Искәртәбез: форум 22-24 майда Казанның "Корстон" комплексында уза.
«Здравницы-2016»ның төп темасы - халык сәламәтлеген саклауда Россия Федерациясе шифаханә-курорт комплексының әһәмияте. Ул 2000 елдан башлап ел саен үткәрелә. Узган ел форум чаралары Мәскәүдә узды.
Әлеге чараны РФ Сәламәтлек саклау министрлыгы, РФ Президенты Эшләр идарәсе, РФ Хөкүмәте, РФ ФҖ Федерация Советының социаль сәясәт комитеты, РФ ФҖ Федерация Советының икътисади сәясәт комитеты, РФ ФҖ Дәүләт Думасының сәламәтлекне саклау комитеты һәм башка ведомстволар һәм оешмалар оештыра.
Форумны ачуда һәм пленар утырышта Туристлык буенча федераль агентлык җитәкчесе Олег Сафонов, туристлык буенча ТР Дәүләт комитеты рәисе Сергей Иванов һәм башка рәсми затлар катнашты.
ТР Премьер-министры Илдар Халиков чарада катнашучыларга Татарстан Президенты Рөстәм Миңнехановның сәламләү сүзләрен җиткерде, шулай ук "Здравница-2016"ны үткәрү урыны итеп Казанны сайлаган өчен рәхмәт белдерде.
"Форумны үткәрү белән бергә бездә төбәкнең сәламәтләндерү, туристлык потенциалын күрсәтү мөмкинлеге пәйда булды, - дип билгеләп үтте И.Халиков. Тагын безнең белгечләр форумда катнашучылар - федерация субъектлары вәкилләре уртаклашкан тәҗрибәне дә үзләштерә ала".
Бүгенге «Здравница-2016» форумы РФ Дәүләт Советының шул ук темага багышланган утырышы алдыннан үткәрелә һәм биредә яңгыраячак күп кенә мәсьәләләр һәм фикер алышулар ул утырышның чыгышларына да эләгәчәк, дип искәртте И.Халиков.
ТР Премьер-министры катнашучыларга нәтиҗәле эш, Татарстаннан яхшы тәэсирләр һәм яхшы кәеф, Казан Кремле, борынгы Болгар шәһәрен, Зөя утрау-шәһәрен һәм башка истәлекле урыннарны күрер өчен Татарстанга тагын бер тапкыр килү теләген җиткерде.
Бүген форум кысаларында шифаханә-курорт учреждение казанышларының махсус күргәзмәсе дә ачылды, 60тан артык стенд Россиядә ял итү һәм шифаханә-курорт дәвасын алу урыннары турындагы мәгълүматны тәкъдим итә.
Шулай ук чара кысаларында "Россия курортларының халык сәламәтлегн саклау һәм торгызудагы стратегик әһәмияте" дигән халыкара фәнни конгресс та уза. Анда Франция, Казакъстан, Италия һәм Австрия вәкилләре катнаша.
сылтама
Следите за самым важным и интересным в Telegram-каналеТатмедиа
Комментарий юк