Үги әниләргә һәйкәл куярга кирәк», – ди икән, димәк, барлык үги әниләр дә, халык телендәге кебек, явыз түгелләр. Чит балаларны карап үстерә икән, димәк, алар олы йөрәкле... Үги әни белән үскән Татарстанның халык артисты Җәвит ШАКИРОВ үзе сөйләсен әле...
    9466
    10
    114
  • Бәхетле булырга хакым бар!  Мин кияүгә 25 яшемдә чыктым. Яратып чыктым...
    9601
    8
    78
  • Өч кенә көнгә... – Кирәкми. Кешечә түгел бу. Шалтыратмагыз. Өметләнеп көткәнче, алдан ук барысын да аңласын. Башка бер сүз дә әйтмичә, нянечка балалар янына кереп китте. Ишек тавышы йөрәкне сызып үткән кебек булды. Бар да тынып калды. 
    5280
    4
    62
  • Көтеп алынган бәхет Әллә күзенә күренәме, сискәнеп китте Гөлгенә. Каршысында пәйда булган Гамилне күргәч, ни уйларга да белмәде, чөнки бу  очрашу көтмәгәндә, кинәт булды. Унсигез еллап гомер үтсә дә, шундук  таныды  аны: шул ук озын буй, киң җилкә, серле караш, тик куе кара чәчләренең чигә тирәләренә ак бәс яткан. Күзләрендә ниндидер сагышмы, назмы...
    4072
    0
    44
  • Сөеп, сөелеп яшисем килә-2 «Таһирә өстеннән жалу язганнар» дигән хәбәр авылда таралганга да бер айга якын вакыт үтте. Тегеләй дә, болай да дип тикшергәннән соң: «Фактлар ачыкланмады», дигән.
    6476
    2
    30
Реклама
Соңгы комментарийлар
  • 31 июль 2021 - 14:13
    Без имени
    Аллаһыга сыенырга кирэк, догалар укырга, дога ярсыган йорэкне тынычландыра ул.
    Ничек онытырга?
  • 31 июль 2021 - 23:11
    Без имени
    3 тапкыр ташлаган нинди кинэш сезгэ. Бер нинди кинэш тэ сезгэ булышмый.
    Ничек онытырга?
  • 31 июль 2021 - 22:51
    Без имени
    Азрак гордость диган айбкр булырга тиеш сина аягын сорткан да сорткан бит и биграк исар булгансын бит.
    Ничек онытырга?
  • 1 август 2021 - 20:56
    Без имени
    Җуләр, нәрсә дип әйтим...
    Ничек онытырга?
  • 1 август 2021 - 21:15
    Без имени
    Ачу кила башлады инде, бер да узенне ихтирам итмисен икан.
    Ничек онытырга?
Реклама
«Азат хатын» күргәзмәсе – Кабан күле буенда
«Сөембикә»нең яңа саны һәм... балчык
Әлфия Миңнуллина: «Әни Казанга яланаяклы кыз булып килгән иде, яланаяк мәңгелеккә китеп бара...»
Фарфор буенча рәссам Римма Газалиеваның шәхси күргәзмәсе
Укучыга таба яңа адым: «Сөембикә»нең февраль санын тәкъдим иттек 
Венера Ганиеваның ире, тавыш режиссеры Камил Фәйзрахмановны соңгы юлга озату
Беренче дулкын. Өмет, курку, хисләр
Татарстан журналистикасы тарихы – фотоларда
Бу – безнең уртак тарихыбыз
Журналыбыз архивыннан