Айтишникларның Әлфия апалары бар

Без, университетта биш ел бергә укыган группадашлар, ватсап аша аралашабыз хәзер. Яңалыклар, сөенечләр, матур теләкләр, альбомдагы фотолар, студент елларындагы мәзәкләр – барысы да урын ала. 

26 апрельдә – Туган тел бәйрәме көнне – Әлфиябез сөенече белән уртаклашты. (Ул Казан федераль университеты каршында эшләп килүче IT-лицейда укыта. Студент елларындагы Закирова Әлфиябез бераз үзгәргән инде: Баһаутдинова Әлфия Нуриаздан кызы ул хәзер. Ләкин тапкыр теле, шаянлыгы, гадилеге, ихласлыгы һаман шул ук.).  «Татар теле һәм әдәбияты, Татарстан тарихыннан халыкара олимпиадада җиңүче укучым. Үткән ел 3 нче урында иде, быел абсолют җиңүче. Тукай туган көнгә миңа бүләк булды», – дип язган һәм укучысы Нияз Госманов белән төшкән фотосын куйган. Россия төбәкләреннән  һәм чит илләрдән килгән 8-11 класс укучылары арасында җиңеп чыкканнар бит! Язма турда катнашып, телдән «Татарстан хәзерге дөньяда» проектын яклап...

Шушы хәбәр бик сөендерде безне! Группабыз мәш килде! Мин, Әлфиягә бәйле рәвештә, мәктәпләрдә  туган телебезне укытып, милләтебезгә армый-талмый хезмәт иткән Роза, Асия, Зөлфирә, Нәсимә, Фәйрүзә, Зөбәйдә, Тәгъзимәләребезне искә төшердем... Чаллыда Өзлексез белем бирү институтында укытучыларның үзләрен укыткан Фирдәүсәбезне, Розабызны...  Афәрин, кызлар!

Ә Әлфиянең Чаллыда эшләгән елларын да хәтерлим әле. 

Дусларымның кызы Эльза: «Иң рәхәт, күңелле дәрес – татар теле. Ул безнең өчен бәйрәм кебек. Ул бәйрәмне безгә укытучыбыз Әлфия Нуриаздановна ясый!» – дип сөйләгән иде ул чакта.

Инде шактый еллар узды. Әлфиябез дә күптән инде Казанда. IT-лицейда укыта. Укучылары белән әле театрга, әле музейларга баруы турында белә идек инде. Яңартылган Тукай музееннан тәмам әсәренеп кайтканнарын да ишеттек. Ә монда әле бик җитди имтихан – олимпиадалар да бар икән!

Уфадан Миләүшәбез яза:
«Әлфия дускай! Гомерең буе максатчан, үзсүзле булдың! Ул шәһәр балаларына Бигиев, Кандалыйларны ничек аңлатмак кирәк тә, шул дәрәҗәгә җиткерергә кирәк! Сокланам!»

Әлфия җавап бирә:
«Рәхмәт. Өйрәттем... Бигиевны бик яраттылар. «Меңнәр, яки гүзәл кыз Хәдичә»не анализлап тарткалашып беттеләр...»

Аннары группадашлар мактаулы исемнәр бирү турында сүз куертып алды. 

Әлфия тагын язды:
«Хәзер тагын бер чит тел кертергә маташалар. Ә нәрсә хисабына дисез? Минем 10 нчы класслар директорга кергәннәр, татар теленә тимәгез, дип сөйләшеп чыкканнар. Менә монысы җитә. Башка исем кирәкми. Директор чакыртып әйткәч, еладым...»

Әнә нинди шәп егетләр Әлфиябезнең укучылары!

Лицейда аңа «Әлфия апа» йә «апа» дип дәшәләр икән. Директор аптырап: «Отчествосын белмиләрме әллә?» –  дип сораган хәтта. 

Беләләр! Тик укучыларга менә шулай ошый икән! Якын итү, үз итү, сердәш  итеп карау, ярату, тагын әллә никадәр хөрмәтләү сыйган ул «апа» сүзенә!

Әлфия апалары «2»ле, дә «3»ле дә куймый. «Татар теле ул туган телебез, әни теле. Әни телен «2»легә, «3»легә укып булмый. Аны әнине яраткан кебек яратырга кирәк. Әйдәгез, тырышыйк!»  – ди ул укучыларына. Дәрестә язучыларның әсәрләрен кычкырып укып кына калмыйлар, теге яисә бу геройга карата фикерләрен дә белдерәләр, бәхәсләшәләр дә. Технарьлар, аитишниклар, инженерлар, программистлар булырга әзерләнүче егетләр өчен әдәбият дәресләре матурлык, тормыш дәресләре ул.

