ТР ИҮА коррупциягә каршы тору чараларын тормышка ашыруда алдынгы позицияләрен алды

«Татарстан Республикасының инвестицион үсеш агентлыгы үз күрсәткечләрен шактый яхшыртты. 2014 елның беренче яртыеллык нәтиҗәләре буенча безнең идарә 11 урында булды, ә 2015 елның шул ук периоды буенча без республиканың беренче өчлегендә», – дип ТР ИҮА җитәкчесе Талия Миңнуллина әйтә.

Рейтингны булдырганда дәүләт (муниципаль) хезмәткәрләренең эштә тәртибенә таләпләргә туры килү буенча комиссияләр эше, норматив хокук актларының коррупциягә каршы торуын тикшерү, дәүләт хезмәтен яхшырту системасы, дәүләт һәм муниципаль ихтыяҗларны тэәмин итү өчен товарлар, эшләр, хезмәтләрне сатып алуын үткәрү эшчәнлеге, эшчәнлекнең мәгълүмати ачыклыгы һәм башкалар бәяләнә.
Коррупция мөмкин булган өлкәләрне бәяләү өчен «Халык контроле» ГМС мәгълүматы кулланылды.

«Җәмгыяви күренеш буларак коррупция җәмгыять тормышының төрле өлкәләренә тәэсир итә. Халык фикерләре буенча, коррупция илнең икътисади тормышына (78,2%), сәяси системасына (74,2%) һәм эшмәкәрләр эшчәнлегенә (66%) иң зур тәэсир ясый.  Коррупцияне үз тормышында 42,3% сорауларга җавап биргән респондентлар сизәләр», – дип тикшеренүдә билгеләнә.

Тикшеренүнең төп нәтиҗәләре арасында – электрон рәвештә хезмәт алучы республикада яшәүчеләр санын арттыру (2015 елда 58%). Республикада яшәүчеләр коррупциягә каршы торуның эффектив чараларын алып бару өчен коррупциягә каршы көрәш алып бару буенча канунчылыкны тагын да ныгытырга, бюджет акчаларының бүленүе һәм тотылуын контрольда тотырга, массакүләм мәгълүмат чараларында коррупциягә каршы эшчәнлеген киң яктыртырга тәкъдим итәләр.