Көз нигъмәтләре

Көзге муллык чоры җитте. Кызарып пешкән помидорларны нишләтергә белгән юк, алмалар җирдә тәгәрәшеп ята. Кая урнаштырып бетерергә боларны, дип баш ваткан булсагыз, безнең киңәшләр нәкъ менә сезнең өчен. Әйдәгез, кетчуп белән лечо ясыйбыз. Искиткеч тәмле! Димәк, башладык!

Кирәк:

* 1,5 кг помидор;

* 700 г алма;

* 3 аш кашыгы шикәр комы;

* 1,5 аш кашыгы тоз;

* 100 г серкә (уксус);

* 5-6 теш сарымсак;

* 1,5 г төелгән дарчин (корица);

* 1,5 г төелгән кызыл борыч.

Эш барышы:

Помидор белән алманы юып турап, иттарткычтан чыгарабыз.

Сәгать ярымлап кайнаткач, шикәр комын, дарчин, серкә, тоз белән борычны өстибез, вак кына итеп уылган сарымсакны салабыз, тагын 15 минутлап кайнатабыз һәм банкаларга тутырабыз.

Кирәк:

* 3 кг помидор;

* 6 данә болгар борычы;

* 1 стакан сарымсак;

* 2 аш кашыгы тоз;

* 6 аш кашыгы шикәр комы;

* 2 аш кашыгы серкә;

* 5 аш кашыгы үсемлек мае;

* 10 борчак кара борыч;

* 2 данә канәфер.

Эш барышы:

Помидорның яртысын иттарткычтан чыгарып, кайнатырга куябыз. Калган яртысын эре итеп турыйбыз.

Татлы борычны алты кисәккә, сарымсакның һәрбер тешен дүрт кисәккә бүлгәлибез.

Кайнап утырган помидорга боларның барысын да өстәп, тагын 20 минут кайнатабыз.

Кайнар килеш банкаларга тутырып, капкач белән томалыйбыз.