Бала-чага була белергә дә кирәк әле

Лилия Исхакова

«Бала-чага» дибез, балаларны өйрәтәбез, ә үзебез балалыкка кайта беләбезме?! Кайвакыт балага тигез дәрәҗәдә «дус кеше» итеп карый белү үзебезгә дә файдалы. Олылар дөньясында яшәп катып беткән җаныбызга йомшарып, яңарып алу мөмкинлеге бирә бу халәт. Мәсәлән, сез балалалар белән бергә тигез уйный аласызмы? Мин үзем турында «әйе» дип уйлый идем, ләкин соңгы арада әле шуңа ашкынам гына икәнен ачыкладым.


              Бервакыт Сара яңгырдан соң резин итекләрен киеп, суда сикерергә чыкты. Сикергән саен шаркылдап көлә, уйный. Йөзенә су түгел, куаныч тамчылары чәчрәп бәрә диярсең. Ерактан гына монотон карашым белән аны күзәтеп торам. 10-15 минут сикергәннән соң, пычранып беткән бәхетле балакай яныма килде дә: «Әни, әйдә, минем белән сикер! Күңел ачарсың!» – ди.


Нәрсәә? 30ның теге ягына чыккан башым белән күлләвекләр буйлап сикереп йөрергә – акылдан язмаган ич мин. Юк инде, шакшыланасым да, юешләнәсем дә килми. (Үземнең балачагыма сәлам! Бөтен «ярамый»ларга сәлам!) «Ой, кызым, резин итекләрем юк, сикерә алмыйм шул», диям һәм Сараның тәкъдимен кире кагам. Шулай итеп бу тема ябыла. Минем өчен. Ә бала бит алай корылмаган. Ул бит аны утыз айдан соң да онытмаячак. Чөнки аның күңелендә җиңел бәхетле булу/бәхетле итү формуласы бар. «Күңел ачарсың» дип әйтә икән, димәк минем – аның әнисенең күңеле ябык, һәм аны ачарга кирәк дигәнне аңлата бит инде баланың бу сүзе.


Күпмедер вакыт узганнан соң кибеттә йөргәндә Сара зур гына резин итекләр күтәреп килде. «Әни, резин итекләрем юк дигән идең, менә – ал! Таптым!» Мин инде ул сөйләшүне оныткан идем, ә ул истән чыгармаган! Алдым. Өйгә кайтарып куйдым. Ә кигән юк әле.


Өченче көн кабат яңгыр яуды. Сара кабат суда сикерде, ә мин сикермәдем. Бу юлы ул миннән инде болай дип сорады: «Синең резин итекләрең бар бит, әни, нигә аларны киеп, минем белән бергә сикерергә теләмисең?» Комплексларын кушып, әле системалы итеп уйларга өйрәнмәгән булса да, хисләр дөньясын тануда миннән зуррак белгеч Сара «теләмисең»не интуитив куллана, беләм. Әмма ул хаклы. Теләсәм дә теләмим кебек килеп чыга. Димәк, нигә икәнлеген ачыклыйсы бар әле. Тартып-сузып тормадым: «Белмим, кызым,» – дидем. «Белмим»нән мин беркайчан да тартынмыйм, яратып кулланам. Үзең ышанып бетми әйткән сүзгә караганда ныклы ышаныч белән әйтелгән «белмим» күпкә яхшырак. Әти-әни һәм бала мөнәсәбәтләрендә үзең дә ышанып бетми әйткән сүз – әйтелмәгән сүзгә тиң.


 

Поделиться:
Комментарийлар (0)
Cимвол калды:
Хәзер укыйлар
  • 7975
    4
    109
  • Яңа йорт Әлфия йокысыннан уянуга, янында яткан иренең чигә чәчләренә саклык белән генә кагылды да, аны уятудан куркып, иреннәре
    9456
    5
    71
  • Син мине гафу ит Экраннарга «Зөләйха күзләрен ача» фильмы чыккач, күпләр андагы кайнана образын кабул итә алмады. Татар карчыклары андый усал булмаган, дигән фикерләр дә ишетелде. Бүген язарга теләгән вакыйгам – геройларымның исемнәре үзгәртелсә дә, тормыштан алынган чын хәл. Арабызда Галимҗан Ибраһимовның Сабирасыдай («Татар хатыны ниләр күрми») усал кайнаналар әле дә бармы дигән сорауга җавап табарсыз сез анда.
    9207
    2
    60
  • Дәва Авылына кайтты. Авыл үзгәрмәгән, ул – үзгәргән. Хәтта исәнләшеп үткән авылдашлары да, танымыйча, артыннан карап калды. Нәфис гәүдәле, сара чәчле хатын ят иде аларга. Ә ул бер ел элек кенә дегет кебек кара чәчле, интегеп яшәгәне йөзенә чыккан Мәрсилә иде бит. Тик аның тормышындагы авырлыклар узды. Ак полосадан бара ул. Чәчен дә шуңа буятты...
    4519
    4
    42
Реклама
Соңгы комментарийлар
  • 6 август 2020 - 11:58
    Без имени
    Бик матур язгансыз Венера !Э чынлыкта бу булган хэл !Фэридэ ул чыннан да бик лаеклы ,хормэтле ,бик чибэр дэ унган да хатын -кыз !Исеме генэ узгэртелгэн .
    Күз яшьләрең булып мин тамам...
  • 6 август 2020 - 15:36
    Без имени
    Сабак алмаган бу хатын
    «Тасма теленә ышанып, аферистка 400 мең акча бирдем»
  • 6 август 2020 - 19:21
    Без имени
    Йозлэтэ чыгар ул аферисттан-узе генж тугел-7 буынына кадэр тошэр лэгьнэте!
    «Тасма теленә ышанып, аферистка 400 мең акча бирдем»
  • 6 август 2020 - 00:58
    Без имени
    Исән - сау Илдар! Тырыша- тырмаша Рузалиясе белән яшәп ята. Сәламәтлеге алга таба түгел, алай да бирешми. Һәр көнгә сөенеп, Аллага шөкер дип яшиләр. Юмористик хикәяләре һәрдаим "Татарстан яшьләре" битендә дөнья күрә. Биш китабы чыкты, алтынчысының табадан төшкәнен көтәләр.
    Мәхәббәт сурәте
  • 5 август 2020 - 20:19
    Без имени
    Ачыктан ачык ирегезгэ эйтегез, без кем сон сина дип. Нармальный хатын яшь баласы булган килененэ булышыр иде, сездэ узем эзерлэп идем дип. Юбилей бит диеп. Э малае аркылы эш йортмэс иде. Или узегез кайнана бн ачыктан ачык сойлэшегез. Акылы булса анлар. Э болай тавыш тын булмагач, сезгэ ошый дип уйлый. Ир кеше ойдэ нэрсэ бар нэрсэ югын белми ул. Тавыш чыга дип тэ курыкмагыз, бер чыгада бетэ ул. Э бала бн берни эйтмичэ, ачуыгвзны эчкэ йотып кайтып китеп, доресен эйтергэ кирэк. Алар ял итэсе килгэндер дип кенэ уйларга может.
    Көйсез кайнана хикмәтләре