Гөлназ Асаева бәби көтәме?

Башкортстанда яшәп иҗат итүче җырчы Гөлназ Асаева узган ел кияүгә чыккан иде. Ул Вильдан Шәмсетдинов (Вилли) белән гаилә корды. Гадәттә, яшь парларга: “Кайчан бәби алып кайтасыз?” – дигән сораулар бирергә яраталар. Гөлназ белән Виллига да тамашачылардан мондый сорау еш килә. Шушы көннәрдә генә җырчыга чираттагы шундый сорау килеп ирешкән.

Тамашачының: “Үзгәреп киткәнсез, әллә бәби көтәсезме?” – дигән соравына: “Картаям, җәмәгать”, – дип җавап биргән. Гомумән, соңгы вакытта халык җырчының тышкы кыяфәтендә үзгәрешләр барлыкка килүенә еш игътибар итә. 

Моңа кадәр ул тамашачыларның һәм журналистларның бу хактагы сорауларына: “Әлегә мин әни булырга әзер түгел. Вильдан йортны салып бетерү белән үк бу турыда уйлый башлаячакбыз”, – дип җавап бирә иде.