Уйланмаган кешеләр бәхетле

Халисә Ширмән

Бу «кина»ны карарга киңәш итмим, чөнки ул уйланырга мәҗбүр итә.

Дөньядагы иң бәхетсез кешеләр – уйлана торган кешеләр (психологлар шулай ди). Башыңа бер фикер керсә, беттең инде. Үзе янына икенче фикерне тартып китерә, аннан өченчесен... Уйланмаган кешеләр бәхетле яши. Әйтик, көтүдән сыер кайтмаган. Кайтмаса соң! Иртәгә кайтыр! Нишләп әле шул мөгезле эре терлек турында уйлап, башыңа күпме борчу алырга, ди! Ярар, нормальныйрак кеше кайтмаган сыерны эзләп чыгып китә дә, табып алып кайта. Бетте. Ә нормаль булмаганнары: «Нигә кайтмады икән инде бу сыер?» – дип уйлана башлый. Бәлки аңа абзар ошамыйдыр... Бәлки ашату дөрес түгелдер... Әллә көтүгә куганда катырак сугылганмы? Һәм, үзе дә сизмәстән, уйлаучы бәхетсезгә әйләнә. Ә ирең кайтмаса?!. Никадәр фикер кереп оялый бит хатын-кызның кечкенә генә башына!

...Иң «нормаль түгел» кешеләр «Мин ни өчен Җиргә туганмын?», «Яшәү мәгънәсе нидә?», «Үлемнән соң яшәү бармы?» дип уйлана башлый. Соң бу сорауларга беркайчан да җавап табылмаячагы көн кебек ачык бит инде, югыйсә...

Барысына да йолдызлы күк гаепле. 
Иң борынгы кеше күккә караган да, үзе беркайчан да серләренә төшенә алмаслык галәм күреп, куркып калган.
Йолдызлы күк булмаса, кешене шулкадәр борчуга сала торган сораулар тумас иде.

«Нигә, ни өчен, нишләп, ник кирәк» – кешене бәхетсез итә торган сораулар. «Господин Никто» фильмында да шулай. Карамагыз сез аны. Миңа ярый, мин отпускада. Хәер, сез аны карый да алмаячаксыз. Бу кадәр ялыктыра торган фильмнар сирәк. Бигрәк тә хатын-кызларга зарарлы. Хатын-кызга уйлану гомумән килешми. Яшәү мәгънәсе турында уйланып, көне буе диванда яткан хатын-кызны күргәнегез бармы? Минем дә юк. Мәсәлән, мин үзем беркайчан да интеллектуаль фильм карыйм дип, көндез экран янында ике сәгать ярым утырганым юк. Бу киноны караганчы да, ноутбукны ачып куеп, өч җәем токмач җәяргә һәм кисәргә, тавыктан аш пешерергә, тавыгын сарымсаклап кыздырып алырга өлгердем. Иртәгә минем кайда буласымны кем белгән... Ләкин ике сәгать өч минут караштыргалап тыңлаганнан соң, капылт кына экранга кереп йотылдым, һәм буар елан күзенә карап каткан макака-резус кебек, инде ахырына кадәр аерыла алмадым. Киноның калган ярты сәгатен карау, туктата-сүтә, тагын бер сәгатькә сузылды... 

Дөресен әйткәндә, бу фильм турында күптәннән ишетеп белә идем, тик кул астына килеп керү өчен күп еллар кирәк булган икән. Соң «Эффект бабочки», «Вечное сияние чистого разума», «Помни» кебек фильмнарны кеше башын катырырга гына төшерәләрдер, валлаһи. Бусы да шулар рәтеннән. Дуслар фильмның якынча идеясен сөйләп күрсәткәч, үземә яңалык тапмаган идем кебек. 
Сайлау мөмкинлеге турында мең тапкыр ишеткән бар ла анысы. 

Теләсә кайсы фильмда мәхәббәт линиясе яши. Бу фильм да мәхәббәт белән сугарылган, тик идеясе – мәхәббәттә дә сайлау мөмкинлеге булу турында.
1. Сине яраткан, син яратмаган кеше белән яшәү.
2. Сине яратмаган, син яраткан кеше белән яшәү.
3. Яратышып яшәү.
Һәркемгә – үзенеке... 
«Жизнь даёт вам только один дубль. Если он вышел плохо, с этим приходится смириться».

