Иртәгә, 2 февральдә, Татарстанда балаларны мәктәпләрдә кайнар аш белән тәэмин итү буенча «кайнар элемтә» эшләячәк.
Иртәгә, 2 февральдә, Татарстанда балаларны мәктәпләрдә кайнар аш белән тәэмин итү буенча «кайнар элемтә» эшләячәк. Әлеге чараны депутат хатын-кызларның «Мәрхәмәт–Милосердие» берләшмәсе оештыра. Әти-әниләрнең сорауларына шушы берләшмә депутатлары һәм Татарстан Республикасында кеше хокуклары буенча Вәкаләтле вәкил аппараты белгечләре җавап бирәчәк.
«Хатын-кыз игътибары» дип аталган мондый «кайнар элемтә»ләр уздыру республикабызда инде бер гадәткә әверелде. Хатын-кыз депутатларга моңарчы да гаиләдә көч куллану, көнкүреш конфликтларын кисәтү, хатын-кыз сәламәтлеге, хатын-кызның эш урынында хокуклары бозылу һәм башка проблемалар белән мөрәҗәгать итүчеләр булган. Бер генә мөрәҗәгать тә җавапсыз калмаган.
Балаларның мәктәптә туклануына бәйле сорауларны кабул итүче «кайнар элемтә» 2 февральдә иртәнге уннан кичке бишкә кадәр эшләячәк.
Телефон: 8 (843) 236-00-71; 8-9393-453-750.
Следите за самым важным и интересным в Telegram-каналеТатмедиа
Комментарий юк