«Татарстан гүзәле» XVIII республикакүләм матурлык конкурсында Казаннан 18 яшьлек Диләрә Ялалетдинова җиңде.
Гүзәл кыз Идел буе физкультура, спорт һәм туризм академиясенең 1 нче курсында укый, 3 яшеннән бирле нәфис гимнастика белән шөгыльләнә һәм Россия спорт мастеры дәрәҗәсенә ирешкән. Балалар тренеры булырга планлаштыра. “Татарстанның иң гүзәл студенты-2015” конкурсында җиңгән.
«Татарстан гүзәле-2016» конкурсында җиңүче кичә «Пирамида» мәдәни-күңел ачу комплексында конкурсның финал этабында билгеле булды.
Кызлар «Визитка», «Су керү киемнәрендә дефиле» һәм «Блиц-әңгәмә» конкурсларында сынау узды.
Татарстанның беренче вице-гүзәле – Казаннан 20 яшьлек Валерия Тимкина, икенче вице-гүзәле – Казаннан 22 яшьлек Ксения Яруллина.
«Татарстан гүзәле» конкурсы финалында традиция буенча «Казан гүзәле»н дә сайлыйлар. Быел ул – Казаннан 21 яшьлек Софья Мостафина.
«Мисс фото» исемен Менделеевскидан 18 яшьлек Екатерина Грудцова яулады,«Сокландыргыч гүзәл» – Казаннан 21 яшьлек Диана Нәбиева.
фото:
http://rt.rbc.ru/tatarstan
сылтама:
http://tatar-inform.ru
Комментарий юк