Рөстәм Миңнеханов татарстанлыларны якынлашып килүче Яңа ел белән котлады

--, 31 декабрь 2017 - 00:00
254
0
0
Татарстан Республикасы Президенты Рөстәм Миңнеханов татарстанлыларны якынлашып килүче Яңа 2018 ел белән котлады.
"Кадерле татарстанлылар! Һәрберебез якты өметләр баглаган Яңа ел якынлаша. Бу бәйрәм – якыннарыбыз белән җыелышып, узып баручы елның күңелле мизгелләрен искә алу һәм киләчәккә планнар кору өчен иң күркәм вакыт.
2017 ел республика өчен шактый нәтиҗәле булды. Нефть химиясе һәм машина төзү тармакларында уңышлы проектларны гамәлгә ашыру, киң колачлы модернизацияләү эшләрен башкару нигезендә икътисадый үсеш һәм барлык социаль программаларның үтәлеше тәэмин ителде.

Якынча чирек миллион татарстанлының торак шартлары яхшыртылды.
2017 елда кырлардан җыеп алынган мул уңыш авыл халкының республикабызга зур хезмәт бүләге булды.

Рус архитектурасы һәйкәлләре – Успение соборы һәм Зөя монастыре – ЮНЕСКОның Бөтендөнья мирасы исемлегенә кертелде.
Казанышларыбызда республикада яшәүче һәркемнең хезмәте, өлеше бар, шуның өчен һәрберегезгә зур рәхмәтемне җиткерәм.
Татарстанга һәрьяклап ярдәм күрсәтүе өчен без илкүләм лидерыбыз Владимир Владимирович Путинга олы ихтирамыбызны белдерәбез.
Икътисад өлкәсендәге уңышларыбыз, традицияләребез, Ватанны ихлас ярату хисе республикабызның алгарышлы үсешенә ышаныч тудыра.
Россия Федерациясе Президентын сайлау 2018 елның иң әһәмиятле сәяси вакыйгасы булачак. Әлеге сайлау кампаниясе иҗтимагый-сәяси тотрыклылык һәм гражданлык җаваплылыгы шартларында узар дип ышанам.

Футбол буенча дөнья беренчелегендә катнашучыларны без халкыбызга хас кунакчыллык белән каршы алырга әзерләнәбез. Республикабызда игълан ителгән Лев Толстой елы рухи мирасыбызның аерылгысыз бер өлешен тәшкил иткән гуманизмның җәмгыятебез өчен гаять мөһимлегенә тагын бер дәлил булыр дип уйлыйм.

Безнең уй-фикерләре дә, эш-гамәлләре дә күпмилләтле илебезнең башка халыклары белән уртак. Бу бердәмлекне саклау һәм аны киләчәк буыннарга тапшыру – изге бурычыбыз.
Хөрмәтле татарстанлылар, сезгә чын күңелдән тынычлык, иминлек, барлык игелекле эшләрегездә уңышлар, бәхет һәм шатлыклар телим.
Бәйрәм котлы булсын! Яңа 2018 ел белән!" - диелә Президент котлавында.

чыганак: http://tatar-inform.tatar/news/2017/12/31/155277/
Ошый
Поделиться:
Комментарийлар (0)
Cимвол калды:
Хәзер укыйлар
  • Бозым Сихерчеләр, имчеләрне никтер картаеп-бирчәеп беткән карчыклар кыяфәтендә генә күзаллый иде моңарчы Галия. Аларның яшәгән йорты да каядыр бер читтә, аулакта булырга тиеш иде кебек. Ул йорт үзе үк күңелдә шик уятырга, шом кертергә тиеш...  Ачык йөзле, ак яулыклы апа каршы алды аларны.
    7466
    1
    96
  • 8241
    2
    55
  • Ялгыш очрашу Инде ничә ел үткән, әмма аны күргән саен, атлап барган җирдән адымнарын әкренәйтә, йөзенә иңгән гаепле елмаюын махсус җыерылган кашлары астына яшерергә тели. Оныта алмый бугай шул...
    9265
    1
    51
Реклама
Соңгы комментарийлар
  • 28 сентябрь 2020 - 05:31
    Без имени
    Дэвамы ачылмый.
    «Китмә!»
  • 28 сентябрь 2020 - 05:49
    Без имени
    Бик тә авыр тормышта яшисез.Мин үзем дә шундыйрак хәлдә яшим. Чит гаиләдә баласы гына юк, дип беләм... Ә бәлки бардыр ... Чөнки беркайчан да, акча алып кайтып бирмәде. Иртә таңнан чыгып китә , төнлә генә кайтып, артын куеп ята... Ник яшәдем микән? Башта әнине утка саласы килмәде. Балалар кечкенә иде. Шулай, мин дә көне-төне еладым, яшиселәр килми иде... Һаман шулай этле-мәчеле яшәп ятабыз.... Төзәлә торган яра түгел... Бик үкенәм, яшьтән аерылышмаганга....
    Гаилә җимерүче
  • 28 сентябрь 2020 - 07:59
    Без имени
    Нинди мэхэббэткэ ышаныч югалган монда? Ул булмаган. Гомер буе йоргэн ир, белмэмешкэ салынган хатын.
    Гаилә җимерүче
  • 28 сентябрь 2020 - 08:29
    Без имени
    Бу очракта, хатын кызга тормыш иту авыр булган, укенеч шуннан гына кебек. Хыянэт бит ул, бер булган икэн, гел кабатланып торачак. Андый очракта изелеп яшэудэн мэгьнэ юк. Ышаныч беткэч тэ яшэу бик авыр, ике арада шул маржа тора кебек. Ирнен эйткэн бер сузенэ дэ ышанып булмый. Димэк аралашудан мэгьнэ юк.
    «Иреңне берәүгә дә бирмә!»
  • 28 сентябрь 2020 - 08:29
    Без имени
    Гаилэгез таркалмаган очракта да, жае килгэн саен искэртеп, эйтеп торачак, лишние переживаниялэр сина кирэкме, уз башына, э ирдэ сина эйтелмэгэн ничэ секрет, уйлар кара эле?
    Аналыгыңны алганнарын иреңә әйтергәме, юкмы?