​Нигә шулай ашыгып куа вакыт?

Бу якларда таулар биек иде

Бу якларда таулар биек иде,
Сулар тирән иде күлләрдә.
Иртә-кичләр серле кебек иде
Җитәкләшеп икәү йөргәндә.
Таулары да түбәнәйгән сыман,
Сулары да, гүя, саеккан.
Иртә-кичләр серлелеген җуйган
Яннарымда быел син юктан.
Оныта алыр булсаң, оныт инде
Син алдама инде үзеңне дә,
Бүтәнне дә алдап маташма,
«Оныттым», — дип юкны 
сөйләп йөрмә,
Онытылган булсам, хат аша
Йә телефон аша (көн аралаш!)
Хәл белешкән булып һәрвакыт
Тынгысызлап борчып тормас идең,
Җан ярасын тырнап яңартып.
Үзеңә дә ялган вәгъдә бирмә,
Алдап сөйләп торма бүтәнгә.
Оныта алыр булсаң, оныт инде,
Бәйләп торма мине үткәнгә.
Үз-үзеңнән әрнеп…
Балкытыплар дусларыңның йөзен,
Тынын буып көндәш затларның,
Әлмәтләрдә байтак булды синең
Челтер-челтер көлгән чакларың.
Урамнардан ураганда һаман,
Сокланса да чордаш картларың,
Кабатланмый, онытылып бара
Чын күңелдән көлгән чакларың.

Көлгәндә дә куанычтан түгел,
Үз-үзеңнән әрнеп көләсең,
Ярый әле, әрнүләрне күңел
Төпләренә сала беләсең.
Шул бер сын…
Кышкы ак айларда
Йөрсәм дә кайларда
Һаман күз алдымда тик бер сын.
Шул бер сын, бер сурәт,
Җан өзгеч көй көйләп
Үзәккә үтүче бер тылсым,
Шул бер сын, бер тылсым —
Ниндидер серле моң
Син булмый кем булсын?
Кем булсын?
 

* * *

Әкият илләренә әйдәгәндәй
Агачларны ерып җил үтә.
Итәгеннән алтын яфрак түгеп
Урман иңләп йөри Көзбикә.

Мондый чакта дөнья өйрәткәннең
Бөтенесен читкә ташлыйсың.
Йә гел яшәмисең,
                  йә бөтенләй
Бүтәнчәләй яши башлыйсың.
Шул ук бакча…
Инде май да якынлаша,
Татлы җил исә.
Шул ук сирин, шул ук бакча —
Бар да искечә.

Шул ук бакча, шул ук капка,
Шул ук шомыртлар.
Барысы да элеккечә
Кебек бу йортлар.

Күпмеләрне күргән иде
Бу йорт, бу бакча.
Ихата шул,
         әмма инде
Хуҗалар башка.
 

* * *

Мин ничә яшькә кадәрле
Яшәрмен, дип күкедән
Сорамадым,
          күп түгелен
Мин үзем дә бик беләм.

Мин үзем дә әйбәт беләм
Аз калганын елларның.
Тик күренми иге-чиге
Мин язасы җырларның.

Иң кирәген йомгакларга
Ничек кенә өлгерим?
Сорамыйм ич, әйтмә, күке,
Аз калганын гомернең.
 

* * *

Өемгә яшерәм бөдрәсен чәчемнең,
Туздырсам, килешмәс шикелле.
Әллә бу, яшьлегем, китүеңме 
синең,
Әллә соң бу синең китүме?

Күлмәгем итәген тектерәм
      тезтүбән,
Кыскасы килешмәс шикелле.
Әллә бу, яшьлегем, китүеңме 
синең,
Бөтенләй, бөтенләй китүме?

Төсләрнең ачыгы — зәңгәре, яшеле
Юылган, югалган шикелле.
Әллә соң чынлап та, чынлап та, 
яшьлегем,
Бу синең китүме,  китүме?
 

* * *

Кем затымны минем бер татыган —
Күкләр ирек бирми аңарга,
Сөюемне минем ботарларга,
Йөрәгемне минем таларга.

Исемемне минем бүлгәләргә,
Алышырга бүтән тән белән?!
Кем затыма минем бер кагылган —
Ул минеке инде мәңгегә.
 

* * *

Ой, буранлы килде бу гыйнвар!
Тик хәтерлим буран сарганын.
Йөрәгемне шунда урладылар,
Йөрәгемне саклый алмадым.

Ә ул зарлы, моңлы, җырлы иде,
Белмим хәзер нинди хәлдәдер…
Бу юлгысын күтәралмас инде,
Йә бозга, йә утка әйләнер.
 

* * *

Таң балкышы, күрәм, артка чиккән,
Кичке зәңгәр җиргә сарыла.
Авыраю микән, ару микән? —
Хәлсезләнеп куллар салына.

