Йолдызлар кабат кабына

1 нче февральдән «Созвездие Йолдызлык» эстрада сәнгатенең яшьләр телевидение фестивале янә старт алды. Аның быелгы зона турлары тугыз төбәктә узачак. 1-28 февраль көннәрендә Казанда бер шаулап алганнан соң Көньяк-көнчыгыш төбәк кузгалыр. 1-2 мартта алар Лениногорск шәһәренә киләчәкләр. 5-6 мартта – Сарман төбәге, 9-10 мартта – Чаллы ягы, 12-13 мартта Мөслим,Минзәлә,Әгерҗе кузгала, 15-16 мартта Чирмешән тирәсе, 19-20 мартта – Арча яклары, 23-24 маррта Питрәч, Балык Бистәсе, Лаеш, Мамадыш талантлары Кукмарага җыелыр, 26-27 мартта Чүпрәле, Кайбыч, Апас, Кама Тамагы, Тәтеш талантлары Буага килер. Ә менә 30-31 мартта Яшел Үзәннәр үзләре генә талантларын барлар.

Фестивальгә мөнәсәбәте булган кешеләр – генераль продюсер Дмитрий Туманов, Россия Дәүләт Думасының Физик культура, спорт һәм яшьләр эшләре комитеты рәисенең беренче урынбасары Марат Бариев, Татарстан Президенты каршындагы мәдәниятне үстерүгә ярдәмләшү фондының башкарма директоры Нурия Һашимова кебек вәкаләтлеһәм вазифаи шәхесләр катнашындагы матбугат конференциясендә бу уникаль хәрәкәтнең уңышлары, киләчәк үсеш юнәлешләре турында зур сөйләшү булды.

Фестивальнең быелгысы 16 нчы мәртәбә уздырылачак. Бер очтан узган фестивальләрдә исемнәре яңгыраган Гөлнора Гатинаның Италиядә гран-при яулавы, Рузил Гатинның Барселона опера театры белән контракт төзүе. Егемеләп җиңүченең ГИТИС ка укырга керүе горурлык белән билгеләп үтелде.

Татарстан балаларына уңышлы стартлар өчен шанс бирә торган бу уникаль проект Россиянең дәүләт премиясенә дә лаек дип табылган иде. Шуңа күрә аңа ярдәм итүне һәр төбәкнең җитәкчеләре үзләренең изге бурычы саныйлар.« Ел әйләнә дәвам итә торган фестиваль хәрәкәте риясыз, ихлас, гадел булуы белән дә аерылып тора. Монда фәкать талантка гына өстенлек бирелә. Сәләтле бала бакча яшеннән сәхнәгә күтәрелеп, халык алдында җырлап-биеп, рухын да чарлый» – диде Нурия Һашимова..

Республиканың Муса Җәлил премиясенә, «Россия гаиләләре» милли премиясенә лаек булган бу сәнгати хәрәкәттә биш яшьтән егерме бер яшькә кадәрле 70 меңнән артык бала катнаша.Анда катнашу бушлай. Үз шәһәр һәм район нарында уңыш казанучылар алдагы зона турларына да, Казанга да оштыручы хисабына бара: балаларга бушлай ашау,һәм яшәү тәэмин ителә, күренекле белгечләр алар белән мастер-класслар үткәрә, семинарлар оештырыла.

Фестивальдә җиңүчеләр быелга кадәр дә акчалата премияләр белән бүләкләнәләр, аларга алга таба укыган очракта дәүләт стипендияләре билгеләнә торган иде. Кышкы һәм җәйге каникул вакытларында семинарлар оештырыла иде. Бу мөмкинлекләр сакланачак. Әмма яңалыклар да бар. Хәзер инде талантлы балалар белән эшләгән педагоглар, методистлар өчен дә грантлар каралган. Татарстан мәдәният министры Лариса Сулима әйтүенә караганда, йстәмә белем бирү педагогларын стимуллаштыру өчен бюджеттан унбиш миллион сум каралган. Бу акча зо ар меңлек 50 грант рәвешендә биреләчәк икән. Моңа заявкалар апрель азагына кадәр кабул ителә.

«Йолдызлык» ның тагын бер ныклы таянычы барлыкка килгән. Ул – «Татнефть» акционерлык җәмгыяте. Алар баларарны Кырымга алып баруның юл чыгымнарын күтәреп кенә калмыйча, ГИТИС та укучы яшьләрнең ашау-эчү ягын да кайгыртырга ниятлиләр. Севастопольдәге флот адмираллары «Йолдызлык» талантларын үзләренең рухи ярдәмчеләре дип саныйлар һәм быел да көтәләр икән. Узган ел 200 кеше Кырымда – «Артек» та һәм Бакчасарайда концертлар куйган иде бит.