Төнлә хәмер сатучылар фаш ителгән

Күзәтчелек рейды үткәрү өчен 169 мобиль төркем булдырылган, алар составына Татарстан буенча Эчке эшләр министрлыгының 600 хезмәткәре кергән. Моннан тыш, тикшерүләргә Дәүләт алкоголь инспекциясе һәм район башкарма комитет вәкилләре җәлеп ителгән.

Рейд кысаларында барлыгы 871 тикшерү уздырылган, 140 административ хокук бозу ачыкланган. Шуларның 99ы – ирекле сату тыелган яки чикләнгән товарларны ирекле сату, 29ы – алкоголь продукция әйләнеше һәм сату өлкәсендә (ст.14.16 КоАП РФ) һәм 12се – өйдә җитештерелгән алкогольнең законсыз әйләнеше (ст.2.8 КоАП РТ) белән бәйле булган җинаятьләр. 5 мең литрга якын алкоголь продукция кулга алынган. Ачыкланган хокук бозулар арасында иң күп өлешен спиртлы продукцияне төнлә сату тәшкил иткән.

Законсыз сату очракларның күпчелеге сыра һәм “ике максаттагы”, ягъни составында спирт булган косметик чаралар һәм лосьоннар ише продукциягә туры килә икән. Шулай ук полиция хезмәткәрләре гади сатып алучылар сыйфатында җиңел генә аракы, коньяк, текила, виски һәм ром сатып алган. Нәтиҗәдә, барлык алкоголь продукция кулга алынган, ә сатып алучылар штрафка тартылган.

Иң күп хокук бозулар Казан, Чаллы, Алабуга, Лаеш һәм Менделеевск районнарында ачыкланган. Әйтик, Алабугада хокук сакчылары кафеда төнге 11ләр тирәсендә алкоголь продукцияне үзең белән алып чыгу өчен сатып маташканнар. Нәтиҗәдә, 30 яшьлек сатучыга карата административ хокук бозу турында протокол төзелгән, ә барлык продукция – 200 литрдан артык сыра кулга алынган. Шулай ук төнге 12дә җирле кибетләрнең берсендә алкогольне ирекле сатучы 50 яшьлек хезмәткәргә дә штраф салынган. 300 литрга якын сыра конфискацияләнгән.

Чаллыда тикшерүләр нәтиҗәсендә полиция хезмәткәрләре 2 мең литрга якын сыра, 400 литрга якын югары градуслы алкоголь эчемлекләрне, шулай ук “ике максаттагы” спиртлы продукция конфискацияләгән.

Казанда 1500 литрдан артык сыра һәм “ике максаттагы” продукцияне тартып алынган. Әйтик, Восстания урамында урнашкан кибетләрнең берсендә гади сатып алучылар булып кергән хокук сакчыларына төнге 11ләр тирәсендә сыра сатылган, сатучыга карата административ хокук бозу турында протокол төзелгән.

http://intertat.ru/tt/