Ирис яратасызмы?

Бакчада үсүче ирислар турында әйтүебез. Май азагы – июнь башында бакчаны зәңгәр рәшә белән өретүче бу чәчәкләрне яратмау мөмкинме соң? 
Алар түтәлдә генә түгел, букетта да бик матур күренәләр. Әйдәгез әле, ирисларны кайда утырту һәм ничек тәрбияләү турында сөйләшик. 

Күләгәдә яхшырак
Ирислар әллә ни күп тәрбия сорамый. Кемнең артык мәшәкатьләнергә вакыты юк, ә чәчәкләр үстерәсе килә –  ирислар менә шундыйлар өчен. Ләкин бу элеккеге сортларга гына карый. Бүген сатуда булган Европа һәм Америка сортлары шактый нәзберек. 
Ирислар талымсыз, алар җете кояш күзендә дә, коры туфракта да үсә ала. Ләкин өйләдән соң күләгә төшә торган урынга утыртсагыз, алар озаграк чәчәк ата, төсләре дә тиз уңмый. Бу аеруча караңгы төстәге сортлар өчен актуаль. Шулай да иртән аларга кояш нурлары төшәргә тиеш, бөтенләй күләгәле урында ирислар чәчәккә бөреләнми. 

Дәвалыйбыз
Талымсыз, тәрбиягә мохтаҗ түгелләр, дисәк тә, аларга ирис чебене бик зыян сала. Әлеге бөҗәкнең личинкалары ирисның тамыры белән туклана, яз көне исә чәчәк сабагы буйлап өскә үрмәли. Нәтиҗәдә, зәңгәр томанга өретеләсе ирислар череп һәлак була. Моннан котылу өчен ирисларның яфраклары 15–20 см булып күтәрелүгә, өсләреннән карбофос бөркергә кирәк. Ничек кулланасы препаратның кабына язылган була. 

Ашлыйбыз
Дөресрәге, ашламыйбыз. Ирислар ярлы туфракта үзләрен яхшырак хис итә. Алар органик ашламаларга мохтаҗ түгелләр. Ә менә яз һәм җәй коры килсә, чама белән генә су сибәргә кирәк. Анысы да атнага бер яки ике тапкырдан артык булмасын.

Чәчәк атып бетергәч
Күп очракта корткычлар тамырларга чәчәк сабагы аша үтеп керә. Моны булдырмас өчен, чәчәк атып бетереп бер ай узганнан соң, аларны кул белән сындырып чыксаң яхшырак. Ә ярасы тизрәк кипшерсен өчен, өстән коры утын көле бөркергә була. Әлеге эшне кояшлы коры көнне эшләргә кирәк. 

Ирислардан букет
Гладиолуслар кебек, өзеп суга утыркач та, алар соңгы бөресенә кадәр чәчәк атып бетерә. Ирислар вазада бер атна буена сулмыйча утыра ала. 

Кайчан күчереп утыртырга?
Ирисларны язын да, җәен дә күчерергә була. Шулай да иң яхшы вакыт – чәчәк атып бетереп, ике атна узгач. Бераз соңрак та ярый, ләкин сентябрьгә калдырмаска кирәк.  Ник күчерергә кирәк, дигән сорау да туарга мөмкин.  Биш-алты елдан ирисның тамырчасы шулкадәр зурая, үсемлеккә урын җитми башлый. Күчереп утыртканда бер төптә 5–7 яфрак булырлык итеп, әлеге тамырчаны бүлгәлиләр. 
фото: https://pixabay.com/ru/

Татар хатын-кызлары өчен кызыклы язмаларны Сөембикә Telegram-каналында укыгыз


Ошый
Поделиться:
Комментарийлар (0)
Cимвол калды:
Хәзер укыйлар
  • Оясында ни күрсә... Оясында ни күрсә ...Очканында шул булыр. Халкыбызның буыннан-буынга күчеп килгән әлеге мәкале бүген дә үзенең актуальлеген югалтмый. Ә очар өчен һәр кешегә ныклы канатлар, кайтырын сагынып көтә торган нигез кирәк. Бала өчен ул башта ата-ана йорты булса, үсә төшеп насыйбын очраткач, үз өенә әверелә. Бүгенге геройларыбыз Земфира һәм Рамил Әхмәтшиннарның йорты да хәзер туганнарны гына түгел, балаларны, оныкларны бергә туплый торган җылы учак булып тора.
    1908
    26
    209
  • Үгиләр... Илзирә бүген әбисенә төшеп китте. Әнисенә үпкәләде. Үз әтисе үлеп, икенче иргә кияүгә чыкканнан соң әнисе ике арада өзгәләнә: бер яктан балалары, икенче яктан яңа ире. Ир – ир инде ул. Ничек Илзирәгә ышанмый әнисе?! Ана кеше иренә түгел, кызына ышансын өчен нәрсә эшләргә кирәк бу Хариска? Башка чыдар хәле калмады бугай кызның...
    5747
    2
    81
Реклама
Соңгы комментарийлар
  • 19 октябрь 2021 - 19:01
    Без имени
    Бу бит кеше тугел, бу кешедэн ничек кирэк шулай котылырга кирэк. Бу бит русча эйтсэк "Урод"
    Мәхәббәттән нәфрәткә бер адым икән
  • 19 октябрь 2021 - 15:22
    Без имени
    Аңлый балалар күбрәк булсын иде,сирәктер шул.Кайберләре ата кыланганны эшли шул.
    «Кагыласы булма әнигә!»
  • 19 октябрь 2021 - 11:37
    Без имени
    Рәхмәт,бик яхшы хикәя
    ​ Ястык
  • 20 октябрь 2021 - 07:38
    Без имени
    Менэ шул инде ул,гонахларын очен бу доньяда ук жэзасын алу,балан да,гаилэн дэ юк.Картлыгында берузен каласын.Бу зина кылу дип атала,Раббым,узен сакла балаларыбызны,оныкларыбызны шундый гонахтан!!!
    Көтеп яшәү
  • 20 октябрь 2021 - 08:42
    Без имени
    Аллааа, бигрэк эчтэлекле хикэя
    ​ Ястык
Реклама
«Азат хатын» күргәзмәсе – Кабан күле буенда
«Сөембикә»нең яңа саны һәм... балчык
Әлфия Миңнуллина: «Әни Казанга яланаяклы кыз булып килгән иде, яланаяк мәңгелеккә китеп бара...»
Фарфор буенча рәссам Римма Газалиеваның шәхси күргәзмәсе
Укучыга таба яңа адым: «Сөембикә»нең февраль санын тәкъдим иттек 
Венера Ганиеваның ире, тавыш режиссеры Камил Фәйзрахмановны соңгы юлга озату
Беренче дулкын. Өмет, курку, хисләр
Татарстан журналистикасы тарихы – фотоларда
Бу – безнең уртак тарихыбыз
Журналыбыз архивыннан