«Бердәм Россия! Көчле Татарстан» партия эстафетасы Яшел Үзәннән башланды
4 август көнне сайлау кампаниясе кысаларында «Бердәм Россия» партиясе «Көчле Татарстан! Бердәм Россия» гомумреспублика патриотик экстафетага башлангыч бирде. Ай ярым дәвамында кандидатлар һәм гамәлдәге төрле дәрәҗә депутатлар Татарстанның барлык 45 районында халык белән очрашачак. Эстафетаның беренче пункты Яшел Үзән булды. Горький исемендәге мәдәният йорты янындагы мәйданда меңьярымнан артык кеше җыелган иде.
«Бердәм Россия» партиясе логотибы төшерелгән һәм эстафета лозунгы язылган автобуста яшелүзәнлеләр янына Ирек Зиннуров, Дәүләт Думасы депутатлары Илдар Гыйльметдинов һәм Александр Сидякин, шәһәр предприятиеләре җитәкчеләре, җәмәгать эшлеклеләре килде. Митингны «Бердәм Россия»нең республика бүлеге башкарма комитеты җитәкчесе Андрей Кондратьев алып барды.
Очрашуда Яшел Үзән башлыгы Александр Тыгин катнашты, суднолар төзү заводы директоры Ренат Мистахов һәм Россиянең атказанган укытучысы, Яшел Үзәннең 9 санлы лицее директоры Валентина Кибец чыгыш ясады. Хәтта ява башлаган яңгыр да шәһәрлеләргә кунаклар белән аралашуда комачауламады. Очрашуда Яшел Үзәндә соңгы елларда ирешелгән уңай үзгәрешләрне искәртеп уздылар, киләчәккә планнарны билгеләделәр.
Шуннан соң халык сорауларына җавап бирүгә күчтеләр. Яшелүзәнлеләр ике төрле түләү кәгазьләре, бакчачылык ширкатьләре, коммуналь бурычлар мәсьәләләрен күтәрде. Шулай ук шәһәр халкы Дәүләт Думасының VII чакырылышының булачак депутатларына теләкләрен җиткерде һәм бурычлар куйды. Кандидатлар боларның барысын да эшкә алды.
http://intertat.ru/tt/
Комментарий юк