Рөстәм Миңнеханов: «Безнең бурыч – якташларыбызның геройларча батырлыгы турында хәтер саклау»

М. Җәлил исемендәге Татар дәүләт опера һәм балет академия театрында Ватан геройлары көнен бәйрәм итүгә багышланган тантана уздырылды. Чара Идел буе федераль округында яшәүче Ватан геройлары хөрмәтенә оештырылган иде.

2007 елның 28 февралендә РФ Президенты Владимир Путин Россия парламентарийларының 9 декабрьне Ватан геройлары көне итеп билгеләү турындагы инициативасын хуплаган. Шул көннән башлап, безнең ил яу кырында ятып калган һәм һәлак булган геройларны искә ала.

Тантаналы чара РФ Президентының ИФОдагы Тулы вәкаләтле вәкиле Михаил Бабич һәм Татарстан Президенты Рөстәм Миңнехановның сәламләү чыгышлары белән башланды.

Михаил Бабич бүген ил күләмендә әһәмиятле бәйрәмнәрнең берсе - Ватан геройлары көне билгеләп үтелүен шәрехләп, чыгышында бу көнне билгеләп узу тарихына тукталды. М. Бабич сүзләренчә, Советлар Союзы Герое исеменә 12 мең 776 кеше лаек булган. Моннан тыш, 1 меңнән артык кешегә Россия Герое исеме бирелгән. Ул бүген Идел буе федераль округында 37 Ватан Герое, 500 дән артык Социалистик Хезмәт Герое гомер кичерүен хәбәр итте. Бүген бәйрәмгә алардан 9 Советлар Союзы һәм Россия Герое һәм 17 Социалистик хезмәт герое килгән иде. "Бу кешеләрнең батырлыклары дәрәҗәсен тагын бер кат бәяләвегезне телим, чөнки яу кырларында җитештерүдә, авыл хуҗалыгында хезмәттә батырлык күрсәтеп, бу кешеләр илне данлап кына калмый, яшьләрне тәрбияләү өчен традицияләр дә булдыра", - дип ассызыклады Михаил Бабич.

РФ Президентының ИФОдагы Тулы вәкаләтле вәкиле каһарманлыкның югалтуларсыз булмавын искәртте. «Күп кенә геройлар бу исемгә үлгәч лаек булды. Россия иминлеге бәрабәренә үз гомерен корбан иткәннәр алдында баш иябез. Аларның каһарманлыгы турында хәтер яшьләрдә саклансын өчен барысын да эшләячәкбез», - дип ул Ватан геройларының белеме, тәҗрибәсе, каһарманлыгы яшь буынга күчәргә тиешлегенә ишарәләде.

Михаил Бабич Армия сафларына керергә әзерләнүче яшьләргә мөрәҗәгать итеп: «Аларның, шулай ук суворовчыларның, яшь хәрбиләрнең традицияләргә изге мөнәсәбәттә булып, ата-бабалар, геройларны һәрвакыт истә тотуларын телим, - диде. - Хәзер шактый катлаулы чор, безне янә чыдамлыкка сыныйлар, очучыларыбыз Сүриядә хәрби күрсәтмәләрне үти, башка төбәкләрдә дә тынычлык какшаган, - диде Бабич һәм хәрби хезмәткәрләрнең үз бурычын батырларча үтәвен әйтте. - Үзебезнең бөек держава булуыбыз белән, арабызда батырлыклар кылган, үз бурычына ахыргача тугры булган, бөек Россия үсеше өчен нигез булдырган лаеклы кешеләр күп булуы белән котлыйсым килә», - дип тәмамлады Михаил Бабич чыгышын.

Рөстәм Миңнеханов бүгенге тантананың Советлар Союзы һәм Россия Геройларына, Социалистик Хезмәт Геройларына, Хәрби Дан һәм Хезмәт Даны орденнары тулы кавалерларына, бүген арабызда булмаган геройлар истәлегенә багышлануын билгеләп узды. Ул әлеге затларның хәрби бәрелешләрдә үзләрен аямыйча көрәшеп, илнең иминлеген ныгытуга алыштыргысыз өлеш кертүен шәрехләде. «Алар туган җиргә, үз халкына тугрылыгы, ата-бабалар традицияләренә хөрмәте, Ватан хакына чын каһарманлык кылырга әзерлеге белән аерылып тора», - дип ассызыклады ТР Президенты.

Р.Миңнеханов Бөек Ватан сугышы ветераннары батырлыгына тукталып: «Бу елларда ата-бабаларыбызның аяусыз көрәшүе, фидакарь хезмәте безнең йөрәкләрдә мәңгегә калачак», - диде һәм хезмәт геройларының төрле тармаклар үсешенә бәяләп бетергесез зур өлеш кертүенә басым ясады.

