Хезмәт Герое Ганҗә (укырга)

Ганҗә апаның хезмәт кенәгәсендә ике генә язу бар. Аның беренчесе – 1955 елда 18 яшьлек кызның төзелешкә буяучы булып урнашуы, икенчесе – 1961 елның июнендә Кама елгасы буенда төзеләчәк яшь калага үз участоклары белән эшкә күчерелүе.

Хыялый күңелле авыл баласы Азнакай ягындагы туган авылы Әсәйне сагынуын, яшьлек хисләрен, пар канатлы бәхетен, төсләр балкышы итеп, яңа калыккан йортларның диварларына күчерә. Шул йортта яшәячәк кешеләрнең, мәктәптә укыячак балаларның күңелләре дә шатлык белән тулсын... Көн узсын дип түгел, башкарган эше яхшы да, сыйфатлы да булсын дип тырыша җитез Ганҗә. Янәшәсендәге башка буяучыларга да ярдәм итәргә өлгерә. Бригадирлары авырып, дәваханәдә яткан бер ел дәвамында аның вазыйфасын да үти. Җитәкчеләрнең булдыклы, эшлекле кешеләрне күрә һәм тиешенчә бәяли белгән еллар шул... 31 яшьлек Ганҗәне «Татэнергострой» тресты идарәсенә чакырталар. «Балаларым да кечкенә, русчам да ипи-тозлык кына», – дип каршы килеп карый. Үзе шикелле үк төзелештә эшләүче ире, Бөек Ватан сугышы ветераны Мөдәррис тә җитәкчеләр фикерен хуплагач, Ганҗә ризалаша. Аңа 50 кешелек малярлар бригадасын ышанып тапшыралар.

Иң җаваплы объектларны – элекке «горком», елга порты, автовокзал, «Җәлил» кинотеатры, «Бигеш» аэропорты биналарын, «химкомбинат» эстакадасын (башка-башка йортларны) Ганҗә бригадасына тапшыралар. Синең булдыра аласыңа ышаналар, ә бригада кызларың кушканнарыңны җиренә җиткереп үти икән, социалистик ярышларда җиңәргә дә, бишьеллык планны өч елда үтәргә дә була. Әгәр хезмәт чорында ире һәм  төзелештә кранчы булып эшләүче уллары – Нәҗип белән Әнис аның ныклы терәге булмаса, Ганҗә дүрт чакырылыш шәһәр Советы депутаты булып сайлана да, җәмәгать эшендә катнаша да алмас иде, мөгаен... Шәһәрдә яңа фатир алучылар исә «Ганҗә кызлары» төзегән йортта яшәүләрен эчке бер горурлык катыш сөйли. Шуңа күрә дә малярлар бригадиры, 43 яшьлек Ганҗә Галим кызы Әхмәдиевага Социалистик Хезмәт Герое исеме бирелү шатлыгын буяучы кызлар гына түгел, каладашлары да ихластан уртаклаша. «Азат хатын»ның 1980 елгы ноябрь санын – тышлыгында күкрәгенә Ленин ордены таккан көләч йөзле Ганҗәнең сурәте төшерелгән журналны кулдан-кулга йөртәләр. (Сүз уңаеннан: аның әтисенә дә, ТАССРның иң яхшы терлекчесе буларак, 1936 елда Ленин ордены бирелгән.) 

...Бүген Ганҗә апа үзенең гаилә альбомында, данлы узганнарының истәлеге итеп, Татарстанның беренче Президенты Минтимер Шәймиев, хәзерге Президентыбыз Рөстәм Миңнеханов белән төшкән фотоларны, үз бригадасы кызларының рәсемнәрен, мәрхүм ире Мөдәррис сурәтен кадерләп саклый. 

 Ачык йөзле Ганҗә апа белән саубуллашып, ишеккә юнәләм. Ә иркен кунак бүлмәсендәге гөлләр гүя, уйларымны сизгәндәй, тын гына пышылдыйлар: «Бүгенге көндә шәһәрнең бердәнбер Хезмәт Героена – «миңа аның әллә ни әһәмияте юк та, әмма тарихи гаделлек өчен кирәк», дип әйтүче Ганҗә Әхмәдиевага Түбән Каманың мактаулы гражданины исеме бирелгәнен күрергә язсын иде...»
 

