Фәрит Мөхәммәтшин Саба районында ат фермасында һәм яңартылган Мәдәният йортында булды
Фәрит Мөхәммәтшин сәфәре барышында беренче тукталган объект гаилә ат фермасы булды. Аны хуҗасы Айнур Мостафин 2011 елда ат үрчетергә булган, 2012 елда инде, ТР Авыл хуҗалыгы һәм азык-төлек министрлыгы бүлеп биргән 834 мең сум субсидия бәрабәренә ферма ачылган. Хәзерге вакытта биредә 34 баш ат, дистәләп сарык асрала, алга таба атлар санын 50 башка җиткерү күздә тотыла. Ләкин, фермер сүзләренчә, биредә төп проблема – олы юлдан керү юллары булмауда.
Районда гаилә фермалары аз түгел – 50гә якын исәпләнә, шуларның 6сы – ат фермасы, 8е умартачылыкка, 10сы сөтчелеккә карый, 1сендә кәҗәләр үрчетелә.
Туктар авылында Фәрит Мөхәммәтшин быел республиканың максатчан программасы буенча үзгәртеп корылган Мәдәният йортын күздән кичерде. Ул хәзерге вакытта 17 бала тәрбияләнә торган “Тамчы” балалар бакчасы белән бер түбә астында.
Байлар Сабасы бистәсендәге Мәдәният йортында район активы белән очрашуда Татарстан Дәүләт Советы Рәисе республиканың соңгы еллардагы үсеше, социаль-икътисади программаларның тормышка ашырылуы турында сүз алып барды. Татарстан ирешкән казанышларын саклап кына калмастан, башка төбәкләрдә һәм илләрдә тупланган тәҗрибәне дә үзенә алырга, яңа җитештерү мәйданнары, технологияләр, талантлы белгечләрне җәлеп итәргә дә омтыла, дип басым ясап әйтте ул.
Парламент башлыгы биредә татар телендә чыгыш ясады, чөнки җирле халыкның күпчелеге – татарлар, ә район үзәге Байлар Сабасы ныклы авыл тормышы һәм гореф-гадәтләргә хөрмәт үрнәге. Авыл хуҗалыгы чәчәк ата, Мәдәният йортлары, фельдшерлык-акушерлык пунктлары, мәктәпләр һәм балалар бакчалары ачыла, дип, республикада соңгы елларда аларның күпмегә артуы турында сүз булды. Болар барысы да авыл җирлекләрен сакларга булыша, ул мәсьәлә теләсә кайсы төбәк өчен социаль-икътисади бурыч булып тора, диде.
Сабалылар белән очрашуда шулай ук РФ Дәүләт Думасы депутаты Фатих Сибагатуллин һәм Саба районы башлыгы Рәис Миңнеханов катнашты.
Соңыннан ТР Дәүләт Советы Рәисе стендка ату һәм компакт-спортинг комплексында, “Сабантуй” ат-спорт комплексында конкурс өчен каралган манежда һәм ат абзарларында булды.
сылтама - http://tat.tatar-inform.ru/
Татар хатын-кызлары өчен кызыклы язмаларны Сөембикә Telegram-каналында укыгыз
-
Хата Тормышта бер генә кеше дә хаталардан хали түгел. Без ясаган хаталар бер-берсеннән зурлыгы йә кечкенәлеге белән генә аерыладыр. Кечкенәләре шунда ук онытыладыр. Ә зурраклары, язмышыңны башка сукмактан алып кереп киткәннәре... Алары башка шул. Алары сине гомер буе озата бара...
-
Бәхетемне сакламадым Һәр хатын-кызның үз тормыш тарихы, үз ялгышлары, үз үкенечләре. Әмма минем кебек беркатлылыгы аркасында үз бәхетен җимергән хатыннар бар микән ул?!
-
Ләкләкләр Яз җиткән саен ләкләкләр кайтуын өзелеп көтә башлыйм. Бу кошлар кайткач җиһанга яңа тормыш иңә кебек. Мин өчен бик кадерле алар. Аларга кагылышлы үз тарихым бар.
-
«Кичер мине, әни!» Ә менә бу – ул керәсе йорт, анда аны әнисе көтә. Унбиш ел көтә инде... Кичке эңгер-меңгер. Кәүсәриянең күзе ирексездән ике якты тәрәзәгә төште. Аларның берсендә бөкрәйгән хатын-кыз шәүләсе күренде. «Йә Хода! Ничек картайган!» Кызганудан Кәүсәриянең йөрәге чәнчеп алды...
-
29 март 2023 - 08:52Без имениАндый хатын кызларга аптыраем мин. Уз узлярен аз гына да хормят итмяй микян ней . Хар бер кеше узк сайлый ничек яшяргя. Ошай шулай ящяргя ана. Зарланып ,елап йорергя срнгыдан. Утте гомер диеп. Кем тузяргя мажбурли икян ???Нәрсә хакына түзәргә?
-
Ханбикәләребез Кем ул ханбикә? Дөресен әйтик, бәгъзеләребез аны көнгә биш-алты күлмәк алыштыручы көяз хатын, ефәк тотканнан да кулы кабаручы назлы җан итеп күз алдына китерә. Әлбәттә инде, иркә, тәкәббер вә кыланчык..
-
Кадерле Мәрьям апа Шундый язмышлы кешеләр була, күзгә-башка әллә ни чалынмыйча, тыйнак, гади генә яшиләр дә тыныч кына китеп тә баралар.
-
Сугыш өзгән хыял Сәхнәдә В. Асафьевның «Бахчасарай фонтаны» балеты бара. Уланованың Мариясе шулкадәр табигый, чын, ышандырырлык итеп үлә – ирексездән күзләргә яшь тула.
-
Шәфкать иясе Шәфика Сәнгать күгендә кыска гына вакыт балкып янган Шәфика Котдусованы атылган йолдызга тиңлиләр.