БЕЛГЕЧЛӘР "ВАТРУШКАЛАР”ДА ШУУНЫ ТЫЯРГА ТЕЛИ ЯКИ МИНИСТР ГАДЕЛ ВАФИННЫҢ ТАУ ШУУЫ НИ БЕЛӘН ТӘМАМЛАНГАН?

Тау шуу өчен “ледянка” һәм “плюшка”лар, икенче төрле аларны “ватрушка”лар дип тә атыйлар, сәламәтлек өчен куркыныч. Уңышсызрак бәрелсәң я әйләнеп каплансаң, кул-аяк кына түгел, умыртка баганасы сынарга да күп сорамас, дип кисәтә Казан дәүләт медицина академиясенең травматология һәм ортопедия кафедрасы мөдире Игорь Панков. Ул “ледянка” һәм “плюшкалар”ны бөтенләй тыю яклы.

– Бу бик җитди проблема. Күп кирәк мени балага? Ул утырып таудан төшкәндә умыртка баганасы йомшарган була. Имгәнү өчен бер бәрелү җитә. Бәрелгән булса, баштан балада авырту, алҗыганлык барлыкка килә. Гадәттә, беренче көнне үк беркем дә табибка мөрәҗәгать итми. Ә балада берьюлы 2-4 умыртка сөяге сынган булуы ихтимал. Бу умыртка баганасы кәкрәюгә китерә”, - ди белгеч.

Игорь Панков аңлатуынча, егыла-бәрелә калса, ледянкада шуып кайтканнан соң, кичкә баланың умыртка баганасының күкрәк өлешендә авырту барлыкка килергә мөмкин. Ә ата-аналарның моңа игътибар итмәве бар.

– Ярар, бетәр әле, диләр, ә еллар үткәч, кешенең инвалидка әйләнүе мөмкин, чөнки умыртка буыннары арасында кан әйләнеше бозылган була. Кыскасы, хәзер ледянкаларга алмашка килгән "плюшка"лар бик популяр, бу бик куркыныч нәрсә. Шуңа “плюшка”ларны тыярга кирәк. Моңа түрәләр дә колак салса, шәп булыр иде”, - дип чаң суга КДМА белгече.

12-13 яшьтәге бәрелүнең нәтиҗәсе 32 яшьтә беленгән 

Тау шуганда нык кына бәрелүдән тискәре нәтиҗәсен Татарстанның сәламәтлек саклау министры Гадел Вафин да еллар узгач кына тойган. Балачак шуклыгының нәрсәгә китергәне турында ул журналистларга матбугат конференциясендә сөйләде.

– Мәктәптә 6 нчы класста укыганда “квартал”да яшәгән вакыт. Кышын ледянкалардан шуарга һәвәс идек. “Оргсинтез” бассейны янында текә тау бар иде. Ул шулкадәр текә иде ки, кырый-кырыйдан бруствер (кар өеменнән үскән киртә) булмаса, машина юлына чыгып китәргә дә күп калмый иде. Ледянкадан төшкәндә, мин билем белән шул брустверга килеп бәрелдем. Авыртты башта авыртуын, аннары шуның белән бетте. Ничек уйлыйсыз, шушы имгәнүнең нәтиҗәсен ничә яшьтә белдем икән? 32 яшьтә! – ди министр.

Гадел Вафин әйтүенчә, умыртка баганасында умырткалык сөякләре арасында бүсер пәйда булу шул бәрелүнең “әҗере” булган.

– Шул балачактагы имгәнүнең нәтиҗәсе еллар узгач кына үзен сиздерүен аңладым. Димәк, аның кайтавазы озак еллардан соң гына килеп ирешкән, - диде министр.

“Үсеп килүче организмның умырткалыгы чыннан да бик уалучан, имгәнүләргә бирешергә мөмкин”, - дип, Гадел Вафин “ледянка”, “ватрушка”ларның имгәнү өчен чыннан да мәкерле мавыктыргыч булуын таныды, әмма бөтенләй үк тыю фикерен әйтмәде.

Кышның әле тау шуу һәм башкалар белән кинәндерә торган көннәре алда. Тауга барсак, үзебез дә балалардан ким түгел. Тау шуганда сак һәм уяу булып, чана-ледянка, ватрушкалар корбаны булырга язмасын!

