2016 елда Бөтенроссия Сабан туе Түбән Новгородта узачак. Бу хакта Түбән Новгород хакимиятенең ММЧ белән эшләү идарәсе өлкәнең Төбәк милли-мәдәни мохтарияте башкаручы директоры Рамил Салихҗанов белдерүенә сылтама белән хәбәр итә.
«Түбән Новгородта Сабан туе 26 нчы тапкыр үткәрелә һәм күптән миллидән гомумшәһәр бәйрәменә әверелде. Киләсе елга шәһәребез үз территориясендә Бөтенроссия Сабан туен үткәрергә лаек булды», - дигән ул.
Р. Салихҗанов сүзләренчә, бәйрәмгә әзерлек 2015 елның көзендә башланачак. Түбән Новгородның 1 Май исемендәге паркында быелгы Сабан туенда 30 меңгә якын кеше катнашып бәйрәм иткәнлеген исәпкә алсак, федераль дәрәҗәдәгесендә аннан да күбрәк буласы шәйләнә.
сылтама:
http://tat.tatar-inform.ru/news/2015/07/28/111708/
Комментарий юк