Ф.И. Шаляпин исемендәге халыкара опера фестивале кабат үзенә дәшә

Фестиваль кысаларында тамашачыларга 14 спектакль һәм концерт тәкъдим ителәчәк. Аларга билетлар сатуга 15 декабрьдә  чыкты.

Чара сезонның премьерасы булган “Трубадур” операсы белән ачылачак. Моннан тыш, фестивальдә тамашачылар “Травиата”, “Риголетто”, “Аида”, “Набукко” кебек әсәрләрне дә сәхнәдә күрә алачак. Шулай ук, П.И. Чайковский музыкасын ишетергә, “Пиковая дама”ның концерт постановкасын тамаша кылырга мөмкин.

Федор Шаляпин туган көнендә, традиция буенча, М. Мусоргский әсәре буенча сәхнәләштерелгән “Борис Годунов” халык драмасы тәкъдим ителәчәк. Программага “Севильский цирюльник” комик операсы  һәм “Турантот” трагедиясе дә кертелгән.

Фестивальнең төп вакыйгасы  − “Dona nobis pacem” (“Безгә тынычлык бир”) спектакле. Аны сәхнәгә хореограф Владимир Васильевның танылган биючеләре куячак. Спектакльнең дөньякүләм премьерасы Казанда 2015 елның язында булган иде. Аны Россиянең Зур театры сәхнәсендә дә күрсәттеләр. Фестивальгә Владимир Васильев үзе дә килер дип көтелә.