Рабыня Изаурага 64 яшь

1976 елда төшерелгән «Рабыня Изаура» бразилия сериалын белмәгән кеше юктыр. Төп рольдә төшкән Луселия Сантушка ул вакытта нибары 19 яшь булган.

Хәзер актрисага 64 яшь. Изаура роле аны бөтен дөньяга таныта. Көчсез, ярдәмгә мохтаҗ кыз образы аңа бик күп рольләргә юл ача. 

Луселия Сантуш күпсанлы сериалларда, фильмнарда төшкән. 40 ел буе барган уңышлы карьерасын күптән түгел продюсерлыкка алыштырган. Луселия актив рәвештә кеше хокукларын яклау белән шөгыльләнә. 

Актрисаның бердәнбер улы Педро һәм бер оныгы бар. Педро әнисе юлыннан китеп, шулай ук актер булган. Бразилиядә аны бик яхшы беләләр.