Үзе әби белән генә үскәнгәме Фәрит зур гаилә турында хыялланып яшәде. Өйләнә икән, өй тутырып сабыйлар үстерәчәкләр. Хатыны – дөньядадагы иң назлы әни булачак. Ул хәтта йокларга яткач та хыялындагы әнә шул хатынын, булачак өйләрендә балалар белән мәш килүләрен, җыелып каядыр баруларын күз алдына китереп ята иде. Гаиләнең кешегә бик кирәклеген ятимнәр нык аңлый шул ул. Ә тормышта барысы да без теләгәнчә булмый.
