Кышкы каникулларда балаларның күңелем күрим дисәң, нинди генә тамаша юк хәзер. Үзебезнең коллективлар куйган шоулар дисеңме, мәскәүләр куйганымы... Җаны рухи азык теләүчеләргә кая барасы дип аптырыйсы юк, күпләгән тамашаларның кайсысын сайларга белми аптырасалар гына инде.
Өч тапкыр Олимпия чемпионы, Беренче каналның алып баручысы, Россия Президентының ышанычлысы Мария Киселева да Казан тамашачыларын үзләренең Яңа ел тамашасына чакыра. «Страна снов» дип атала ул. Казанлыларга аларның «Русалочка и сокровища пиратов» һәм «Зазеркалье» спектакльләре таныш инде. Быелгысы 3 хассиятне – су, һава, җир яссылыгын берләштерә. Бер-бер спектакльдә сиксәннән артык артист катнаша. Алар арасында Татарстан спортчылары да бар. Спектакль Даша һәм Саша атлы балаларның төшләренә корылган. Ул өч яшьлек балалардан алып, аларның әти-әниләре, әби-бабалары өчен дә кызыклы булырга тиеш. Мондый шоуның әле дөньяда булганы юк, дип ышандыра аны оештыручылар.
Тамаша 2 нче гыйнвардан 9 гыйнварга кадәр Казанның Су спорты сараенда узачак. Көненә өчәр спектакль куелачак. Беренчесе – көндезге 11.00: икенчесе – 14.30; өченчесе – 18.00. Спектакль 1 сәгать тә 10 минут бара.
Билет бәяләре 500 сумнан башлап, 1200 сумга кадәр.
Следите за самым важным и интересным в Telegram-каналеТатмедиа
Комментарий юк