Һәр җәй – үзе бер гомер...

Сәяхәтләр, очрашу-күрешүләр, яңа шөгыльләр, яңа дуслар, яңа җирләр...

Сәяхәтләр, очрашу-күрешүләр, яңа шөгыльләр, яңа дуслар, яңа җирләр... Әйе, җәй ул гел шундый - вакыйгаларга бай! Кыш уртасында алып куйган яңа күлмәк, яңа төсләр, яңа тәмнәр... Болары да - җәй! Кочак-кочак кыр чәчкәләре, чиләк-чиләк җиләк, салават күпере, ләйсән яңгыр... Диңгез, елга, күлләр... Таулар! Мамык-мамык болытлар! Һәм - сез!..

Телефоныгыздагы барлык фотосурәтләрне санап чыктыкмы әле? Исегезгә төшерегез: быел җәй төшкән фотосурәтләрегезнең үзегезгә иң ошаганы кайсысы? Елмаеп куйдыгыз... Димәк, хәтерләдегез! Менә шул рәсемегезне озакка сузмыйча безнең сайтта бара торган «Һәр җәй - үзе бер гомер» дигән фотосурәтләр бәйгесенә юллагыз. Җиңүчене (дөресрәге - тавыш бирүдә иң күп тавыш җыйган ике җиңүчене) Башкортстанның атказанган артисты, популяр җырчы Әнвәр НУРГАЛИЕВ белән очрашу - «Wake UP» кофейнясында бер өстәл артында каһвә эчү көтә. (Җырчы белән бергә төшкән фотогызны күз алдына китердегезме?! Шәп булачак!) Әнвәргә бирәсе сорауларыгызны әзерли башласагыз да була: мондый мөмкинлек тагын кайчан чыгачак? Чыгачакмы әле?!

Конкурс 26 августтан 23 сентябрьгә кадәр дәвам итәчәк. Җиңүчеләр 24 сентябрьдә игълан ителәчәк.

Конкурсның партнеры - «Wake UP» кофейнясы.

Конкурсның нигезләмәсе белән биредә таныша аласыз:  http://syuyumbike.ru/news/beigeler/polozhenie-fotokonkursa-r-y-ze-ber-gomer

Катнашыгыз һәм бәйгедә катнашучылар өчен тавыш бирегез!