Ачы карлыганны ничек балландырырга?

 

«Кара карлыган ачы. Аны балландырып була микән?» Әнә шулай дип сорый бездән укучыларыбыз. Әйдәгез әле, шушы сорауга җавап бирергә тырышып карыйк. Карлыганның тәме нилектән ачы була ала икән.

 

Беренчедән, сортына игътибар итәргә кирәк. Кайбер сортларның җимешләре үзләре ачырак тәмдә була.

 

Карлыган кояшлы һәм иркен урынны ярата. Күләгәдә үскән куакның җимешләрендә шикәр җитәрлек күләмдә туплана алмый. Куак аралары ким дигәндә 1 метр булырга тиеш.

 

Дым җитәрлек булмаса да карлыган ачы җимешләр бирә. Әлеге куакның тамырлары өстә генә урнашканлыктан, ул тирәннән дым ала алмый. Көннәр коры торса, бер куакка 2 чиләк күләмендә су сибеп чыгарга кирәк.

 

Карлыганны баллырак итү өчен, крахмаллы ашламалар кулланып карарга була. Моның өчен гап-гади бәрәңге кабыгы да ярый.

Бәрәңге кабыгыннан ашлама болай әзерләнә: 10 литр кайнар суга 1 литрлы банка белән вакланган коры бәрәңге кабыгы салып, суынганчы томалап төнәтәләр. Сөзеп, 1 куак төбенә 3 литр күләмендә сибеп чыгалар. Кыш буе бәрәңге кабыгын киптереп, яз көне аны куак төбенә күмәргә дә була.

 

Җимешләр өлгерә башлап, тәме баллы булмаса, башка төрле вариант бар. Карлыган ипи әчетеп сипкәнне дә бик ярата. Бер чиләкне яртылаш кипкән ипи белән тутырып, өстенә су агызыгыз да, берничә көн җылы, кояшлы урында тотыгыз. Шушы ашламаны бер куакка 3-4 литр күләмендә төбенә сибеп, туфрак белән күмдерегез.

 

Ә менә бу киңәшне соңрак кулланыр өчен җыеп куегыз: зур кисмәккә капткан ипи, бәрәңге кабыгы һәм чүп үләннәрен тутырып, өстенә су коегыз да, 3 атка җылыда төнәтегез. 3 өлеш ипигә 1 өлеш бәрәңге кабыгы һәм үлән алына. Әлеге ашламаны карлыганга өч тапкыр: җимешләр тулыша башлагач (әле яшел вакытта), җимешләргә төс керә башлагач, җимешләрне җыярга берничә көн кала сибәләр. Бу ашлама карлыганны баллы гына түгел, эрерәк тә итә.

 

Крахмаллы ашламаны карлыган куагына җәй азагында – яфраклар саргайганчы да кертергә кирәк.

 

Яз көне карлыган төбенә тиресле ашлама кертү дә бик яхшы нәтиҗә бирә. Чери башлаган тиресне туфракка күмдермичә, карлыган төбенә калын итеп түшәп кенә дә куярга була. Черемәне чабылган, уталган үләннәр дә алыштыра ала.

Татар хатын-кызлары өчен кызыклы язмаларны Сөембикә Telegram-каналында укыгыз


Ошый
Поделиться:
Комментарийлар (0)
Cимвол калды:
Хәзер укыйлар
  • 7365
    1
    65
  • 7153
    0
    58
  • Балан ачылары Әйдәгез, без бу хатынның исемен күрсәтмибез. Шулай исемсез генә булсын ул. Аның ни атлы булуы мөһим дә түгел бит. Ул – шушы көндәлекләрнең хуҗасы.  Теләсәгез, бастырыгыз, гыйбрәт булсын дип, егерме ел элек язылган дәфтәрләрне, миңа биргән иде.
    7189
    1
    50
  • «Насыйбың булыр әле!» Әдибә эштән кайтып керде дә, бермәлгә ишек төбендә тукталып, йорт эченә күз салды. Их, күңелгә рәхәт тә соң нур бөркеп торган өеңә кайтып керүләре! Бар җирдә дә тәртип,
    5029
    2
    50
Реклама
Соңгы комментарийлар
  • 30 апрель 2021 - 20:44
    Без имени
    Егет кешене күп кызлар ярата , концертына агылачак .Озак " мин егет " - диеп йөрер әле Ришат .
    Ришат ТӨХВӘТУЛЛИН: «Чак кына соңрак туганмын» 
  • 1 май 2021 - 21:53
    Без имени
    Ин яраткан жырчым.Телевизорда Ришатнын жырларын тапшырсалар, бар эшемне ташлап залга йогереп чыгам.Балалар да кунектелэр,тиз бул,дип,чакыралар.
    Ришат ТӨХВӘТУЛЛИН: «Чак кына соңрак туганмын» 
  • 2 май 2021 - 10:03
    Без имени
    Әйтер сүз юк...Гыйбрәтле хикәя! Без, татар хатын - кызлары, үз теләгебезне гел соңгы чиратка куеп өйрәнгән...тик, иң мөһименә кемнәндер рөхсәт сорамыйча үзебез дөрес дип санаганча карар кабул итәргә өйрәнсәк иде. Бу менә шушы очрак... Күңеле теләгәндә кайта алмавы гомере буена исеннән китмәячәк!!! Безнеке үтте...кире кайтарып булмый. Яшьләр, сезгә сүзем: ирне дә кимсетми үз теләгегездә нык торып, күңелегез кушканны үз акылыгызга, хисегезгә таянып гамәлгә салырга өйрәнегез!!! Без теләгегебезне аңлап үтәү түгел үтәргә теләмәгән дә ир кешене акларга тиеш түгелбез! Бу хикәяне укытып күптәннән әйтәсе килгән фикеремне Аллаһ фарыз итте күрәсең!!!
    SOS! Җанымны коткарыгыз!
  • 2 май 2021 - 15:11
    Без имени
    Бик яраткан артискам. "Сүнгән йолдызлар" дагы Сәрвәре генә дә аның буй җитмәс талантка ия икәненә дәлил.
    Җаным монда кала...
  • 2 май 2021 - 23:15
    Без имени
    Гажэеп дэрэжэдэ талантлы актриса турындагы язма очен рэхмэт. Олкэнэя барган саен, матурлыгы арткан кешелэр була. Аларнын эчке матурлыгы тышкы гузэллеккэ кушыла. Флера Хэмитова шундйлардан. Сабырлыгы,горурлыгы,гузэллеге белэн сокландыра ул. Хаман да сокландыра...
    Җаным монда кала...
Реклама
«Сөембикә»нең яңа саны һәм... балчык
Әлфия Миңнуллина: «Әни Казанга яланаяклы кыз булып килгән иде, яланаяк мәңгелеккә китеп бара...»
Фарфор буенча рәссам Римма Газалиеваның шәхси күргәзмәсе
Укучыга таба яңа адым: «Сөембикә»нең февраль санын тәкъдим иттек 
Венера Ганиеваның ире, тавыш режиссеры Камил Фәйзрахмановны соңгы юлга озату
Беренче дулкын. Өмет, курку, хисләр
Татарстан журналистикасы тарихы – фотоларда
Бу – безнең уртак тарихыбыз
Журналыбыз архивыннан
«Объективта – әни»