“Ак калфак” иҗтимагый оешмасы Актанышка юл тота

“Ак калфак” бөтендөнья татар хатын-кызлары иҗтимагый оешмасының чираттагы күчмә утырышы Актанышта булачак. Әлеге оешманың Бөтендөнья татар конгрессы башкарма комитеты каршында барлыкка килгәнен искәртик. 13, 14, 15 июль көннәрендә Актанышта узачак чаралар турында “Татар-информ” мәгълүмат агентлыгы хәбәрчесенә оешманың рәисе Кадрия Идрисова сөйләде.

Актанышка сәфәрдә Татарстанның 32 районыннан, Россиянең 22 төбәгеннән вәкилләр, Таҗикстан, Австралия, Беларусь, Польша, Казакъстан, Төркмәнстаннан 10 кунак катнашачак. Барлыгы 150 ләп делегатның авылларга 5 төркемгә бүленеп баруы ниятләнә.
“Безнең максат – бу җирлектәге йолаларны, татар халкының яшәешен өйрәнү, танылган шәхесләрен барлау һәм авыл туризмы өлкәсендә чаралар уздыру”, - дип белдерде Кадрия Идрисова.
Оешма вәкилләре беренче көнне Актаныш район үзәгендә сәяхәт итәчәк, андагы халыкның көнкүреше белән танышачак, татар гимназияләрендә булачак. Ул көнне алар “Киров” совхозында халык театры спектаклен тамаша кылачак.
Икенче көнне авыл туризмы юнәлешендә 5 урынга чыгу ниятләнә. “Мәнни нәселеннән барлыкка килгән тарихи Кормаш җирлегенә барырга җыенабыз. Шушы авылдан чыккан өч халык рәссамы Васыйл Маликов, Зилфат Басыйров, Әсхәт Сафаргалинга элмә такталар куячакбыз. Бу җирлектә һөнәрчелек киң таралган. Сувенирлар чатырларында һөнәрчеләрнең эшләре белән танышу булачак. Иске Балтач, Яңа Балтач, Иске Кормаш, Шәбезбаш, Каен түбә авылларының шәҗәрәләрен күрсәтәчәкбез. Ирек Хаҗиев дигән егет мичтә шәңгә пешерү осталыгы белән уртаклашачак. Шулай ук кичен Кормаш халык театрының “Без 41 нче ел балалары” спектаклен карыйбыз”, - диде Кадрия Идрисова.
Икенче маршрут – Уразай, Такталачык җирлеге. Ул тарихи “Кирәмәт” тау итәгендә башланачак. “Юл буенда көтеп торган тарантасларга утырып авылга төшәчәкбез. Биредә су юлы күрсәтү йоласы күрсәтеләчәк. Уразай авылының беренче йорты булган Гатаулла нигезен караячакбыз. Авылның шәҗәрәсе белән танышу, һөнәрчеләрнең чигү, каз оясы ясау буенча мастер класслар күрсәтүе көтелә. Бу авылда Риза Ишморат чишмәсе ачылды. Аның иҗатына багышланган мини музейда булып, бакчада Актаныш, Азнакай, Башкортостан халкына хас булган тәбикмәк пешерү буенча мастер-класс биреләчәк”, - диде “Ак калфак” оешмасы рәисе.
Аннан соң Такталачык җирлегендә татар халкының бөек трагик артисты, режиссер, тәрҗемәче, театр эшен оештыручы Мөхтәр Мутин, халык язучысы Гамил Афзал яшәгән нигезләргә элмә такталар куелачак. “Гамил Афзалның “Өянкеләр” җыры бар бит. Менә шул җыр язылуга сәбәпче булган өянкеләрне күрергә телибез, нигезе, коесын караячакбыз. Мутиннар шәҗәрәсе белән танышу, фольклор бәйрәмен уздыру каралган. Сипарат аерту, май язу, гөбәдия өчен корт ясау дәресләре булачак”, - дип белдерде Кадрия ханым.
“Ак калфак”лылар Теләкәй, Татар Суксуы, Мари Суксуы авылларына да барырга җыена. Соңгы ике авылны күпер аша бер чишмә аерып тора икән. “Менә шул “Суык чишмә” йошты памаш чишмәсен, “Зифа” шифаханәсен күрсәтергә телибез. Сабан туе урынында милли уеннар оештырылачак, исем кушу, килен төшерү йолаларын сурәтләү, милли ризык кыстыбыйдан авыз итү көтелә. Шулай ук кәҗә фермасына да барачакбыз. Теләкәй җирлегендә исә һөнәрчеләр, көрәшчеләр урамнарын йөреп чыгачакбыз”, - диде Кадрия Идрисова.