Ә ул дәресләрдә Әлфия апалары матурлык дөньясында йөздерә...
                                                                                                  

 

Татар хатын-кызлары өчен кызыклы язмаларны Сөембикә Telegram-каналында укыгыз


Ошый
Поделиться:
Комментарийлар (0)
Cимвол калды:
Хәзер укыйлар
  •  Гомерем усал кайнана, исерек ир белән үтте 5 Бер көнне иртән торып бәлеш пешерергә уйладым. Бәрәңге турадым, суган әрчедем, камыр бастым. Духовкада кургаш кәгазь астында ике сәгать ярым эчендә бәлешем изелеп пеште. Ләкин хуш исе урамга кадәр чыккан итле бәлешемне ашарга насыйп булмады.
    13296
    4
    112
  •  Исерек ир, усал кайнана белән гомерем узды 3 Рәфис белән 3 ел очрашып йөрсәк тә, мәхәббәтебез үбешүдән ары узмаган иде. Беренче зөфаф төнебезне мин куркып, дулкынланып көттем.
    12085
    5
    80
  • Исерек ир, усал кайнана белән гомерем узды 2 Рәфискә кияүгә чыгарга җыенуымны әнием ошатмады, ул мине кабаттан үгетләргә кереште: «Кызым, тагын бер тапкыр уйлап кара әле! Габдулла белән Сания авылда иң усал гаилә булып санала, Санияне тиккә генә «юха елан» дип йөртмиләр. Алай гынамы, бу гаиләдә эшнең бетәсе юк: 50 сутый бакчалары, абзарларында өч сыер, кырыкка якын сарык...
    9750
    1
    55
  • Юлда кем очрамас... Кичә яшүсмер кызым эштән кайтты да, «Әни, син хәзер мине ачуланачаксың», – ди. Сагайдым. Ачуланасымны алдан ук белеп торгач, нинди ярамаган эш эшләде икән? 
    9078
    1
    55
  • Уеннан уймак Барысы да бәхәсләшүдән башланды. Хатын-кызлар, бигрәк тә йөрәкләре янып торган яшь кызлар бәхәсләшмәсен икән ул. Аларның яшьлек дәрте егетләрне үзләренә карату гына түгел, дөньяны әйләндереп бастыра ала... 
    4590
    0
    49
Реклама
Соңгы комментарийлар
  • 17 август 2022 - 08:30
    Без имени
    Гел дорес сузлэр генэ сойлисен
    Илсөя Бәдретдинова әйтсә, каты әйтә!
  • 16 август 2022 - 17:54
    Без имени
    Мин сезнең өчен бик шатмын, бер-берегезне кабат тапкансыз.
    Ике туй – бер ир
  • 15 август 2022 - 20:31
    Без имени
    Уземнең телем сынып бетте моны укыганда.
    Баланы сөйләшергә өйрәтәбез! 
  • 14 август 2022 - 12:38
    Без имени
    Менә болай яшәү сабырлык дип аталмый,куркаклык,хакларыңны өйрәнмиче таптату дип атала Гөмер бер генә,тазалык бер генә,бала хакы бер генә яшәү хакы бер генә бирелә.тормышыңда авырлыкны да,җиңеллекне дә только кеше үзе сайлый,славыйлыгын күрсәткән килмиче,кемнедер гаеп итеп күрсәтә, ә башы бары үзендә дөрес сайламаган өчен ,болар барысыда ТҮЛӘҮле АЛЛАһ каршында котылгысыз хакларны таптаткан өчен.Акыл алырдай хәлләр дә, гыйлемен (психология)дә биреп тора,гел шулай тормоз да торучыларны куатләп иии мескенем,түз инде,нишлатәсең язмышыңдыр диеп,чыгыш юлы барлыгын күрсәтмичә тилмереп үлүен көтеп торган кебек.Хатыннар исегезгә төшерәм тиран авыру, ирләр б н тору катгый тыела КОРЬӘНдә.Талак сүрәсен АЛЛАһ,бу хәлләр буласын белеп, кешеларне кисәтү өчен җибарде.Бу темага китеп язып була,язганнардан да мәгьнә эзләп гыйбрәт алып бик була.
     Исерек ир, усал кайнана белән гомерем узды 3
  • 13 август 2022 - 23:40
    Без имени
    Искиткеч. Үземнең әтием күз алдыма килеп басты. Бик сагынам әтиемне
    Әткәем
Реклама
«Татар мамык шәле» бренды нәрсә ул?
«Татар гаиләсе / үрнәк алыгыз»
«Азат хатын» күргәзмәсе – Кабан күле буенда
«Сөембикә»нең яңа саны һәм... балчык
Әлфия Миңнуллина: «Әни Казанга яланаяклы кыз булып килгән иде, яланаяк мәңгелеккә китеп бара...»
Фарфор буенча рәссам Римма Газалиеваның шәхси күргәзмәсе
Укучыга таба яңа адым: «Сөембикә»нең февраль санын тәкъдим иттек 
Венера Ганиеваның ире, тавыш режиссеры Камил Фәйзрахмановны соңгы юлга озату
Беренче дулкын. Өмет, курку, хисләр
Татарстан журналистикасы тарихы – фотоларда