Бу көннәрдә Казанда Рудольф Нуриев исемендәге XXXVII халыкара классик балет фестивале бара. Фестиваль кысаларында Муса Җәлил исемендәге татар дәүләт опера һәм балет академия театры сезонының премьерасын – мәңгелек классик булган Чайковскийның «Аккош күле» спектаклен күрсәтте. Аны сәхнәгә ХХ гасырның дөньякүләм балет легендасы Владимир Васильев куйган. Казан труппасы бу балетны Мәскәүдә Зур театр сәхнәсендә дә биеде.
