Балык сумсалары

Татар кухнясы ул – үзенә хас тәме булган борынгы кухняларның берсе. Дөньядагы күп кенә кухнялар иттән, яшелчәләрдән әзерләнгән ризыкларны һәм камыр ашларын, тәм-томны нәкъ менә татар кухнясыннан отып алган. Мин үзем дә татар ашларын еш һәм яратып әзерлим. Сезгә төче камырдан бик тиз әзерләнә торган искиткеч тәмле балык сумсалары пешереп карарга тәкъдим итәм.

Кирәк: 

Ризыклар 10 сумсага исәпләп бирелә:
* 250 г югары сортлы бодай оны;
* бер чеметем тоз;
* 1/2 чәй кашыгы камыр күперткеч (разрыхлитель);
* 125 г атланмай;
* 2 аш кашыгы кибет каймагы.
 
Эчлек өчен:
* судак яки башка берәр төрле балык филесы;
* 3 баш суган;
* бер тотам петрушка;
* 1 чәй кашыгы эре бөртекле тоз;
* тәменчә кара борыч;
* 30 г атланмай.
 

Эш барышы:

1. Җамаякка он иләп, йомшарган атланмай салабыз, тоз, камыр күперткечне кушабыз, каймакны өстибез дә камыр басабыз. Әлегә аны суыткычка тыгып торабыз.

2. Эчлек әзерләү өчен балык филесы белән суганны бик вак итеп турыйбыз, тоз, борыч өстибез.


3. Петрушканы да ваклап турап, балык янына салабыз да, барысын бергә бик яхшылап болгатабыз.


4. Суынган камырны кечкенә тигез кисәкләргә бүлеп, бик юка итеп җәябез. Җәемнең уртасына эчлекне салабыз.


5. Эчлек өстенә кечкенә генә бер кисәк атланмай куеп чыгабыз.

6. Сумсаларның читен күтәреп, үзегез белгән ысул белән бөреп чыгабыз. Уртада пар чыксынга тишек калдырабыз. Аннары аларны пергамент кәгазе җәелгән табага тезәбез.


7. Cумсаларның өстенә күпертелгән йомырка ягып, алдан ук җылытып куелган мичкә тыгабыз. Алар 200 градус кызулыктагы мичтә 30-35 минут чамасы пешә. Мичне сүндергәч тә, сумсаларны тагын 10 минут алмый торабыз, алар шунда парланып, тәмам йомшап пешеп җитә.


Кайнар сумсаларны лимонлы чәй яки балык шулпасы белән табынга бирәбез.
 
фото: Марина Дмитриева

Татар хатын-кызлары өчен кызыклы язмаларны Сөембикә Telegram-каналында укыгыз


Ошый
Поделиться:
Комментарийлар (0)
Cимвол калды:
Хәзер укыйлар
  • Балдаклар, туй күлмәге калды, ә мин... Сүземне ерактанрак башлыйм әле. Әти үлгәндә мин әле тумаган да булганмын – әни 7 айлык корсаклы килеш калган. Аңа бу вакытта нибары 21 яшь булган...
    7472
    2
    51
  • Рәхмәт, әнием! Аның ирен үтереп ташладылар. Дөресрәге, үләр дәрәҗәгә җиткәнче кыйнап ыргыттылар... Аңсыз гәүдәсен өйләреннән ике йөз метрлар чамасы җирдә, барак кебек шыксыз йортларның пычрак ишегалдыннан таптылар...
    4339
    0
    34
  • Бар җылымны сиңа бирәм, әни... Әнигә бар җылыңны да, назыңны да, яратуыңны да бирәсең, чөнки ул әни, һәм башкача уйлау, яшәү мөмкин түгелдер... Ә үз әниең булмаса?! Кемгә бүләк итәргә? Сине ничек бар шулай кабул итә торган кем бар тагын?! Әни бар! Иремнең әнисе!
    2253
    0
    33
  • Синнән башка беркем кирәкми Нурзидә белән Рәдиснең балалары юк. Күп еллар юк инде. Нурзидә моның белән күптән килеште. Рәдис тә килешкән кебек булган иде... 
    3037
    1
    31
  • Бергә булырга язмаган безгә... Хәзер аңлыйм: мин бик тырыш, яхшы укучы бала булганмын. Һәм шуның өстенә соң өлгергәнмен. Мәктәптә кайберәүләр бишенче класстан ук егетләр белән аралашып, егет сөйгәнгә исләрем китеп карый идем. Артык хисләнеп тормыйча гына дөньяны җигелеп тартучы әти-әни үрнәге дә шул булгандыр. Алар артык мәхәббәт маҗараларыннан башка гына, димләп өйләнешкән кешеләр иде. Егет сөю бер оят эш төсле тоелган миңа.
    2554
    0
    16
Реклама
Соңгы комментарийлар
Реклама
«Татар мамык шәле» бренды нәрсә ул?
«Татар гаиләсе / үрнәк алыгыз»
«Азат хатын» күргәзмәсе – Кабан күле буенда
«Сөембикә»нең яңа саны һәм... балчык
Әлфия Миңнуллина: «Әни Казанга яланаяклы кыз булып килгән иде, яланаяк мәңгелеккә китеп бара...»
Фарфор буенча рәссам Римма Газалиеваның шәхси күргәзмәсе
Укучыга таба яңа адым: «Сөембикә»нең февраль санын тәкъдим иттек 
Венера Ганиеваның ире, тавыш режиссеры Камил Фәйзрахмановны соңгы юлга озату
Беренче дулкын. Өмет, курку, хисләр
Татарстан журналистикасы тарихы – фотоларда