«В этой жизни ты не существуешь. Не знаю, почему. Знает только архитектор – ребенок. Мы – плод воображения мальчишки, перед которым стоит выбор. Каждый путь – правильный. Всё на свете могло быть другим, но будет иметь тот же смысл. Единственный полезный ход – не двигаться с места. Раньше он не мог делать выбор, потому что не знал, что будет потом. Теперь он знает, что будет.... И потому не может сделать выбор...»
2092 елда Йолдызлы күк кысыла башлаячак. Менә шунда Вакыт үзенең агышын үзгәртәчәк. Һәм кешеләр картлыктан яшьлеккә таба яши башлаячаклар...

«Это самый прекрасный день в моей жизни... День смерти. День обратного отсчета...»
Ә сез, дуслар, картлыктан сабыйлыкка таба яшәргә теләр идегезме?!

Поделиться:
Комментарийлар (0)
Cимвол калды:
Хәзер укыйлар
  • «Рәнҗемә миңа, кызым...» Ул аның каберенә еллар үткәч кенә кайта алды. Юк, еракта – диңгез-океаннар артында яшәгәнгә түгел, күңеле тартмаганга...
    15551
    1
    85
  • Кыска буйлы зур бәхет Бар яктан да килгән Миләүшәгә башка егет табылмады микән дип, шаккаттым, дөресен генә әйткәндә. Авылда өрлек кадәрле менә дигән ничә егет бар, ә аның артыннан кайсыдыр бер авылдан шушы кечкенә генә егет йөреп маташа. 
    5921
    3
    48
  • Үләнче Рушания ханым Минсәгыйрованы үзе яшәгән Спас районының Болгар шәһәрендә генә түгел, инде бөтен республикада үләнче дип беләләр
    5715
    3
    48
  • Сабырлык чиге 2  Шулай итеп, Сәрия туташ никахлы ире кочагында бер төн генә ләззәтләнеп калган. Нәрсә генә булмасын, авылда «кияүгә чыккан» дигән хәбәр таралган бит...
    7929
    0
    35
Реклама
Соңгы комментарийлар
  • 2 февраль 2023 - 13:13
    Без имени
    Бәлки бала табып карарғалыр. Иптәшең бәпесте күреп үзгәрер ине. Сабыр итергә кәрәк. Эсеп, Тукмап йөрөгән ир түгел бит.
    «Бала теләмәгән ирдән качарга кирәк!»
  • 1 февраль 2023 - 17:08
    Без имени
    Бик күркәм хәситә. Ясалышы гади генә булса да, отышлы күренә. Идея өчен авторга зур рәхмәт.
    ​Милли бизәкләр – хәситә
  • 31 гыйнвар 2023 - 16:29
    Без имени
    Дөрес эшләгәннәр, дип язучыга җавап бирәсе килә. Аларны яратмаган кешегә өйләнергә, кияүгә чыгарга кем мәҗбүр иткән? Яратмыйча яшәгәч, нигә шул гомер яшәгәннәр? Нигә баштарак аерылмаганнар? Бу очракта азгынлык бу! Әгәр алар бер-берсе бн очрашканчы мәхәббәтсез яшәү авыр, дип аерылган булсалар, аңлап булыр иде. Ә бу очракта хыянәт бу! Димәк, азгынлык!
     «Мин аны  сыйныфташлар очрашуыннан алып кайттым...» 
  • 31 гыйнвар 2023 - 13:57
    Без имени
    Хыянэт итмэгэн ирлэр бар микэн ул? Мин иремэ шулай дип эйткэч, э ирлэр кемнэр белэн хыянэт итэ сон хатыннарына,хатын-кыз белэн тугелме диде. Монда ирлэрне генэ дэ гаеплэп булмыйдыр, муеннарына асылынгач, постельгэ сойрэп яткыргач, нишлэсен инде алар? Ир-ат табигатьтэ нэсел калдыручы, самец бит инде ул. Э хатын-кыз тотнаклырак булса, хыянэтлэр дэ булмас иде. Уз ирлэре белэн яши алмаган, азып-тузып йоруче хатын-кызлар( хатын-кыз димэсэн, хэтерлэре калыр) этэрэ ир-атларны хыянэткэ. Ойлэнгэн ир икэнен белэ торып, анын белэн очрашып йору бернинди кысаларга да сыймый.
    «Йөремсәк» хатын
  • 31 гыйнвар 2023 - 18:16
    Без имени
    Аллаһ Тәгалә сынауларның ин олысын биргэн,димэк ин яраткан колларыннандыр...Куркэм сабырлык белэн уткэреп жибэрергэ насыйп булсын.Мэрхэмэтле,шэфкатьле иманлы кеше тап итсен.Ялгызлыкка караганда,янэшэндэ яхшы кеше торса,авырлыкны жинэргэ жинелрэк булыр.Балаларның уз юлы. Аллаһ хэерле юлын узе курсэтер ин ша Аллаһ.
    Киләбез дә китеп югалабыз...