Тукай исемендәге дәүләт бүләгенә дәгъва итүче кандидатлар исемлеге билгеле

Тукай исемендәге дәүләт бүләгенә дәгъва итүче кандидатлар исемлеге билгеле.
 Татарстан Дәүләт премияләре буенча комиссиясе утырышында түбәндәге кандидатуралар күрсәтелде: 
Язучы Факил Сафин – «Саташып аткан таң» роман-трилогиясе һәм «Гөлҗиһан» повесте өчен: 
Шагыйрь Ләбиб Лерон – «Кояшны кочкан малай», «Җил көймәсе», «Әкиятче малай» китаплары өчен;
Язучы Марат Әмирханов – «Казан-йорт», «Олуг Мөхәммәд», «Бибимәмдүдә абыстай» тарихи романнары өчен;
Драматург  Мансур Гыйләҗев – Милли сәнгать өлкәсендәге күпьеллык хезмәте һәм аерым алганда «Микулай» пьесасы өчен;
Г. Камал исемендәге Татар дәүләт академия театры артисты Дания Нуруллина – Татар театры сәнгатенә керткән өлеше өчен;
Рәссам Мәдияр Хаҗиев –  «Туган як моңнары» картиналары сериясе өчен (44 картина);
Архитектор Фирдәвес Ханов – Татарстанның архитектура мәдәниятенә керткән өлеше өчен;
Рәссам Григорий Эйдинов – Графика сәнгатенә керткән өлеше өчен;
Рәссам Рушан Шәмсетдинов – Габдулла Тукай иҗатына һәм татар халкы тарихына багышланган эшләре өчен.