Барырга киңәш итәбез! Татарстан өчен горурлык хисен тагын да ныграк арттыра торган күргәзмә!
Татарстанда эшләнгән!
БРИКС саммиты кунаклары өчен Татарстан Дәүләт Советы каршында Татарстанда җитештерелүче алдынгы техника үрнәкләре күргәзмәсе оештырылган.
«КАМАЗ» техникасы, вертолетлар, авыл хуҗалыгы техникасы, ашыгыч ярдәм күрсәтү лабораторияләре, «Аурус» машиналары... Бу техникаларның кайберләре әле сатуда да юк.
«КАМАЗ Мастер» командасының кубокларын да күрергә мөмкин. Хәтта чемпионнарның ярышларга йөргәндә яши торган «мини отель»ләренә кереп карау мөмкинлеге бар.
Күргәзмә якшәмбе көненә чаклы иртәнге сәгать тугыздан кичке сәгать алтыга кадәр эшли. Теләге булган һәркем килеп күрә ала. Әмма делегация килү вакыты белән туры килсә, көтеп торырга туры киләчәк.
Барырга киңәш итәбез! Татарстан өчен горурлык хисен тагын да арттыра торган күргәзмә!
Следите за самым важным и интересным в Telegram-каналеТатмедиа
Комментарий юк