«Госуслуги» порталы аша халык саны алуда катнашу – иң җайлы юл

Мәгълүм булганча, Бөтенроссия халык санын алу кампаниясе бара. Ул 15  октябрь көнне башланып киткән иде. Беренче ике атна эчендә 64 миллион кеше инде халык санын алуда катнашты. Бу – илебездә яшәүче халыкның якынча 44 проценты. 

Быелгы халык санын алу кампаниясенең иң зур яңалыгы – анда онлайн рәвештә дә катнаша алу мөмкинлеге тудырылудыр. Өйдән беркая да чыкмыйча, диванда утырган килеш кенә,  «Госуслуги» порталы аша сораштыруда катнашып – анкета сорауларына җавап биреп була. Бу мөмкинлектән бүгенге көндә инде 17 миллион, ягъни һәр дүртенче кеше файдаланган. 

Россия Федерациясенең Премьер-министры Михаил Мишустин: «Госуслуги» порталы аша сораштыруда катнашу, тиз һәм уңайлы булудан бигрәк, коронавирус инфекциясе таралган чорда һәркем өчен куркынычсыз юл да», – диде.