Менәм генә дигән үрләреңне
Шул хәлсезлек куя киртәләп.
Өзелүе мәллә көйләремнең?
Иртәрәк бит әле, иртәрәк.

Нигә шулай ашыгып куа вакыт?
Бетмәгән эш шактый бит әле…
Мәрхәмәтсез картлык!
                 Шыксыз картлык!
Читләбрәк безне үт әле.
 

* * *

Бергә үткән уртак җәйләр булган,
Бергә яшәү, әмма «законсыз».
ЗАГС өстәленнән сиңа хокук
Алып киткән бүтән хатын-кыз.

Сиңа минем хакым булмаса да
(Синең дә бит миңа хакың юк!),
Йөрәк сине үзенеке саный,
Йөрәккә бит аңа закон юк.

Акыл тыя, йөрәк һаман сөя,
Табынганы аның син бары.
…Бәргәләнеп шашкан тоткын тәннән
Ишетелә зынҗыр чыңнары.
 

* * *

Өздереп-сөзеп карадың
Керфекләр арасыннан,
Өзелеп-сөзеп караган
Шул утлы карашыңнан
Икебез өчен туачак
Уртак җыр ага сыман…

 

Нигә кирәк…

(җыр)
Кайдан килде тагын шундый уйлар?
Ник үткәнне искә төшерү?
Сиңамы соң миннән гафу сорау?
Сиңамы соң миннән гафу сорау,
Миңамы соң сине кичерү?

Ул көннән соң узды ничә еллар,
Чигәләргә сибеп көмешен…
Сиңамы соң миннән гафу көтү?
Миңамы соң сине гафу итү?
Безгәме соң кабат килешү?!

Нигә кирәк соңлап аңлашулар?
Нигә кирәк җанны актару?
Безгәме соң кабат кавышулар?
Кайтамы соң кире аккан сулар,
Безгәме соң аны кайтару?
Безгәме соң язны кайтару?!
 

* * *

Бөтен нәрсә чиратында килә.
(Килер ул көн үзегезгә дә.)
Тик җанымның бүген рәнҗүләрен
Гафу итмим берегезгә дә.

Моңа кадәр әле бу дөньяга
Яралганга хатын-кыз булып,
Беркайчан да йөргәнем юк иде
Беркемгә дә рәнҗеп, тузынып.

Рәнҗеттегез бүген, кылганыгыз
Ерак тора гомум сүзләргә.
«Тигезлек»не шулай тигезләүне
Гафу итмим берегезгә дә!

Хатын-кызны 
«йомшак сорттан» диеп
Хаталанган шуны оныткан:
Беркайчан да куанычка тармас
Каһәренә аның юлыккан.
 

* * *

Болгар кызларының табынганы 
  ерак миннән,
Күк йолдызларының кануннары
          ерак миннән,
Сәбәпләрен аның аныклыйм соң
             сорап кемнән?
Фәкыйрь көе килеп, 
             фәкыйрь килеш 
                  китәм җирдән…
 

* * *

Табынмадым беркайчан да
Талап алынган таҗларга,
Сатып алынган даннарга,
Урлап алынган малларга
Табынмадым беркайчан да.
 

* * *

Үкенмә син мине сөюеңә
Мин яратканга да үкенмә.
Тәүге сөю мәңгелеккә китми
Һәм яңадан кайтмый беркемгә.

«Мәңгелеккә» диеп ант эчкәннәр
Алдашалар алар барсы да.
Ялганчылар алар ил алдында
Һәм гөнаһлы Алла каршында.

Хак Тәгалә үзе тараткан да
Үзе кушкан икән бу көндә:
Үкенмә син мине яратканга,
Минем сөюгә дә үкенмә.