Зөбәер авылында мәктәп, музейга кереп чыгу, Шәҗәрә бәйрәмен уздыру ниятләнә. “Биредә печән чабу йоласын карыйбыз. Аннан соң умартачылык, чәчәк үстерү белән шөгыльләнүче яше инде 80 дә булган Заһирә апа йортына керергә җыенабыз”, - дип планнары белән уртаклашты Кадрия ханым. Әтәс авылында чыбырткы үрү, кыз куу йолалары, әтәч сугыштыру күренешләре тасвирланачак. “Бу җирлек Азат Хөсәенов, Рәис Нәгыймов кебек иҗатчыларны биргән, аларның иҗаты белән танышу ниятләнә. Бал менү йоласы үткәреләчәк. Бу авыл инде бер ун енлап Акъәбиләрне җыя. Алар катнашында карга боткасы, чәкчәк пешерү чаралары узачак”, - диде оешма рәисе.
5 нче маршрут буларак Әлем, Иске авыллары билгеләнгән. Әлемдә Икмәк комбинаты, мәдәният йорты, мемориаль комплекс белән танышу, Исламхуҗиннарның фермерлык хуҗалыгына экскурсия каралган. “Ак калфак”лылар юкка чыгып барган авыллар сулышын да тоярга җыена. Бу уңайдан алар Тимеркул авылына барачак. “Байсарда “земская больница-госпиталь” дип аталган, хәзер профилакторий рәвешендә эшләүче учреждениедә булачакбыз. Байсар ул зур авыл булган, элек биредә базарлар оештырылган, без сәүдәгәр Андрей йортында булырга планлаштырабыз. Тимерче йортында тимерче эшчәнлеген күрсәтү булачак”, - диде Кадрия Идрисова.
Оешма рәисе әйтүенчә, сәяхәт кысаларында Агыйделгә паром белән чыгу да ниятләнә. Татар халкы уеннары, биюләр әзерләнә. “50 еллык тарихы булган “Агыйдел” Дәүләт җыр-бию ансамбленең төзекләндерелгән бинасын ачу тантанасы булача, шулай ук ансамбльнең концертын караячакбыз. “Актаныш” күле аша салынган асылмалы күпердән баянчылар белән чыгу ниятләнә. Анда фонтан ачу тантанасы да узачак”, - диде ул.
Өченче көнне пленар утырыш булачак. Аннан соң делегатлар Татарстанның беренче Президенты Минтимер Шәймиевнең туган авылы Әнәккә юл тотачак. “Чит төбәкләргә бу бик тансык. Алар бик күрергә тели. Биредә без Шәрип абый Шәймиевнең музей йорты белән танышачакбыз”, - диде Кадрия Идрисова.
Актанышка сәфәр кысаларында шулай ук дару үләннәре, аларның дәвалау үзенчәлекләре белән таныштыру буенча мастер-класслар узачак. Камзул, калфак тегү серләренә дә өйрәтәчәкләр.
Кадрия Идрисова күчмә утырышның һәркайсы хакимият белән берлектә оештырылуын, район муниципаль берәмлек башлыклары, башкарма комитет, авыл җирлеге җитәкчеләре ярдәменнән башка мондый киңкүләм чараларны уздыру мөмкин түгеллеген әйтте. “Монда барысы да безне теләп кабул итә, әзерлеккә теләктәшлек күрсәтә”, - диде Кадрия Идрисова.
http://tat.tatar-inform.ru/
Татар хатын-кызлары өчен кызыклы язмаларны Сөембикә Telegram-каналында укыгыз
Хәзер укыйлар
-
Дус кызымның ире икенче хатын алган Дус кызыма шулчак әллә нәрсә булды, мышык-мышык елап җибәрде, керфекләренә яккан тушь җебеп, алсу бите буйлап акты. Мин Гөлчәчәкне тынычландырырдай кирәкле сүзләр таба алмадым, ни өчен сорау биргәнемә дә үкендем...
-
Хата Тормышта бер генә кеше дә хаталардан хали түгел. Без ясаган хаталар бер-берсеннән зурлыгы йә кечкенәлеге белән генә аерыладыр. Кечкенәләре шунда ук онытыладыр. Ә зурраклары, язмышыңны башка сукмактан алып кереп киткәннәре... Алары башка шул. Алары сине гомер буе озата бара...
-
Елама, Сәрвиназ! (хикәя)
-
Ләкләкләр Яз җиткән саен ләкләкләр кайтуын өзелеп көтә башлыйм. Бу кошлар кайткач җиһанга яңа тормыш иңә кебек. Мин өчен бик кадерле алар. Аларга кагылышлы үз тарихым бар.
