“Көчле Татарстан! Бердәм Россия!” партия эстафетасы Актанышка килде. Очрашуда Дәүләт Советы депутатлары, “Бердәм Россия” фракциясе әгъзалары Марат Барыев һәм Әлфия Когогина катнашты.
“Бүгенге Актанышны күреп, районда, республикада тормышка ашырыла торган уңай күренешләргә куанмый мөмкин түгел. Балалар бакчалары, мәдәният йортлары, фельдшер-акушерлык пунктлары, спорт мәйданнары төзелә, парклар ачыла. Әлбәттә, уңышлар үзеннән-үзе барлыкка килми. Бу – Президентыбыз Рөстәм Миңнеханов җитәкчелегендәге зур бер команданың уртак хезмәте. Барыбыз бергә татарстанлыларның тормыш дәрәҗәсен яхшырту максатында эшлибез”, – дип белдерде Әлфия Когогина.
Депутатлар белән аралашу барышында актанышлылар үз гозерләрен җиткерделәр. Халыкны, бигрәк тә, районда спорт үсеше борчый. Актанышта ясалма өслекле футбол кыры кулланышка тапшырылган. 2013 елда универсаль “Актаныш” спорт залы ачылган. Бүгенге көндә тау чаңгысы трассасы салу күздә тотыла. Актанышлылар нәкъ менә шушы мәсьәләне тормышка ашыруда депутатлардан ярдәм сорады.
“Көчле Татарстан! Бердәм Россия!” эстафетасына 4 атна чамасы элек старт бирелгән иде. Дәүләт Советына депутатлыкка кандидатлар, гамәлдәге депутатлар, иҗтимагый хәрәкәт активистлары, районның эре сәнәгать предприятиесе җитәкчеләреннән торган партия командасы һәркөн республиканың төрле шәһәр һәм авылларында халык белән аралаша, көндәлек сорауларны хәл итә, киләчәккә планнар кора. 4 атна эчендә партия эстафетасы маршруты республиканың 15 районын колачлаган. 5 меңнән артык татарстанлы “Бердәм Россия” командасы белән очрашуда катнашкан.
сылтама - http://intertat.ru/tt
Следите за самым важным и интересным в Telegram-каналеТатмедиа
Комментарий юк