Татар хатын-кызлары өчен кызыклы язмаларны Сөембикә Telegram-каналында укыгыз


Ошый
Поделиться:
Комментарийлар (0)
Cимвол калды:
Хәзер укыйлар
  • Дус кызымның ире икенче хатын алган  Дус кызыма шулчак әллә нәрсә булды, мышык-мышык елап җибәрде, керфекләренә яккан тушь җебеп, алсу бите буйлап акты. Мин Гөлчәчәкне тынычландырырдай кирәкле сүзләр таба алмадым, ни өчен сорау биргәнемә дә үкендем...
    7463
    1
    52
  • Хата Тормышта бер генә кеше дә хаталардан хали түгел. Без ясаган хаталар бер-берсеннән зурлыгы йә кечкенәлеге белән генә аерыладыр. Кечкенәләре шунда ук онытыладыр. Ә зурраклары, язмышыңны башка сукмактан алып кереп киткәннәре... Алары башка шул. Алары сине гомер буе озата бара...
    5009
    0
    35
  • Ләкләкләр Яз җиткән саен ләкләкләр кайтуын өзелеп көтә башлыйм. Бу кошлар кайткач җиһанга яңа тормыш иңә кебек. Мин өчен бик кадерле алар. Аларга кагылышлы үз тарихым бар. 
    1830
    0
    21
  • «Кичер мине, әни!» Ә менә бу – ул керәсе йорт, анда аны әнисе көтә. Унбиш ел көтә инде... Кичке эңгер-меңгер. Кәүсәриянең күзе ирексездән ике якты тәрәзәгә төште. Аларның берсендә бөкрәйгән хатын-кыз шәүләсе күренде. «Йә Хода! Ничек картайган!» Кызганудан Кәүсәриянең йөрәге чәнчеп алды...
    3775
    1
    20
Реклама
Соңгы комментарийлар
  • 23 март 2023 - 11:56
    Без имени
    Башта ул үзе генә булганда аңа игътибар күп булган, аннан сез кияүгә чыккансыз, игътибар кими төшкән, бала туган, тагын ныграк кимегән, аңа гына карап тору беткән. Ул бала гына икәнен онытып җибәргәнсез. Сезгә ул инде зур, үчтекиләргә кирәк түгел дип саный башлагансыз. Ә ул балада әкренләп әнә шул көнләшү дә, үпкәләү дә, үртәлү дә барлыкка килгән. Белмим, бу хәлне төзәтә алырсызмы.
    Ничек дуслаштырыйм?
  • 22 март 2023 - 10:47
    Без имени
    «Улымны узем генэ устердем» дигэн суздэн сон ук барысы да анлашылды. Киленне яратмавыгыз хэр суздэн «кычкырып» тора. Вот и гаеп эзлисез
    Оныгым минеке түгел...
  • 22 март 2023 - 09:46
    Без имени
    Менэ бу ирне жэллэп язгансыз, кешенен гаилэ тормышын белмичэ язып булмый бит, юньле ирдэн хатын китми, малаен курергэ тилмереп артыннан чабып йоргэнче, гаилэ бн яшэгэндэ кадерлэрен белеп яшэргэ булган дип тэ уйлап була, остендэге киемен утюклап кию кимэу кешенен узеннэн тора, аяксыз, кулсыз кеше тугел бит ул, утюклап кисен, хатын- кыз эш аты тугел бит ул, баласын карарга вакыты тисэ бик яхшы, ир- ат бала чага тугел, гаилэ коргач ул узе йорттагы ботен кеше очен жаваплы булырга тиеш, хатын жилкэсенэ менеп утырырга тиеш тугел!!
    Бер очрашу
  • 22 март 2023 - 14:07
    Без имени
    Улыгыз баланы яраткач, кысылмагыз. Безкапчыкта ятмый конечно. Ноикенче яктан, кешелэрбит детдомнан да алып устерэ
    Оныгым минеке түгел...
  • 23 март 2023 - 16:39
    Без имени
    Бу язманы бик дулкынланып,тетрэнеп укыдым,Аннан коментарийларны да укып чыктым,торле фикерлэр эйтелгэн,хэрберсе дэ дорестер дип уйлыйм.Куренекле шэхеслэрнен тормышын гади халык белми,курми бит,барысы да ал да гол кебек.Баксан, алай тугел икэн...Боек шэхеслэр бераз эгоистрак булалар шикелле,аларга кубрэк игьтибар кирэк,шуна курэ аларнын гаилэ тормышлары да ,яшэу рэвешлэре дэ бераз узгэрэк,ягьни каршылыклы,ямьсезлеклэр белэн чуарлана.Икенчедэн боек шэхес булыр очен узенне танытыр очен ботен гомеренне шул идеяга юнэлтергэ кирэк.Э ботенесенэ дэ житешер очен бик кочле рух,батырлык кирэктер дип саныйм мин.Андыйлар да бар сэнгать кешелэре арасында.Э шулай да Галимэ апаны актриса буларак бик яраттым,рольлэрен бик оста уйный иде.Э тормышына килгэндэ,нишлисен,беребез дэ эулия тугел,хэрбер кешенен дэ русча эйтмешли свои скелеты в шкафу
    Чибәрлек – матур кешенең сыңар канаты! 
Реклама
«Балалы Солянка» балалар музыкаль премиясе
«Татар гаиләсе / килен-кайнана» бәйгесе җиңүчеләрен котлау тантанасы
«Татар мамык шәле» бренды нәрсә ул?
«Татар гаиләсе / үрнәк алыгыз»
«Азат хатын» күргәзмәсе – Кабан күле буенда
«Сөембикә»нең яңа саны һәм... балчык
Әлфия Миңнуллина: «Әни Казанга яланаяклы кыз булып килгән иде, яланаяк мәңгелеккә китеп бара...»
Фарфор буенча рәссам Римма Газалиеваның шәхси күргәзмәсе
Укучыга таба яңа адым: «Сөембикә»нең февраль санын тәкъдим иттек 
Венера Ганиеваның ире, тавыш режиссеры Камил Фәйзрахмановны соңгы юлга озату