чыганак: http://intertat.tatar/society/belgechl-r-vatrushkalar-da-shuuny-tyyarga-teli-yaki-ministr-gadel-vafinny-tau-shuuy-ni-bel-n-t-mamla/

Татар хатын-кызлары өчен кызыклы язмаларны Сөембикә Telegram-каналында укыгыз


Ошый
Поделиться:
Комментарийлар (0)
Cимвол калды:
Хәзер укыйлар
  • Дус кызымның ире икенче хатын алган  Дус кызыма шулчак әллә нәрсә булды, мышык-мышык елап җибәрде, керфекләренә яккан тушь җебеп, алсу бите буйлап акты. Мин Гөлчәчәкне тынычландырырдай кирәкле сүзләр таба алмадым, ни өчен сорау биргәнемә дә үкендем...
    7642
    2
    53
  • Хата Тормышта бер генә кеше дә хаталардан хали түгел. Без ясаган хаталар бер-берсеннән зурлыгы йә кечкенәлеге белән генә аерыладыр. Кечкенәләре шунда ук онытыладыр. Ә зурраклары, язмышыңны башка сукмактан алып кереп киткәннәре... Алары башка шул. Алары сине гомер буе озата бара...
    5166
    0
    35
  • Ләкләкләр Яз җиткән саен ләкләкләр кайтуын өзелеп көтә башлыйм. Бу кошлар кайткач җиһанга яңа тормыш иңә кебек. Мин өчен бик кадерле алар. Аларга кагылышлы үз тарихым бар. 
    2068
    0
    22
  • Бәхетемне сакламадым Һәр хатын-кызның үз тормыш тарихы, үз ялгышлары, үз үкенечләре. Әмма минем кебек беркатлылыгы аркасында үз бәхетен җимергән хатыннар бар микән ул?!
    3852
    1
    21
Реклама
Соңгы комментарийлар
  • 24 март 2023 - 14:07
    Без имени
    Бай ирлэрнен ботен байлыгын балаларына яздырасы иде ул, бер тиенсез ир белэн икенче яшь хатыны яшэргэ телэр идеме икэн?
    Дус кызымның ире икенче хатын алган 
  • 26 март 2023 - 07:29
    Без имени
    Әлбиттә ирҙән айырылған ҡатын менән иреңде бер өйҙә ҡалдырып китеү ялғышлыҡ. Тик ирҙе өйҙә бикләп ултыртып, кешегә күрһәтмәй йәшәп булмай. Йөрәгендә тоғролоҡ булмаған кеше барыбер хыянат итер ине иртәгәме һуңмы.
    Бәхетемне сакламадым
  • 27 март 2023 - 07:59
    Без имени
    Ис китмәле хикәя бала чакка кайтып килгәндәй булдым рәхмәт авторга.
    Кунак мунчасы
  • 23 март 2023 - 11:56
    Без имени
    Башта ул үзе генә булганда аңа игътибар күп булган, аннан сез кияүгә чыккансыз, игътибар кими төшкән, бала туган, тагын ныграк кимегән, аңа гына карап тору беткән. Ул бала гына икәнен онытып җибәргәнсез. Сезгә ул инде зур, үчтекиләргә кирәк түгел дип саный башлагансыз. Ә ул балада әкренләп әнә шул көнләшү дә, үпкәләү дә, үртәлү дә барлыкка килгән. Белмим, бу хәлне төзәтә алырсызмы.
    Ничек дуслаштырыйм?
  • 22 март 2023 - 10:47
    Без имени
    «Улымны узем генэ устердем» дигэн суздэн сон ук барысы да анлашылды. Киленне яратмавыгыз хэр суздэн «кычкырып» тора. Вот и гаеп эзлисез
    Оныгым минеке түгел...
Реклама
«Балалы Солянка» балалар музыкаль премиясе
«Татар гаиләсе / килен-кайнана» бәйгесе җиңүчеләрен котлау тантанасы
«Татар мамык шәле» бренды нәрсә ул?
«Татар гаиләсе / үрнәк алыгыз»
«Азат хатын» күргәзмәсе – Кабан күле буенда
«Сөембикә»нең яңа саны һәм... балчык
Әлфия Миңнуллина: «Әни Казанга яланаяклы кыз булып килгән иде, яланаяк мәңгелеккә китеп бара...»
Фарфор буенча рәссам Римма Газалиеваның шәхси күргәзмәсе
Укучыга таба яңа адым: «Сөембикә»нең февраль санын тәкъдим иттек 
Венера Ганиеваның ире, тавыш режиссеры Камил Фәйзрахмановны соңгы юлга озату