Татар хатын-кызлары өчен кызыклы язмаларны Сөембикә Telegram-каналында укыгыз


Ошый
Поделиться:
Комментарийлар (0)
Cимвол калды:
Хәзер укыйлар
  • 7646
    1
    66
  • «Насыйбың булыр әле!» Әдибә эштән кайтып керде дә, бермәлгә ишек төбендә тукталып, йорт эченә күз салды. Их, күңелгә рәхәт тә соң нур бөркеп торган өеңә кайтып керүләре! Бар җирдә дә тәртип,
    5470
    2
    52
  • Балан ачылары Әйдәгез, без бу хатынның исемен күрсәтмибез. Шулай исемсез генә булсын ул. Аның ни атлы булуы мөһим дә түгел бит. Ул – шушы көндәлекләрнең хуҗасы.  Теләсәгез, бастырыгыз, гыйбрәт булсын дип, егерме ел элек язылган дәфтәрләрне, миңа биргән иде.
    7518
    1
    51
  • Югалткан мәхәббәт Фәридә Казандагы сәүдә йортында йөргәндә үзенең яшьлек мәхәбәтен очратып, имәнеп китте. «Айрат!» – дигән cүз әйтерсең хатынның теленнән кош кебек чыгып атылды.
    3805
    1
    44
Реклама
Соңгы комментарийлар
  • 12 май 2021 - 11:54
    Без имени
    Дура - бердэнбер туры килгэн суз. Ничек шулкадэр узенне яратмаска була ул,анламыйм
    Сабыр төбе – кара упкын
  • 11 май 2021 - 13:31
    Без имени
    Нигэ мэктэпкэ кереп балаларны.атып ктергэч кенэкуркыныч чаралары курелэ?Кая булган охрана?
    «Әни, аталар, без парта астында....»
  • 11 май 2021 - 14:59
    Без имени
    Аллаһы тзгалә сабырлыклар юирсен. Сабыйларга шифа бирсен Раббыбыз.
    Террорист кулыннан зыян күрүчеләр арасында хәзрәт балалары да бар
  • 11 май 2021 - 23:40
    Без имени
    Аллаһ ярдәменнән , рәхмәтеннән бер мизгелгә дә калдырмасын! Балалар исән - сау терелеп чыксыннар! Бик авыр кайгыгыз белән уртаклашам..Аллаһ Раббым сабырлык, түземлек бирсен. Әмин!
    Террорист кулыннан зыян күрүчеләр арасында хәзрәт балалары да бар
  • 12 май 2021 - 11:24
    Без имени
    Бик кызганыч.Яшь кыз баланың гомере өзелде.Ата- анасы,туганнары өчен бик зур кайгы. Хезмәт юлын күптән түгел генә башлаган укытучы,мәктәпне,балаларны яратып эшләгән бит ул. Авторга әйтәсе сүзем шул- Эльвира чын укытучы,шуның өчен үзенә авыр булса да мәктәбен,укучыларын калдырып китә алмаган.Мәктәп тормышы белән яшәгән,укучылары ,аның өчен,иң кадерле кешеләр булганнар.Ул җаны,тәне,йөрәге белән тырышып эшләгән.Эх,Эльвира кебек укытучылар күбрәк булсын иде.
    Эльвира Игнатьева: «Май аеннан яши башлармын...»
Реклама
«Сөембикә»нең яңа саны һәм... балчык
Әлфия Миңнуллина: «Әни Казанга яланаяклы кыз булып килгән иде, яланаяк мәңгелеккә китеп бара...»
Фарфор буенча рәссам Римма Газалиеваның шәхси күргәзмәсе
Укучыга таба яңа адым: «Сөембикә»нең февраль санын тәкъдим иттек 
Венера Ганиеваның ире, тавыш режиссеры Камил Фәйзрахмановны соңгы юлга озату
Беренче дулкын. Өмет, курку, хисләр
Татарстан журналистикасы тарихы – фотоларда
Бу – безнең уртак тарихыбыз
Журналыбыз архивыннан
«Объективта – әни»