Республика башлыгы билгеләп узганча, илнең дәүләт бүләкләре арасында Россия Герое исеме аерым урынны били. «Соңгы елларда безнең республика белән бәйле шактый кеше шушы мәртәбәле исемгә лаек булды», - диде ул. Аның әйтүенчә, бүген ИФОда яшәүче 39 ил героеның 4се – Татарстан кешеләре. «Безнең бурыч – якташларыбызның геройларча батырлыгы турында хәтер саклау», - диде Президент.

Р.Миңнеханов геройларның каһарманлыгы күп кенә буыннар өчен батырлык, намус үрнәге булачагын ассызыклады. «Без геройларыбызның күп булуы белән горурланабыз. Бу көнне һәркайсыгызга рәхмәт әйтәсем, бәхет, уңышлар, иминлек телисем килә. Ә арабызда булмаганнарга - мәңгелек хәтер һәм якты истәлек», - дип сөйләде Президент. Ул Ватан геройлары исеме белән урамнар аталуын, алар хөрмәтенә мемориаль такталар куелуын, кадет мәктәпләренә чыгышы белән Татарстаннан булган герой исемнәре бирелүен шәрехләде.

Ватан герое, Армия генералы, чыгышы белән Самара өлкәсеннән булган Александр Баранов Татарстан җитәкчелегенә олы кунакчыллык өчен рәхмәт җиткерде. «Биредә күргән уңай күренешләрне үзебезнең төбәкләргә ирештерәчәкбез», - диде ул. Ул Россиядә Хәрби дан көннәренә зур игътибар бирелүен ассызыклап үтте.

Аннан соң Ватаныбызның азатлыгы һәм бәйсезлеге өчен һәлак булган геройлар истәлегенә бер минутлык тынлык игълан ителде.

Алга таба тантана төрле чыгышлар белән дәвам итте. Концерт программасында «Каскад» (Ярославль) төркеме, Пермь кадет корпусы ансамбле, ТР Дәүләт җыр һәм бию ансамбле, ТР Дәүләт камера хоры, "Мгновение" бию театры чыгышлары булды, шулай ук ТРның атказанган артистлары Рөстәм Асаев, Эльмира Кәлимуллина һәм башкалар җырларын бүләк итте.

Тантана тәмамлангач, Михаил Бабич һәм Рөстәм Миңнеханов журналистларга фикерләрен җиткерде. Бабич ассызыклаганча, бүгенге чараны үткәрү урыны итеп Казан очраклы гына сайланмаган. Аның сүзләренә караганда, моңа Татарстанда яшьләргә мәктәп баскычыннан ук хәрби-патриотик тәрбия бирү юнәлешендә алып барыла торган уңышлы эшчәнлек сәбәпче.

Рөстәм Миңнеханов алтынчы тапкыр рәттән Татарстанның хәрби хезмәткә чакырылыш буенча иң яхшы республика булып танылуын билгеләп узды. «Бу очраклы гына түгел. Геройларыбыз уңай үрнәк күрсәтә. Яшьләр элекке түгел дигән сүзләр дә дөреслеккә  туры килми, киресенчә, яшьләр хәзер күпкә алдынгы карашлы, бүгенге шартларда төрле бурычларны хәл итәргә сәләтле. Без хәрби-техник белгечлекләр буенча эш алып барабыз. Яшьләребез Армиягә барганчы күнекмәләр ала. Хәрби частьлар белән элемтәләр корабыз», – диде Татарстан Президенты.

Бүген кунаклар өчен бәйрәм хөрмәтенә төрле экскурсияләр уздырылды. Геройлар шәһәрнең истәлекле урыннарына барган. Казан Суворов хәрби училищесына, Советлар Союзы Герое Борис Кузнецов исемендәге Казан кадет мәктәп-интернатына барган, «Хәтер китабы» мемориалында булган. Герой-шагыйрь Фатыйх Кәримгә мемориаль такта ачылуда катнашкан. Тантана башланганчы, Җиңү паркында Мәңгелек утка чәчәкләр салынган.

