Бездә Май бәйрәмнәре «Сөембикә» журналы директор урынбасары Рәмзия Әнвәр кызы Кашапованың туган көненнән башлана... Шуңа да ул көнне яшел үлән, сары тузганак, яшь яфраклар, кояш, җылылык төсендә кабул итәбез. Яшел төс – яшьлек төсе, яшәү төсе, Рәмзия төсе. Тынгысыз, тиктормас, уңай энергетикалы, сәях җанлы, төрле кызыклы эшләр уйлап чыгарырга маһир, киң күңелле Рәмзия һәркемне позитив дулкынга күчерә белә.
Командировкалар, конкурслар, акцияләр, очрашулар, күргәзмәләр берсе дә аннан башка үтми.
Бәйрәмең белән чын күңелдән котлыйбыз, Рәмзия! Иҗат шатлыклары, мең мәшәкатьле тормышыңа хуш килерлек күңелле эшләр, көтелмәгән (һәм көтелгән дә!) сөенечләр, сәламәтлек телибез.
Яратып, «Сөембикә»ләр.
Комментарий юк