Татарстанның халык артисты Гүзәл Уразова Гашыйклар көненә зуур бүләк ясаган. Ул бүген дүртенче тапкыр әни булды
Татарстанның халык артисты Гүзәл Уразова Гашыйклар көненә зуур бүләк ясаган. Ул бүген дүртенче тапкыр әни булды. Гүзәл белән Илдарның тагын бер кызлары бар. Билгеле булганча, җырчы гаилә ике кыз һәм бер ул тәрбияли иде.
"Бүген безнең озак көткән кызыбыз туды. Ходайга рәхмәт безгә шундый зур бәхет биргәне өчен", – дип хәбәр итте бәхетле әни.
Әле бүген көндез генә ул язылучыларына туачак балаларының җенесен белгерткән иде. Шар шартлатып, аннан алсу төстәге кечкенә шарчыклар очырганнар иде. Инде кичкә таба сабый үзе дә дөньяга аваз салган. Гүзәл белән Илдарны ихластан тәбриклибез. Сабый акыллы, сәламәт һәм бәхетле булсын!
Следите за самым важным и интересным в Telegram-каналеТатмедиа
Комментарий юк