Логотип
Яңалыклар

Юныс Огуз белән очрашу була

21 октябрь көнне сәгать кичке 5тә ТР Язучылар берлегендәге Тукай клубында (Казан ш., Мөштәри ур., 14), Россиядә Әдәбият елы уңаеннан, әзербайҗан фәлсәфәчесе, тарихчысы һәм язучысы, күп тарихи романнар авторы, “Олайлар” газетасының һәм мәгълүмат агентлыгының баш мөхәррире Юныс Огуз белән очрашу булачак.

Юныс Огуз әзербайҗан һәм рус телләрендә китаплар, фәнни хезмәтләр яза. Аның “Атилла”, “Надир Шах”, “Тамерлан.Путь к вершине” һәм “Тамерлан. Властелин мира”кебек тарихи романнары төрле телләрдә, шул исәптән Мәскәүдә рус телендә дә, дөнья күргән. Аның шулай ук тарихчы, тюрколог буларак язылган “Древняя Анатолия и азербайджанские тюрки”, "Карабах–бесконтрольная зона”, "Новый взгляд на историю тюрков”, “Древние тюрки и теория пассионарности” кебек хезмәтләре дә бар.

“Әзербайҗан авторы белән танышу, аралашу Казан зыялылары, аеруча татар язучылары, тарихчылары, этнографлары, шулай ук биредә яшәүче әзербайҗан диаспорасы өчен мәгълүматлы һәм мавыктыргыч булырга охшаган. Аеруча авторның Аксак Тимер шәхесе турындагы китабы татар зыялылары арасында зур кызыксыну уятырга мөмкин. Тарихта XIV-XV гасырларда яшәгән Аксак Тимернең ярты дөньяны яулап алып, иң зур империяләрнең берсен төзүе, Болгар ханлыгын җимерүе мәгълүм. Ә Юныс Огузның “Аксак Тимер”е нинди икән?” – дип кызыксындыра ТР Язучылар берлеге үзенең дөньякүләм пәрәвездәге ресурсы аша.


сылтама: http://tat.tatar-inform.ru/news/2015/10/20/114743/

Следите за самым важным и интересным в Telegram-каналеТатмедиа

Комментарий юк

Хәзер укыйлар

Реклама