“Татарстанның кечкенә принцессалары” хәйрия акциясен оештыра

– Мәгълүм булганча, “ Татарстанның кечкенә принцессалары” ул гади матурлык бәйгесе генә түгел...

– Әйе, «Татарстанның кечкенә принцессалары» башка матурлык бәйгеләреннән принципиаль рәвештә аерылып тора. Без тышкы кыяфәткә карамыйбыз, ә бала турында тулаем фикер булдырабыз. Аны талант һәм яхшылык бәйгесе дип атасаң дөресрәктер дә. Бәйге финалистлары алдына куелган төп бурыч – игелекле гамәлләр кылу. Фестивальдә алар  хәйрия яки ниндидер социаль мөһим проектларны үзләре уйлап табып, тормышка ашырырга тиеш.

– Бәйгенең финалы инде узды, 19 финалистның һәркайсы «Татарстанның кечкенә принцессасы» титулына ия булды. Шуның белән барысы тәмам түгелме?

- Юк. Финалдан соң кызчыклар җилкәсенә билгеле бер җаваплылык ята. Алар игелекле эшчәнлеген дәвам иттереп, иҗтимагый оешмабыз тарафыннан гамәлгә ашырылган хәйрия акцияләрендә катнашырга тиеш. Шулай ук шәһәр яки башка хәйрия оешмалары чакыруларны да кире какмыйлар.

- Хәйрия акцияләрегезне «Цветик-семицветик» уртак исеме белән берләштергәнсез икән. Бу быел гына барлыкка килгән идеяме?

- Юк, бу исем инде күптәннән кечкенә гүзәлләр тарафыннан оештырылган акцияләрне берләштерә. Әмма элек ул үзебез арасында гына кулланылган атама иде. Быел исә, без  акцияләребезне киңрәк итеп күрсәтергә булдык. Фестивальдән соң, кызлар таҗлар һәм ленталар алып,  матур һәм талантлы гына булып калмыйлар, ә үзләренә йөкләнгән җаваплылыкны үтгәннәрен җәмәгатьчелеккә күрсәтергә булдык.

- “Цветик-семицветик” – ул 7 яфракчык һәм 7 төс. Бу Сезнең тарафтан 7 зур акция уздырылачак дигән сүзме?

– Әйе, без бер ел эчендә сезонга икешәр зур чара үткәрергә ниятлибез. Җәй, көч, кыш һәм яз айларында төрледән-төрле, бер-берсенә охшамаган акцияләр, чаралар уздырылачак. Беренче акция кызыл төскә ия булса,  язын үтәчәк соңгысы шәмәхә төс астында үтәчәк. Шул рәвешле “Цветик-семицветик” циклы тәмамланачак һәм яңа «Татарстанның кечкенә принцессалары» фестиваленә башлангыч биреләчәк.

– Акцияләрне кем уйлап таба соң: олылармы, әллә балалармы?

– Бу, нигездә, балалар инициативасы һәм без бу омтылышларны балаларда тәрбияләргә тырышабыз. Әйе, иҗтимагый оешма ул олылар тарафыннан булдырылган, чараларда балаларның әти-әниләре актив катнаша, әмма беренче планда, әлеге чараларның “йөзе” булып кечкенә принцессалар тора. Нинди акция уздырырга икәнен кечкенә гүзәлләр үзләре бергәләп хәл итә. Концертлар оештырылганда да нәкъ балалар алып баручылар да, режиссерлар да, куючылар да.
 
– Хәйрия акцияләрегезнең юнәлешләре инде билгелеме?

– Беренче акциябез инде 7 июль көнне узачак. Без “Альпари” хәйрия фонды белән берлектә хәйрия концерты һәм кул эшләнмәләре ярминкәсен оештырачакбыз. Шунда ук ярминкә дә җәеләчәк.  Монда үз иҗат эшләнмәләре белән кечкенә принцессалар гына түгел, бар теләгән кеше катнаша ала.  Кызларның әниләре, туганнары, дуслары һәм, гомумән, чит кешеләр дә бик теләп үз иҗат эшләнмәләрен тәкъдим итә. Ярминкәдә сатылган әйберләрдән кергән керем исә мөмкинлеге чикләнгән балаларның тернәкләндерүенә юнәлтеләчәк. Икенче чарабызны август ахырына планлаштырабыз. Әлегә бу проект кына, шуңа да аның нинди юнәлештәге чара булуы әлегә сер булып торсын.

- Наталья, әңгәмәбез өчен рәхмәт. Башлангычларыгызда уңышлар!

БЕЛЕШМӘ: “Татарстанның кечкенә принцессалары” иҗтимагый оешмасы “Альпари” хәйрия фонды белән берлектә “Цветик-семицветик” темасына хәйрия чаралары сериясен үткәрә. Һәр акциягә үз таҗ яфракчыгы билгеләнәчәк. Оештыручылары булып төрле еллардагы “Татарстанның кечкенә принцессалары” торачак.

Беренче хәйрия концерты һәм сату-ярминкәгә кызыл яфракчык билгеләнгән. Концерт 7 июль көнне Казанның “Мир” кинотеатры артындагы Аксенов скверы сәхнәсендә узачак. Оештыручылар барлык теләгән кешеләрдән иҗади эшләр һәм кул эшләнмәләрен кабул итәргә бик шат булачак. Җыелган акчалар мөмкинлеге чикләнгән балаларны тернәкләндерүгә тотылачак.

http://intertat.ru/tt