Июль розалары


Розаларны ничек кенә атамыйлар: чәчәкләр патшабикәсе, чәчәкләр королевасы... Ничек атасак та килешә, бигрәк матур, бигрәк купшылар бит. Аларның матурлыгына озаграк хушланыр өчен, июль аенда менә бу эшләрне башкарырга кирәк. 

Тәрбия
Әгәр роза яхшы үсә, чәчәк ата, яфракларының төсе куе яшел, ялтырап тора икән, иң яхшысы – артыгын тырышып, зыян салмау. Ләкин бу розаларга июль аенда игътибар итмәскә ярый дигәнне аңлатмый. 

Сугару
Июль аенда розалар артык дымга мохтаҗ түгел. Көннәр бик кызу тормаса, атнага 2-3 тапкыр су сибү җитә. Туфрак 20 сантиметрга кадәр чыланырга, ләкин сазга әверелергә тиеш түгел. Су җылынган булсын, салкын су аркасында тамырлардагы каналлар ябыла. 

Мүлчәләү
Игътибар итсәгез, табигатьтә ачык туфраклы урыннар юк –  ул аны үләннәр белән каплап алырга тырыша. Файдалы микроорганизмнар ачык туфракта һәлак була. Алар караңгы, салкынча һәм дымлы булганда гына яхшы үрчи һәм файда китерә. Розалар арасындагы җирне дә агач кайрысы, нарат күркәләре яки нарат-чыршы ылысы белән мүлчәләп куярга мөмкин. Бу матур да күренә, чүпләрне дә тоткарлый. 

Ашлау
Җәй көне ашламалар белән мавыкмаска кирәк. Азотлы ашламалар белән бигрәк тә. Азот аркасында ул яңа тармаклар чыгарып үстерә башлый һәм кышка көчсезләнеп кереп, өши.  Чәчәк аткан чорда бары тик фосфорлы-калийлы ашламалар гына кулланырга ярый. Менә мондый состав куллана аласыз: 10 литр суга 10 г суперфосфат, 10 г калий сульфаты һәм 500 г тавык тизәге. 1 куакка 2 литр, ә быел утырткан яшьләренә 1 литр шушы ашлама сибелә. 
Яфракларына исә биологик стимуляторлар сибәргә була. Мәсәлән: «Бутон Плюс». 

Кисү
Бөтен җәй дәвамында розаларга санитар кисү үткәлеп тора: корыган, сынган, кәкрәйгән ботаклар, шиңгән ярфаклар, чәчәк атып бетергән касәләр кисеп алына. Аларны үз вакытында өзмәсәң, үсемлекнең көчен ала. Таҗларын койган чәчәк касәләрен бераз сабагы белән кисәргә кирәк. 
Әмма биек сабакта бер генә чәчәк бөресе булган гибрид сортларны җәй көне кисмиләр. 

Үрчетү
Яраткан розагызны ботакчадан үрчетергә теләсәгез, июль ае моның өчен яхшы вакыт. Сабагы 0,5-0,7 мм калынлыктагы таза, нык тармакны үткен секатор белән кисеп алып, 5-8 см гына калдырып кыскартабыз. Аскы очы 45 градус белән кыйгачлап, ә өске очы бөре өстеннән 0,5 см ара калдырып турыга киселә. Ботакчаларны берничә көнгә «Корневин» ише биостимулятор салынган суга утыртып, тамырландырабыз. Аннары тфураклы чүлмәкләргә утыртып, беразга банка яки пакет белән каплап торабыз. Кышны алар салкынча подвалда чыгарлар,ә киләсе язга бакчага утыртырбыз. 

