Бүгенге сайлауларда Татарстанда, Идел буе федераль округының башка субъектлары белән чагыштырганда, сайлаучылар саны - иң югарысы. Бу хакта "Татарстан Республикасында Бердәм тавыш бирү көне - 13 сентябрь 2015 ел" мәгълүмат үзәгендә узган брифингта ТР буенча Баш федераль инспектор Ренат Тимерҗанов белдерде.
Аның сүзләренә караганда, Татарстанда сайлауларга килүчеләр саны югары булуын округ киңәшмәсендә катнашучылар да билгеләп үткән.
"Сайлауларга килүчеләр саны башка субъектлардан шактый аерыла. Бу, барыннан да элек, тотрыклылык турында сөйли", - диде Тимерҗанов. Ул шулай ук сайлау кампаниясе актив үткәрелүен, шул вакытта сайлаучылар кандидатлар турында тулы мәгълүмат ала алуын билгеләп үтте. Ул, шулай ук, сайлауларда хокук бозу очраклары юк диярлек, дип билгеләп үтте.
"Мөрәҗәгатьләр һәм шикаятьләр саны, беренчедән, бик аз, икенчедән, алар җитди түгел - бу техник мәсьәләләр генә", - дип ассызыклады Тимерҗанов.
Искәртеп үтик:ТР ҮСК мәгълүматларына караганда, 12 сәгатькә Татарстанда сайлауларга килүчеләр саны 38 процент чамасы тәшкил иткән.
Туры трансляцияне ТР ҮСК мәгълүмат үзәгеннән карарга мөмкин:
http://ati-times.tatar-inform.ru/tv/
сылтама:
http://tat.tatar-inform.ru/news/2015/09/13/113525/
Комментарий юк