25 август көнне «Көчле Татарстан! Бердәм Россия!» партия эстафетасын Мөслим халкы кабул итте. Очрашуда депутатлар, «Бердәм Россия» фракциясе әгъзалары белән районга караган мөһим мәсьәләләр күтәрелде.
Мөслим районына кергән берничә торак пунктның су белән тәэмин ителеш системасы төзекләндерү көтә икән. Су челтәре бик тузган, нәтиҗәдә еш кына эчә торган су белән тоткарлыклар килеп чыга. Мөслимлеләр партия командасына әлеге мәсьәләне үз кулларына алырга һәм «Чиста су» максатчан федераль программа кысаларында районга бирелә торган акчаны арттыруны контрольдә тотарга сорадылар.
«Су белән тәэмин ителеш, бигрәк тә эчә торган су – авыл халкы белән очрашуда иң еш күтәрелә торган тема. Бу аңлашыла да. Су юк икән – тормыш та юк. Авылдагы яшәү шартлары шәһәрнекеннән ким булырга тиеш түгел. Бу юнәлештә зур эшләр башкарыла. Республиканың кайбер районнарында су проблемасы чишелеш алды: су юллары төзекләндерелде, яңа насослар алынды. Ләкин су белән тиешенчә тәэмин ителмәгән районнар да юк түгел. Без, Дәүләт Думасы депутатлары, сайлаучыларыбызның гозерләрен кабул итәбез. Авыл халкы су кытлыгы кичермәслек итеп мәсьәләне хәл итәргә тырышачакбыз», – диде Дәүләт Думасы депутаты Ринат Хәйров.
Исегезгә төшерәбез, «Көчле Татарстан! Бердәм Россия!» эстафетасы «Бердәм Россия» партиясе республика бүлегенең сайлау алды кампаниясе кысаларында уза. Маршрут Татарстанның барлык 45 районнын йөреп чыгарлык итеп төзелгән. Партия командасы һәркөн шәһәр һәм авыл халкы белән очраша. Очрашуда эшләгән эшләргә бәя бирелә, киләчәккә планнар корыла.
http://intertat.ru/tt
Комментарий юк