Дәвалау
Җәй көне авырулар да, корткычлар да йоклап ятмый. Иң кулай чара – 10 көн саен розаларга көл катыш тәмәке тузаны бөркеп тору. Биологик препаратлардан: «Актофит», «Биктофит», «Фитоверм» дигәнне кулланырга була. Розаларда гөмбә авырулары күренә башлау белән 1 процентлы бордос сыекчасы сибәргә кирәк. 1 процентлы сыекча ясау өчен  100 г бакыр купоросы, 100 г известь кирәк. Икесе дә аерым савытлардагы 1 литр суда эретелә аннары һәркайсына тагын 4 литр су өстәп, 5 литр күләменә җиткерелә. Әзер булгач, известьле суга бакыр купоросы кушыла. Бордос сыекчасы бер генә тәүлек саклана ала. 
Йогышлы авырулардан «Фитоспорин» эремәсе дә әйбәт. Анысын 10 көн саен сибәләр. 

фото: https://pixabay.com/ru/

Татар хатын-кызлары өчен кызыклы язмаларны Сөембикә Telegram-каналында укыгыз


Ошый
Поделиться:
Комментарийлар (0)
Cимвол калды:
Хәзер укыйлар
  • Оясында ни күрсә... Оясында ни күрсә ...Очканында шул булыр. Халкыбызның буыннан-буынга күчеп килгән әлеге мәкале бүген дә үзенең актуальлеген югалтмый. Ә очар өчен һәр кешегә ныклы канатлар, кайтырын сагынып көтә торган нигез кирәк. Бала өчен ул башта ата-ана йорты булса, үсә төшеп насыйбын очраткач, үз өенә әверелә. Бүгенге геройларыбыз Земфира һәм Рамил Әхмәтшиннарның йорты да хәзер туганнарны гына түгел, балаларны, оныкларны бергә туплый торган җылы учак булып тора.
    1905
    26
    209
  • Үгиләр... Илзирә бүген әбисенә төшеп китте. Әнисенә үпкәләде. Үз әтисе үлеп, икенче иргә кияүгә чыкканнан соң әнисе ике арада өзгәләнә: бер яктан балалары, икенче яктан яңа ире. Ир – ир инде ул. Ничек Илзирәгә ышанмый әнисе?! Ана кеше иренә түгел, кызына ышансын өчен нәрсә эшләргә кирәк бу Хариска? Башка чыдар хәле калмады бугай кызның...
    5742
    2
    81
Реклама
Соңгы комментарийлар
  • 19 октябрь 2021 - 19:01
    Без имени
    Бу бит кеше тугел, бу кешедэн ничек кирэк шулай котылырга кирэк. Бу бит русча эйтсэк "Урод"
    Мәхәббәттән нәфрәткә бер адым икән
  • 19 октябрь 2021 - 15:22
    Без имени
    Аңлый балалар күбрәк булсын иде,сирәктер шул.Кайберләре ата кыланганны эшли шул.
    «Кагыласы булма әнигә!»
  • 19 октябрь 2021 - 11:37
    Без имени
    Рәхмәт,бик яхшы хикәя
    ​ Ястык
  • 20 октябрь 2021 - 07:38
    Без имени
    Менэ шул инде ул,гонахларын очен бу доньяда ук жэзасын алу,балан да,гаилэн дэ юк.Картлыгында берузен каласын.Бу зина кылу дип атала,Раббым,узен сакла балаларыбызны,оныкларыбызны шундый гонахтан!!!
    Көтеп яшәү
  • 20 октябрь 2021 - 08:42
    Без имени
    Аллааа, бигрэк эчтэлекле хикэя
    ​ Ястык
Реклама
«Азат хатын» күргәзмәсе – Кабан күле буенда
«Сөембикә»нең яңа саны һәм... балчык
Әлфия Миңнуллина: «Әни Казанга яланаяклы кыз булып килгән иде, яланаяк мәңгелеккә китеп бара...»
Фарфор буенча рәссам Римма Газалиеваның шәхси күргәзмәсе
Укучыга таба яңа адым: «Сөембикә»нең февраль санын тәкъдим иттек 
Венера Ганиеваның ире, тавыш режиссеры Камил Фәйзрахмановны соңгы юлга озату
Беренче дулкын. Өмет, курку, хисләр
Татарстан журналистикасы тарихы – фотоларда
Бу – безнең уртак тарихыбыз
Журналыбыз архивыннан