Апрель башында ТР Дәүләт җыр һәм бию ансамбле үзенең «Хәзинә» программасын уфа тамашачыларны тәкъдим итәчәк. Кичәдә татар мәдәниятенең шедеврларын үз эченә алган шаян җырлар һәм биюләр күрсәтеләчәк.
«Бу Башкортстанның гүзәл башкаласына беренче баруыбыз гына түгел. Монысында күршеләребезне нәрсә белән сөендерә алуыбыз турында озак уйландык. Аларга көлке һәм шатлык бүләк итәргә булдык. Тамашачыны бай татар мәдәнияте белән таныштыру – төп миссиябез», – дип сөйләде ансамбльнең сәнгать җитәкчесе, РФ атказанган, Татарстанның халык артисты Айрат Хәмитов.
Концертның беренче бүлегендә тамашачылар «Аулак өй» вокаль-хореографик композициясен күрәчәк. Ул шатлык, күтәренке рух һәм яшь йөрәкләрнең егәре белән сугарылган. Программа мәзәк-такмазалар һәм искиткеч биюләр белән баетылган.
«Аулак өй» – татар һәм башкорт халыкларының мәдәниятләре, традицияләре якынлыгының ачык мисалы. Башкорт хореографы һәм балетмейстеры Фәйзи Гаскәров аны Татарстан композиторы Александр Ключарев музыкасына куйган, әсәрнең нигезендә татар язучысы һәм шагыйре Нәкый Исәнбәт либреттосы ята.
Икенче бүлектә тирән фольклор тамырлары булган «Зөбәрҗәт», «Сибелә чәчәк», «Картуф», «Күн авылы» җырлары башкарылачак. Ә «Девичник», «Казан кызлары биюе», «Гармун-гармун», «Егетләр» куелышлары тамашачыны милли хореография үзенчәлекләре белән таныштырыр.
Ансамбльнең концерт программаларында хикәяләр һәм риваятьләр, лирик поэмалар, спектакльләр һәм халык мюзикллары бар. Нәкъ менә шуңа күрә Дәүләт җыр һәм бию ансамбленең һәр концерты – зур мәдәни вакыйга.
Следите за самым важным и интересным в Telegram-каналеТатмедиа
Комментарий юк