сылтама: http://tat.tatar-inform.ru/news/2015/12/09/116421/

Татар хатын-кызлары өчен кызыклы язмаларны Сөембикә Telegram-каналында укыгыз


Ошый
Поделиться:
Комментарийлар (0)
Cимвол калды:
Хәзер укыйлар
  • Дус кызымның ире икенче хатын алган  Дус кызыма шулчак әллә нәрсә булды, мышык-мышык елап җибәрде, керфекләренә яккан тушь җебеп, алсу бите буйлап акты. Мин Гөлчәчәкне тынычландырырдай кирәкле сүзләр таба алмадым, ни өчен сорау биргәнемә дә үкендем...
    7229
    1
    52
  • Хата Тормышта бер генә кеше дә хаталардан хали түгел. Без ясаган хаталар бер-берсеннән зурлыгы йә кечкенәлеге белән генә аерыладыр. Кечкенәләре шунда ук онытыладыр. Ә зурраклары, язмышыңны башка сукмактан алып кереп киткәннәре... Алары башка шул. Алары сине гомер буе озата бара...
    4816
    0
    34
  • «Кичер мине, әни!» Ә менә бу – ул керәсе йорт, анда аны әнисе көтә. Унбиш ел көтә инде... Кичке эңгер-меңгер. Кәүсәриянең күзе ирексездән ике якты тәрәзәгә төште. Аларның берсендә бөкрәйгән хатын-кыз шәүләсе күренде. «Йә Хода! Ничек картайган!» Кызганудан Кәүсәриянең йөрәге чәнчеп алды...
    3626
    1
    20
  • Ләкләкләр Яз җиткән саен ләкләкләр кайтуын өзелеп көтә башлыйм. Бу кошлар кайткач җиһанга яңа тормыш иңә кебек. Мин өчен бик кадерле алар. Аларга кагылышлы үз тарихым бар. 
    1463
    0
    17
Реклама
Соңгы комментарийлар
  • 23 март 2023 - 11:56
    Без имени
    Башта ул үзе генә булганда аңа игътибар күп булган, аннан сез кияүгә чыккансыз, игътибар кими төшкән, бала туган, тагын ныграк кимегән, аңа гына карап тору беткән. Ул бала гына икәнен онытып җибәргәнсез. Сезгә ул инде зур, үчтекиләргә кирәк түгел дип саный башлагансыз. Ә ул балада әкренләп әнә шул көнләшү дә, үпкәләү дә, үртәлү дә барлыкка килгән. Белмим, бу хәлне төзәтә алырсызмы.
    Ничек дуслаштырыйм?
  • 22 март 2023 - 10:47
    Без имени
    «Улымны узем генэ устердем» дигэн суздэн сон ук барысы да анлашылды. Киленне яратмавыгыз хэр суздэн «кычкырып» тора. Вот и гаеп эзлисез
    Оныгым минеке түгел...
  • 22 март 2023 - 09:46
    Без имени
    Менэ бу ирне жэллэп язгансыз, кешенен гаилэ тормышын белмичэ язып булмый бит, юньле ирдэн хатын китми, малаен курергэ тилмереп артыннан чабып йоргэнче, гаилэ бн яшэгэндэ кадерлэрен белеп яшэргэ булган дип тэ уйлап була, остендэге киемен утюклап кию кимэу кешенен узеннэн тора, аяксыз, кулсыз кеше тугел бит ул, утюклап кисен, хатын- кыз эш аты тугел бит ул, баласын карарга вакыты тисэ бик яхшы, ир- ат бала чага тугел, гаилэ коргач ул узе йорттагы ботен кеше очен жаваплы булырга тиеш, хатын жилкэсенэ менеп утырырга тиеш тугел!!
    Бер очрашу
  • 22 март 2023 - 14:07
    Без имени
    Улыгыз баланы яраткач, кысылмагыз. Безкапчыкта ятмый конечно. Ноикенче яктан, кешелэрбит детдомнан да алып устерэ
    Оныгым минеке түгел...
  • 23 март 2023 - 16:39
    Без имени
    Бу язманы бик дулкынланып,тетрэнеп укыдым,Аннан коментарийларны да укып чыктым,торле фикерлэр эйтелгэн,хэрберсе дэ дорестер дип уйлыйм.Куренекле шэхеслэрнен тормышын гади халык белми,курми бит,барысы да ал да гол кебек.Баксан, алай тугел икэн...Боек шэхеслэр бераз эгоистрак булалар шикелле,аларга кубрэк игьтибар кирэк,шуна курэ аларнын гаилэ тормышлары да ,яшэу рэвешлэре дэ бераз узгэрэк,ягьни каршылыклы,ямьсезлеклэр белэн чуарлана.Икенчедэн боек шэхес булыр очен узенне танытыр очен ботен гомеренне шул идеяга юнэлтергэ кирэк.Э ботенесенэ дэ житешер очен бик кочле рух,батырлык кирэктер дип саныйм мин.Андыйлар да бар сэнгать кешелэре арасында.Э шулай да Галимэ апаны актриса буларак бик яраттым,рольлэрен бик оста уйный иде.Э тормышына килгэндэ,нишлисен,беребез дэ эулия тугел,хэрбер кешенен дэ русча эйтмешли свои скелеты в шкафу
    Чибәрлек – матур кешенең сыңар канаты! 
Реклама
«Балалы Солянка» балалар музыкаль премиясе
«Татар гаиләсе / килен-кайнана» бәйгесе җиңүчеләрен котлау тантанасы
«Татар мамык шәле» бренды нәрсә ул?
«Татар гаиләсе / үрнәк алыгыз»
«Азат хатын» күргәзмәсе – Кабан күле буенда
«Сөембикә»нең яңа саны һәм... балчык
Әлфия Миңнуллина: «Әни Казанга яланаяклы кыз булып килгән иде, яланаяк мәңгелеккә китеп бара...»
Фарфор буенча рәссам Римма Газалиеваның шәхси күргәзмәсе
Укучыга таба яңа адым: «Сөембикә»нең февраль санын тәкъдим иттек 
Венера Ганиеваның ире, тавыш режиссеры Камил Фәйзрахмановны соңгы юлга озату