-
Бәхетемне сакламадым Һәр хатын-кызның үз тормыш тарихы, үз ялгышлары, үз үкенечләре. Әмма минем кебек беркатлылыгы аркасында үз бәхетен җимергән хатыннар бар микән ул?!
Соңгы комментарийлар
-
23 март 2023 - 11:56Без имениБашта ул үзе генә булганда аңа игътибар күп булган, аннан сез кияүгә чыккансыз, игътибар кими төшкән, бала туган, тагын ныграк кимегән, аңа гына карап тору беткән. Ул бала гына икәнен онытып җибәргәнсез. Сезгә ул инде зур, үчтекиләргә кирәк түгел дип саный башлагансыз. Ә ул балада әкренләп әнә шул көнләшү дә, үпкәләү дә, үртәлү дә барлыкка килгән. Белмим, бу хәлне төзәтә алырсызмы.Ничек дуслаштырыйм?
-
22 март 2023 - 10:47Без имени«Улымны узем генэ устердем» дигэн суздэн сон ук барысы да анлашылды. Киленне яратмавыгыз хэр суздэн «кычкырып» тора. Вот и гаеп эзлисезОныгым минеке түгел...
-
22 март 2023 - 09:46Без имениМенэ бу ирне жэллэп язгансыз, кешенен гаилэ тормышын белмичэ язып булмый бит, юньле ирдэн хатын китми, малаен курергэ тилмереп артыннан чабып йоргэнче, гаилэ бн яшэгэндэ кадерлэрен белеп яшэргэ булган дип тэ уйлап була, остендэге киемен утюклап кию кимэу кешенен узеннэн тора, аяксыз, кулсыз кеше тугел бит ул, утюклап кисен, хатын- кыз эш аты тугел бит ул, баласын карарга вакыты тисэ бик яхшы, ир- ат бала чага тугел, гаилэ коргач ул узе йорттагы ботен кеше очен жаваплы булырга тиеш, хатын жилкэсенэ менеп утырырга тиеш тугел!!Бер очрашу
-
22 март 2023 - 14:07Без имениУлыгыз баланы яраткач, кысылмагыз. Безкапчыкта ятмый конечно. Ноикенче яктан, кешелэрбит детдомнан да алып устерэОныгым минеке түгел...
-
23 март 2023 - 16:39Без имениБу язманы бик дулкынланып,тетрэнеп укыдым,Аннан коментарийларны да укып чыктым,торле фикерлэр эйтелгэн,хэрберсе дэ дорестер дип уйлыйм.Куренекле шэхеслэрнен тормышын гади халык белми,курми бит,барысы да ал да гол кебек.Баксан, алай тугел икэн...Боек шэхеслэр бераз эгоистрак булалар шикелле,аларга кубрэк игьтибар кирэк,шуна курэ аларнын гаилэ тормышлары да ,яшэу рэвешлэре дэ бераз узгэрэк,ягьни каршылыклы,ямьсезлеклэр белэн чуарлана.Икенчедэн боек шэхес булыр очен узенне танытыр очен ботен гомеренне шул идеяга юнэлтергэ кирэк.Э ботенесенэ дэ житешер очен бик кочле рух,батырлык кирэктер дип саныйм мин.Андыйлар да бар сэнгать кешелэре арасында.Э шулай да Галимэ апаны актриса буларак бик яраттым,рольлэрен бик оста уйный иде.Э тормышына килгэндэ,нишлисен,беребез дэ эулия тугел,хэрбер кешенен дэ русча эйтмешли свои скелеты в шкафуЧибәрлек – матур кешенең сыңар канаты!
-
Ханбикәләребез Кем ул ханбикә? Дөресен әйтик, бәгъзеләребез аны көнгә биш-алты күлмәк алыштыручы көяз хатын, ефәк тотканнан да кулы кабаручы назлы җан итеп күз алдына китерә. Әлбәттә инде, иркә, тәкәббер вә кыланчык..
-
Кадерле Мәрьям апа Шундый язмышлы кешеләр була, күзгә-башка әллә ни чалынмыйча, тыйнак, гади генә яшиләр дә тыныч кына китеп тә баралар.
-
Сугыш өзгән хыял Сәхнәдә В. Асафьевның «Бахчасарай фонтаны» балеты бара. Уланованың Мариясе шулкадәр табигый, чын, ышандырырлык итеп үлә – ирексездән күзләргә яшь тула.
-
Шәфкать иясе Шәфика Сәнгать күгендә кыска гына вакыт балкып янган Шәфика Котдусованы атылган йолдызга тиңлиләр.